السلام عليكم ورحمة الله وبركاته
تحية طيبة وبعد
هذي اول مشاركة لي
بس والله من قهري حطيتها
بدأت مشواري قبل سنة
قدمت على البريد السعودي طالبة وظيفة
وارسلت ال C.v.
وبعد كم شهر تقريبا على الحج جاني اتصال من القسم النسائي للبريد السعودي بجدة يقولوا لي تعالي المقابلة الشخصية
وفرحت وحلمت
وجا اليوم الموعود
ورحت وعملت المقابلة الشخصية
بصراحة كانت روعه
والنساء الموجودين بالقسم كل وحده ما شاء الله ما تتخير عن الثانية في الذوق والتعامل الراقي من المديرة للخالة والله العظيم حبيتهم وتمنيت اشتغل معهم
وطمنوني انه في فترة تدريب لمدة 3 اشهر وان الراتب ما يقل عن 3500 ريال
والله فرحت
انا اعشق العمل اي عمل الا التدريس
المهم
قلت طيب متى استلم الشغل
قالوا لا بنرفع الاوراق للرياض لسعادة الدكتور محمد صالح بنتن وتجي الموافقة من عنده
واذا اعطانا الاوكي نكلمك تاخذي ورقة الفحص الطبي وبعدها تستلمي الشغل
واستنى لكم شهر وارجع اتصل يقولوا لسه الدكتور بإجازة بس فيه موافقة ابتدائية
قلنا طيب
شهرين
برضه اجازة
بعد اربع اشهر
لسه
بعد ستة اشهر
جاتني الصاعقة
الرئيس رفض ؟؟
رفض ؟؟
بعد ما هيئت نفسي
ورتبت اموري
وقسمت ديوني على قد راتبي
ضاعت احلامي
والرئيس رفض !!!
طيب ليش ؟؟
انا حبيت النساء اللي يشتغلوا في القسم
كنت كل شهر اكلمهم ويطمنوني وكانوا متفائلين وانا كمان ولا عمرهم كذبوا علي
والله انهم ناس محترمين وذوق مايعرفوا اللف والدوران
لكن انصدموا مثلي
طيب ايش اعمل قولوا لي
انا ابغى الوظيفة لدرجة ما تتوقعوها
ضاعت احلامي
ضاعت طموحاتي
وضاع كل شي
لاتقولوا لي دوري في مكان تاني
انا زوجي شارط علي شروط عشان اتوظف
1- مافيها اختلاط برجال
2- مايقل الراتب عن 3500 ريال
3- دوام واحد صباحي يعني حدي 2 الظهر
4- يكون في جنوب جدة وممكن في شمال جدة بس الراتب وقتها مايقل عن 5000 عشان يكفي حق السواق
طبعا من حقه شروطه هادي
عندي اولاد وراتب خدامة وايجار شقة وعلينا دين اقساط سيارة
يعني لما لقيت البريد حقق لي شروط والله ما تتخيلوا قد ايش كنت في سابع سما ونزلت لسابع ارض
حاولت ادور
اللي يقولي تخصصك مو مطلوب
واللي يقول الراتب 1800
واللي يقول دوامين
واللي يقول اختلاط
حلالالالالاص تعبت
واللي يقول في بس دوري
اقوله طيب وظفني انت
ايش اسوي
من يقدر يساعدني ؟؟
رد مع اقتباس
المشاركة الأصلية كتبت بواسطة بركان العشق
طيب كيف راح وهو باقي ماجاء ؟؟؟ 
