اقتباس المشاركة الأصلية كتبت بواسطة يارب عفوك مشاهدة المشاركة
لا ياعزيزي فهمت ردي خطأ الموضوع يتعلق بمن لهم خبرات ومؤهلات ويعملون في مجالهم ولهم خبره سنين وتستقطبهم لاعمال اخرى مغايره لما هم عليه مثلا موظف معه شهادة جامعية تخصص مالي ويعمل بالادارة الماليه له خبره لا يقل عن 15 سنه تجي تشيله وتخليه يعمل في تقنية المعلومات !! موظف يعمل في الموارد البشرية وتخصصه موارد بشرية وله خبره في هالمجال تقوله وقف على جنب وتجيب واحد مالي وتقوله تعال اشتغل في الموارد البشرية موظف يعمل في تقنية المعلومات ومؤهله تقني وله خبره في مجاله وتجيبه للادارة الماليه وقس على ذلك اما تقولي تجزئة وتقولي توزيع ماتحدث عنها من نقل اليها نقل برغبته وبموافقته ورغبته في الترقية اما النقل اللي صاير السنه الماضيه هو ابتسامه وكيفك طال عمرك ودي انقل عندكم والاخ يقوله ابشر بس خلاص شوي اكلم مديرك الاسبوع الجاي تباشر عندي وش حاجتك له ؟ هل هو نقص كادر لديك ؟ هل بحثت ؟ هل سويت مقابلات ؟ هل وهل وهل ؟ ماهي الاسس اللي خلتك تنقله لادارتك بما ان مؤهله مغاير لطبيعة عمل ادارتك ؟ ابتسامته ؟ ضحكته ؟ ايش بالضبط ؟ وصلت الفكره اخوي عبد الله ؟
نعم وضحت لي فكرتك الآن اكثر طيب بخصوص طريقة النقل اللي أشرت لها ، من عام 2019 اول ما تشكلت قيادة المؤسسة الجديدة تم ايقاف النقل تماماً بين الادارات والقطاعات وكان حصراً نقل الى التوزيع فقط بعد الكلام هذا بفترة نزل تعميم على الايميل يوضح آلية النقل بين الادارات والقطاعات عبر برنامج التوظيف الداخلي بعد دراسة الاحتياج الفعلي و ملزمة اي ادارة عندها احتياج برفع طلب الى على النظام ويوافق على الطلب مشرف القطاع ..إلخ الاجراءات عموماً صدقني ان الوصف اللي وصفته اللي هو عبارة عن نقل الموظفين بالواسطات ومن فوق خشوم مدرائهم المباشرين دون دراسة الاحتياج كانت ثورته على عهد بنتن و آلطف و العبدالجبار اما الآن الموضوع أصعب من قبل ولا يعني انه غير موجود و ممكن انك حصلت ناس تنقل من اداراتها هذا لا يعني انه منقول بالواسطة فيه ناس تقدم على الوظائف تبحث عن مرتبة او تحسين وضع او تغيير مسمى وظيفي او طفشان من ادارته او حاصل له مشاكل حتى لو الادارة ماهي مناسبة لمؤهلة مع المفاضلة ممكن يجتاز .. لا تنسى ان المتقاعدين على العروض السابقة حوالي 2000 شخص واللي يحصل الآن تدوير داخلي للموظفين لسد الاحتياج و الامثلة كثير اعرفها و على النقيض اعرف شخص تم الغاء ادارته تماماً من الهيكل و الآن بدون ادارة و يقدم عالوظائف اللي تنزل وماينقبل يعني المسألة توافيق من الله و انت و جهدك و نصيبك