طابتلي السهره وزانت علومي
انا وهاجوس القصايد مع الليل
اجمع شوارد شعر واطرد همومي
اسلى واسلي خاطري بالتماثيل
ارفع خيالي يم هاك النجومي
مالي مع اهل الارض شف وتعاليل
ياسامعي بالله حذرى تلومي
عذري معي بس انت خل التفاصيل
ابستبيحك عذر واخذ هدومي
واوراق شعري والقلم والمراسيل
ماني سفيه ولاني نسيت السلومي
لاشك ضاقت بالدموع المناديل
مليت واقف واتحرى القدومي
مليت اغني للاصّم المواويل
ضاعت علومي في سبيل الحلومي
وظنيت احصل بالمفارق مواصيل
حالت تناقض بين برد وسمومي
اعدل اوضاع الزمن وارجع اميل
وادعي عليها علها ماتقومي
واستغفرالله علها للتساهيل
اللي خذت من وسط الاعيان نومي
وخلتني ارثع في زمان الغرابيل
اقفت بيومٍ كان ظني تدومي
وراحت وخلتني علي سكة الويل
ولجت ضلوعي يوم ضاعت عزومي
وصوتله باخر رمق مابقا حيل
احكم وصّوب للضماير سهومي
وش عاد ابخلي من الهم واشيل
وصارت طيور الهم حولي تحومي
ياكيف ابرجي يابو صالح محاصيل
قلت اتسلا في طويل الرجومي
اقبر همومي واتحرى المقابيل
واقول لواني بطبعي كتومي
ماعادلي بالوقت حيله وتعديل
الصدق يكذب والاماني ترومي
ياكثر كذبك يازمان التهاويل
بسلك طريقٍ غيروارقا النجومي
واقند ايام التعب للزمن هيل
هاذي شوارد شعر فيها ختومي
ماذم من لجنه وناقد وتحليل
شاعر ورقمي مااعتلته الرقومي
والشعرعندي له مكانه وتبجيل
اشحن خيالي واعتلي للغيومي
واشعل حروفي في زماني قناديل
تروح يوم ويوم ترجع همومي
هاذي حياتي مع زمان الغرابيل
هذا واللة مافيني لكن اللة الرجال العزومي والانسان وش ياخذ من الدنيا ان فارق ودع الاصحاب علا العموم لاتنسونا واللة يرحم والديكم لاتحذفون جوالي لعل وعسى حمدان عبداللة الشمري جوال0557581312
رد مع اقتباس
