عندما يتميلح أبو شوشه عند البنات

[ابو شوشه]

اليوم نبي نسولف لكم عن سالفتن صارت لي هاك السنه

كشتنا انا وربع لي سملق وجحلط بالثمامه..

وش تتوقعون يصير حولنا انهار ومياه وبحيرات وزهور واشجار ووجه حسن!!!!

اكيد عند المخلفات والشبوك والقواطي

المهم بليله من الليالي المظلمه ونحنوووو متوزعين
اللي يلعب ورقه بلوت
واللي جالس يقطع بصل للطبخ
واللي يصفي انتل التلفزيون
واللي يشب النار
واللي ... الخ الخ


وفجأأأأأأه وبينما حنا كذلك إذ طفى الماطور علينا!!!

يعني خلص البنزين

والله انا اطمر انا وابو سعد رحنا للمحطه نجيب جيك (جركل او تانكي)) بنزين

وصلنا المحطه قعدت انا اعبي بنزين وصديقي ابو سعد دخل البقاله او راح للحمام مدري وين طس له


ماعلينا خلونا بالمهم

وقف بجمبي راعي هايلقس فيه بنات مبرقعات
راح ابوهن للبقاله
قلت فرصتك يا أبو شوشه تميلح قدامهن طلع مهاراتك
ابرز كل مافي جعبتك من قدرات لجذبهن اليك
استعرض امام ناظريهن


والله انا اروح للبقاله واحصل مشط وكديت شعري ( كان لي شعر هاك الوقت)ولمعت وجهي ورجعت بسرعه للجيك

وابوهن توه مابعد رجع قلت تمااااااام

وبينما نتبادل النظرات والهمسات ولي البنزين بيدي اعبي الجيك

نزلت راسي ودخلت عيوني بالجيك اشوف هو امتلا او لا

فجأأأأأأأأأه

فجأأأأأأأأأه

فجأأأأأأأأأه

فجأأأأأأأأأه

بووووووووووووووووووووم

طاش البنزين بوجهي تقل بركان اللهم ياكافي

وانا اصارخ من حر البنزين ووجع عيوني

والبنيات يضحكن

ويجي صديقي بسرعه
ويجي رجال ثاني وقعد يساعدني ويغسل وجهي بمويه صحه
ويمسح وجهي بالمناديل


وبعد شوي يوم فتحت وعينت من الله خير لقيت الرجال اللي يساعدني ابو البنيات

واخزيااااااااااااه

واعيباااااه

وين اودي وجهي من بناته

ماقصر جزاه الله خير

عقبها وانا بطلت مغازل وتميلح


نجي للمهم

يوم رجعنا لربعنا بالخيمة

صديقي راح يعبي الماطور
وانا رحت للخيمه ميت برد وتعبان

دخلت الخيمه((طبعا ظلما مافيها نور ) يعني محد يشوف الثاني

قالو العيال وراكم ابطيتو
قلت ابو سعد اخذ له مشوار للحمام

وانا جالس احبرش بالجوال
<<<<<<<< نصاااااااااب ذاك الوقت مافيه جوال

قصدي اقشع وجهي من بقايا البنزين
كان بجمبي جعجع يسولف معي

فجااااااااه

شغل ابو سعد الماطور وولع النور

مادريت الا اللي يصصررررررخ جعجع
يقول جنننننننننني

اثاريه شاف وجهي محمر ومبيض ومخضر من البنزين وخاف يحسبني جني



مالومه والله


يوم ولع النور يشوف واحد لابس ملابس كوره اسود باسود
وفروه سودا
ولابس طربوش اسود ومغطي وجهي ماطلع الا عيوني من البرد

ومع هالسواد الوجه صاير ابيض واحمر من بقايا البنزين


اكيد اللي يشوفني يحسبني جني

وبس خلصت هالسالفه

وقريبا مقاله مع مريم نور

ياعيباااااااااااااااه نسيت اسلم

السلام عليكم ورحمه الله وبركاته

[ضيف لله الرشيدى]

الحمــــــ الله ــد على سلامتك
هذا علشان ماتعودها
يابوشــ شه ـــو

[ابو شوشه]

الحمــــــ الله ــد على سلامتك
هذا علشان ماتعودها
يابوشــ شه ـــو

الله يسلمك ضيف الله

ايه توبه خلاص بس هذا يام البياجر الله يحييك

اشكرك اخي على مرورك

[محمد السحاري]

صراحة .....سواليف تونس لا تقطعنا من سواليفك ....


الحمد لله أن الطبخ ماهب عليك وإلا كان رحت فيها ....يعني

بووووووم

[ابو شوشه]

صراحة .....سواليف تونس لا تقطعنا من سواليفك ....


الحمد لله أن الطبخ ماهب عليك وإلا كان رحت فيها ....يعني

بووووووم

هلا محمد السحاري حياك الله وانا اخوك

لا كان تقطيع البصل علي بس بعد الي صار لي

حطوني اخر الخيمه وغطوني برواق تقولون واحد فيه جرب

اشكرك اخي على مرورك على الموضوع وابشر بالسواليف السنعه

بس نبي ناس تقراء الموضوع مو بس تمر وكنها شايفه لها قطو مندعس

خخخخخخخخخخخخخخخخخخخخخخ

[abufuzan]

لازم أرد عليك عاد مهيب زينه ناخذ السالفه كذا ونضرب الباب ... يعني أنا معجب وما راح أخليك .. أعتبرني وش أقول لك زي المطبات الحفر اللي مالية شوارع الرياض ... لو تسوي نفسك سواق ما تدري الا بوم طخ والاك متوسط ذيك الهويه اللي تصحصحك وتخليك مستعد للي بعدها .. تعجبني سوالفك ليتني من أخوياك ايام زمان.. الله يذكرها بالخير ..

