استودعكم الله
الأيام تجري ونحن لاندري انها ستكون من اعمارنا
(احد يقدر يعبر مثلي اتحداكم )
هذا بعد خدمة 35 عاماً قهوجي في منتدى البريد العربي احال الى التقاعد
( تكفى يارئيس الوزراء انت وظيفتك اللي صاج الناس فيها )
كانت ايام حلوه مع اعضاء كانوا هنا بعضهم مات وبعضهم يتبوأ ( اما يتبواْ)
مناصب رفيعه في هذا البلد الغالي .
وذهب اعضاء وجاء اعضاء جدد واحببتهم (منيب سهل انا بهالتعبير )
وايضاً مشرفون جاؤ ومشرفين رحلوا
وكنت اخدمهم بعيوني من حبي لهم ( ياعالم انا اموت على العبارات )
والان بعد ان قمت بواجبي على اكمل وجه اغادر وانا مبسوط منكم
كانت ايام جداًحلوه مع المدير ابو عبد الرحمن الله يذكره بالخير
هو صحيح ونعم بس الله يهديه مايعطيني الراتب كامل ابد ومدري ليش
المدام ضوى كانت بنتاً حنونه معي تقول لي انني اذكرها بولد جيرانهم ابو جبهه خخخ
وماتقصر معي كل صبح اذا جبت لها القهوه تدس في يدي بضع ريالات
ابو فوزان كان يمرمطني اروح اجيب له سندوتشات هو وجهه وانا كبر ابوه
مايستحي مخليني مراسل له ولا احترم مهنتي على الاقل
رحال الموظف الحرك كان يتسلف مني ثالث يوم من الشهر ومن زين الوجه مايردها الا بعد الغثا
واشكيه عند ابو عبد الرحمن بس ودي اعرف وين يودي راتبه هالولد؟؟؟؟؟؟ ( اكيد يشري فيها تتن )
ايييييه كانت ايام الله يرجعها بخير ( اما ايام عقب كل هذا كثر منها )
يااولادي واخواني اوصيكم خير في المنتدى احفظوه وحبوه مثل انفسكم (مؤثرهالكلمه مره )
يالله اودعكم والله يعين الاداره كل صبح من يسويلهم الشاهي والقهوه
والكافي ( والله هالشايب يعرف الكافي من زين تصليحه بعد )
ابو عبد الرحمن طال عمرك عطنا قريشات نهاية الخدمه لاتجحدنا طال عمرك مثل كل مره ولا اشتكيتك على مكتب العمل
ضوى ترا ماسددتي اللي عليتس من شهرين وانا منيب اكد على عميان
مو صرنا نذكرتس بولد جيرانكم عاد تاكلين حقنا
يالله اشوفكم على خير انشاءلله
اهي اهي اهي يصيح من لحظة الفراق منكم (%)
خخخخخخخخخ وشرايكم فيني وانا استخف دمي
ابيها منكم بصراحه لاتجاملوني ابد
<====== تكفى يالمحبوب انت
تشاااو والى موضوع احلا واحلا مني لكم هيهاهو هيويهوي
(ترا هذا من تأثيرقرقعت الدلال والفناجيل في راسي )
رد مع اقتباس
المشاركة الأصلية كتبت بواسطة ابو شوشه
