اقتباس المشاركة الأصلية كتبت بواسطة Abdullah91 مشاهدة المشاركة
ياحبيبي هذا متعارض مع مجال عملك أنت موزع تاخذ من نقطة أ توصل لنقطة ب انا اروح لاراميكس في السلي واشوف بعيني كيف تتوزع الشحنات على الموزعين مايلمس شيء تجيه لحد سيارته ويحملونها له فريق مخصص هذا عمله بعد مايفروزنها له ويجردون عليه و ينطلق اما شغله اني اغلف واصلح في الكراتين عشان ناقل يرمي الاكياس ويسلمني شحنات مهروسه هرس هزلت واللهماسبب نكسة للتوزيع الا ان اغلب المشرفين والموزعين بالنقاط شغالين على نظام دامها تمشي مشها يشتغل كل شيء يسوي كل شيء يضحي عشان يخلص عمله بأي وسيلة وفي النهاية والله محد يقدرك ولا يدري عنك
حتى المكاتب الأمامية صار العمل عكس السابق الآن يجيك عميل لاغلف البعيثه ولامعه تيب وتقعد تغلف له والله اوقات كثير الكراتين حق الطرود من عندنا البريد مفروض فيه ارشادات للعميل ماله وماعليه عند ارسال الطرود يفكرون انت المسؤول عن تغليف عيناتهم الواحد قام يشتغل في البركه واحد من المؤظفين قدامي قال لعميل لازم اشوف المحتويات التي في الطرد قال انا اروح عند مكاتب بريد ولايقولون كذا بس انت فيك وفيك وبعد ما يمشي الطرد ويتم قبول الارساليه ثاني يوم يجي يشتكي عند المدير في الصباح شي عجيب حتى العملاء يفكرون انه يدفع راتبك هو اول عملاء غير الآن لايوجد وعي اهم شي يمشي نفسه ولايطلع يغلف او يتعب نفسه