[ابو شوشه]

لازم أرد عليك عاد مهيب زينه ناخذ السالفه كذا ونضرب الباب ... يعني أنا معجب وما راح أخليك .. أعتبرني وش أقول لك زي المطبات الحفر اللي مالية شوارع الرياض ... لو تسوي نفسك سواق ما تدري الا بوم طخ والاك متوسط ذيك الهويه اللي تصحصحك وتخليك مستعد للي بعدها .. تعجبني سوالفك ليتني من أخوياك ايام زمان.. الله يذكرها بالخير ..

ايه مهيب زينه ابو فوازن احط موضوع و تشطفه شينه في حقي

اتخليك وانت شاطفن موضوعي و مار ولا تخش تسلم قسم بالله من يفكك مني

والله ما افكك الا ومنزل فيك موضوع

عاد باين اسلوبي في المواضيع الي اكتبهااا

ايه والله يا ابو فوزان الله يذكر الايام المراهقه قصدي ايام الشباب بالخير

تحياتي لك اخي ابو فوزان

ملاحظه

كلمه تشطف ما يقولها الا الناطقين بلهجة الرياض وما جاورها ومعناها

تشطف = وهو المرور بسرعه البرق والميلان عنه بدون ما تنتبه له



يا طول التعبير عاد وانا من ذو انامل اضافري وانا اكره ماده الاحياء

<==== وش دخل ماده الاحياء في الموضوع

تحياتي لكم

[ابوسلمان]

اسمح لي اسميك ابو شوشه ( ونيس المنتدى ) .. وبكل صراحه وجود مثل مشاركاتك اللطيفة و خفيفة الظل مطلوبة ..
نتمنى استمرارك .. وننتظر المزيد .. ولك كل الشكر والتقدير

[ابو شوشه]

اسمح لي اسميك ابو شوشه ( ونيس المنتدى ) .. وبكل صراحه وجود مثل مشاركاتك اللطيفة و خفيفة الظل مطلوبة ..
نتمنى استمرارك .. وننتظر المزيد .. ولك كل الشكر والتقدير

مشكوووووووووووووووور اخوي ابو سلمان على التسميه ما ادري هي تسميه والا كنيه

والله يحللك ويبيحك

الله يسلمك على اعجابك بمواضيعي وردودي الخفيفه

وان شاء الله اكون عند حسن ظنكم وظن الاعضاء

ملاحظه شباب ابشرك تم ترقيتي من ملازم الي ملازم اول

يا ملح النجمتين تحت اسمي يا هي تاخذ العقل

<========== الله يا خذ عقل عدوك ركز في الردود لا يشرهون عليك

تحياتي العطره وباقه ورد مجفف لك يا ابو سلمان

لا تتعجب عشان يوم قلت ورد مجفف انت تعرف الورد الطبيعي يذبل بسرعه

لكن الورد المجفف يدوم معك

[رحال]

اخي الغالي ابو شوشه...واحد يتلزق..هههههههه

تواجدك معنا ممتع ورائع..

واتمنى استمراره..

واما عن المغازل.......هههههههههه.. باي باي..راحت علينا..

بس مواقف زي مواقفك مااا مرت عليه...

وانتظر مريم نور...بس لا تنسى الاعشاب...والشعر الابيض ..(المعقص)..وعودة البخور..تحطها مع الموضوع..

سلام يالغلا..

رحــــــــااال...

[ابو شوشه]

اخي الغالي ابو شوشه...واحد يتلزق..هههههههه

تواجدك معنا ممتع ورائع..

واتمنى استمراره..

واما عن المغازل.......هههههههههه.. باي باي..راحت علينا..

بس مواقف زي مواقفك مااا مرت عليه...

وانتظر مريم نور...بس لا تنسى الاعشاب...والشعر الابيض ..(المعقص)..وعودة البخور..تحطها مع الموضوع..

سلام يالغلا..

رحــــــــااال...

اخوي رحال يا زين التلزق وانا اخوك انت ما تعرف فؤائد التلزق

هناك اربع فؤاد وبصراحه ناسيها لاني ما قريتها في كتاب ابله نظيره

رحال ياخي احس اني اعرفك على فكره تعرف ابو سعد

اخي العزيز رحال الغزل يجي عفوي والا ما فيه احد يطالع في خشتي من زينها كلها مشق

وخاصه بعد ما تركت الشوشه وصار الانتر بول يطاردني يقولون اني خاطف

قطار الصعيد وحاطه في شوشتي اللوحه الي فيها صوره حرمه المشهوره

الي اسمها اللويزن او لوزينا ايه ايه ايه لقيتها اسمها الموناليزا ما ادري زي كذا ... وبعدين كلها اشاعات

اخي شفت الي كتبته لك والله ما يستفاد منه شي كله من الشوشه

الي حاب اقوله اسعدني تواجدك وردك اللطيف واعجابك بالموضوع

تحياتي لك اخي العزيز رحال