( مزايين أبوشوشة ) .. للضبان والجرابيع .. زورونا

[19سنه خامسة]

يسرعدنا = " يسرنا ويسعدنا " دعوتكم لحضور ( مزايين أبوشوشة ) للضبان والجرابيع الأصيلة

الثمـــــــــــــــــــــــامة _ هجرة المشوشين ...

ضب ( زول ) سوداني


ضب ... ( مغربي ) مزيان بالزاف


ضب أمريكي ... ( ممنوع صيده ) أنتبه لاتشرف في غوانتنامو


ضب ( صومالي ) الشكوه لله


ضب برازيلي من نوع ( رونالدينيو ) شف الألوان .. محترف في صمان البرازيل


وهذا ( الأصـــلي ) معرب الجد والخال


أرفع راسك أنت سعودي


مزايين ..( الجرابيع ) .. هنا








أتصـــــــــــــــــــــــــــــــل الأن لحجز مقعدك في ( مزايين أبوشوشة ) ..." 0000500010"


المشرف على المهرجان ... أبوالعز عمر
رئيس المهرجان .. أبوشوشة
اللجنةالإعلامية ... رحال .. إداري
لجنة تذوق الأكلات ... شيف " ضوى "

[19سنه خامسة]

بمنـــــــــــــــــــــــاسبة
( قدوم فصل الشتاء ) و ( موسم صيد الضبان )
نقدم إليكم ( أفضل طريقة ) لطبخ الغالي " الضب "

تقدمة : الشيف .. ضوى

المقاديــــــر :
وجبة لأربعة أشخاص

1) ضب " شباب " ناصع العكرة

2) أربع أكواب رز ( بوضب )

3) طماط وبصل وملح وبهارات " دارسين ليمون أسود
الطريقة :


1- ربص الرز بعد غسله

2- سو تكشينة ( وذلك بتقطيع البصل إلى قطع صغيره ثم تكشنه مع الزيت حتى يشقر) بس انتبه لا يحترق

3- ضع الطماط المقطع أو بدون تقطيع بس لا تنسى (تطعنه بالسكين)
حسب الرغبه لاأجل تكثير الماء ( ترا الطبخة هذي بدون ماء) أقصر الدافور وخله خمس دقايق ولاتنسى تغطيه بها الخمس دقايق

4- افتح الكاتم وضع لحم الضب ( المقطع والمصلوخ طبعا )
ثم ضع الملح حسب الرغبه وكذلك البهارات والدارسين والليمون الأسود و الحبحر

5- أغلق الكاتم بإحكام ثم زد عليه النار

6- إذا تس احسب له 45 دقيقة وخل النار متوسطة

7- بعدين طلع اللحم وخذ عقوده واشخله من البصل والطماط ثم أعد العقود إلى الكاتم

8- ضع الرز المربص بالكاتم مع عقود الضب ( العقود هو البلول أو المرق) ثم شف هو يبي تزويد العقود وإلا تنقيصه وانتبه للملح



9- أغلق الكاتم ثم زد عليه النار حتى يتس وعلى طول اقصره لآخر حد عشان مايحترق ثم انتظر خمس دقائق

10- افتح الكاتم واحرك الرز من فوق لتحت


بالهنــــــــــــــــــــــاء والشفــــــــــــــــــــــــــاء
مع تحيات لجنة التذوق في مزايين أبوشوشة
شيف / ضوى

مزايـــين أبوشوشة .. للضبان والجرابيع

[19سنه خامسة]

أقووووووول ( المهرجان ) اليوم
وين الزوار..؟
وين رواعي المزايين ..؟
وين المربين والمضمرين .. لايفوتكم الزين ..!!

[حقاني]

والله جميل وشكل حلو

واعداد مره قميل

بس مافيه واحد ويتكرم ويسوي مزايين دجاج

لان الدجاج له محبين وعشاقه وناسه ورواده وجماعته ولماذا لايكون للديكه مزايين

[وادي السليكون]

حلووووووه...

طافت على ابوشوشه ...واشكرك اخوي 19 سنه على هذه الدقه الغير مباشره ...صار البعير بمليون ريال وهو مجرد حيوان و لايحمل اي شهاده علميه وليس لديه اي معلومات في الحاسب الالي....

[إداري]

بسم الله الرحمن الرحيم

هههههههههه
الله يقطع شرك حبيبي ( أبو العز ) والله أنك سديت نفسي عن الأكل .. !!
ضبان وجرابيع بعد .. !!

ما أدري كم السوم اليوم ..؟!

شكراً لك والله يعطيك العافية ..

تحياتي لكم
إداري

[19سنه خامسة]

( حقاني ... قريباً ( مزايين الكوكو ) .. هاهاها شكراً لمرورك الجميل وتعليقك "الأقمل " )

( وادي السليكون .. شكراً مليوووووووووون لمرورك وتعليقك )

( إداري ....... هلا وغلا ... " الضب السعودي 120 " و " السوداني 35 " والبرازيلي هديه إذا شريت سعودي ) شكراً للمرور والتعليق إداري

أخوكم / أبوالعز

[abufuzan]

اما هالمزيون والله انه ما ينتحارش والله لو ياكل ثلاث مطبات ورى بعض ما يحك ..

[وادي السليكون]

اما هالمزيون والله انه ما ينتحارش والله لو ياكل ثلاث مطبات ورى بعض ما يحك ..

ههههههههههههههههههههههههههههههههههههههههه

قاطعه قلبك يا ابو فوزان المطبات و من كثر ما تحك سيارتك فيها...
هههههههههههههههههههههههههههههههههههههههههههه
هههههههههههههههههههههههههههههههههههههههههه

[19سنه خامسة]

اما هالمزيون والله انه ما ينتحارش والله لو ياكل ثلاث مطبات ورى بعض ما يحك ..

هلا وغلا ... بوفوزان .. سرني مرورك وتعليقك ....

أي هذا ( معرب الجد والخال ) مواصفات سعودية


شف رزة " الصدر " تقول لاندكروزر .. عطايا الله

[مراسيل]

وش ذا يابو شوشه حرام والله هذا حنا ياالسعوديين مانصيد الي يكفينا من يوم نشوف الصيد

يصيبنا غلاث تقول في مجاعه مع العلم ان مابقي من الصيد الا الضبان حرام الصيد الجائر

والزائد عن الحاجه الله يهدي الجميع

[محمد السحاري]

يا شباب ..

يا شباب ,,

وين المنظم للمزاين ,,,

أبي أدري كم وصل سوم الزين ...

[ضوى]

الله يلووووووع جبدك يا بو19سنة ماادري وش ادعي عليك فيه 19 سنة تاكل من هالضبان لما تقول يما ارحميني منهم ومن اكلهم . .


لا تسأل عن ابوشوشة شاف الموضوع ومالحق يرد عليك قال خل اسبق الغير لا يخلصون يتحرى الدنيا ربيع


إن ما اشتكيت عليكم عند جمعية الرفق بالضبان . .



يااااااااااربي وش جابني على هالمووضووووع المقرف . .

[ضوى]

بيني وبينك عجبني هذا البرازيلي شكله كووووووووول مرة وش رايك تهديني اياه اربيه عندي بالبيت احطه بحوض السمك ينفع وإلا لآ



اما هذا عجييييييييييب حقيقة شكله يقول وينه ابوشوشة اللي تخوفوني منه اتحداااااااااااااااااااه يقرب صوبي

[19سنه خامسة]

وش ذا يابو شوشه حرام والله هذا حنا ياالسعوديين مانصيد الي يكفينا من يوم نشوف الصيد

يصيبنا غلاث تقول في مجاعه مع العلم ان مابقي من الصيد الا الضبان حرام الصيد الجائر

والزائد عن الحاجه الله يهدي الجميع

مســـــــــــاك الله بالخير ,,, ياشيخ ( مراسيل ) ....!!

هلا وغلا مراسيل ... سرني مرورك وتعليقك

أما بالنسبة ( للصيد الجائر ) ... أقولك :
الي ياكل بيده " يشبع " .. أشتك على ( بوشوشة ) هو الريس ... هاهاها

أخوك / أبوالعز