ابو شوشه ومفتاح العجل
السلام عليكم
مساء الخير
جايب لكم سالفه مرت علي امس هالحزه
كنت في امان الله قاعد اتطاق انا وولدي ابو جبهه فالقني بعلبه التونه حتى شوفوهاا
ايه ومغير مطامر في الاسياب وفجاتنا وش رايكم فجاتنااا عرف خط علي املاء تكتب كذا فجاه
ايه المهم وانا توني ماسكه مع طرف خشمه ابي اصفقه ويرن على التلفون الخلوي
<======== يا سلام على الخلوي قل الجوال وفكنا من تميلحك
ايه يا جماعه الخير وامسك الجوال واطالع في الشاشه واشوف دحيم متصل علي
قلت لولدي ابوجبهه فكك الله اذلف عني شوي
واكلم دحيم وهو يهلي ويرحب ويبارك لي بالشهر ويقول من زمان ما شفناك وينك فيه
وانا كل يوم اشوفه وهواش ومطاقات انا وياااه
وبعدين وكل يوم يواعدني بفول واخر شي من كثر مواعده لي بالفول كرهت الفول بسببه
المهم اثناء سوالفه معي قالي ابو شوشه لك والا للذيب قلت له يخسى الذيب
وانا اخو فلانه قال منهي فلانه قلت له اهااا بس ما عليك وش طلبك
قال سيارتي خربانه عيت تشتغل ما ادري وش فيها تجي تشوفهاا
ايه قالولك متصل على مكينيكي
المهم وانا الي اشوت ولدي ظفر بوز ولاه ناشب في ربعه المجلس وانقز لدحيم
وامره وقلت دحيم هذي سيارتك قال ايه
بالله عليكم شوفوهااا بعد يبيني ازينها له
وش ترجون منهااا
دقيقه جوعااان ابي اتعشاء وارجع اكمل لكم السالفه لا تقولون ما عزمنا تعالو
تفضلو على قل الكلافه
الحمد الله على نعمته وعافيته
طيب قولو اكرمك الله
وبعدين قلت لدحيم افتح الكبوت وهو ينقز ويفتحه واقوله شغل السياره وعيت تشتغل السياره
قلت اكيد البلا من السلف ويقول لا شكلها من اصابع البطاريه قلت له الاصابع ما اعرف لها قال انا اعرف لها
وهو الي ينقز ويجيب كاس مويه حااار تغلي ويجيك يكبها على البطاريه ويقعد يفرك
في الاصابع لو اقوله فرك اصابعك وغسلها عيى
المهم وعيت تشتغل ويمر علينا واحد من الشباب ويقول وش فيكم قلنا عيت تشتغل السياره قال اكيد من السلف
والتفت لي ديحم واقوله شفت اني خبير واخرر بس هناك عطني حديده والا شاكوش اشغلها لك
ويروح يجيب مفتاح العجل ترى مفتاح العجل هو البطل في السالفه
وامسك مفتاح العجل واقعد اضرب في السلف
تبون الصراحه انا احترت وين السلف فيه وكل المده قاعد اضرب الدينمو وفي علبه الدركسون
ايه وفي الاخير عيت تشتغل السياره قلت له خلني اجيب فني يعرف يصلحها عيى قال خساير وفي الاخير
اقتنع وانقز واجيب فني تخصص سلوف جمع سلف ايه ويكشف عليها
ويقول الفني صديق ايش هذا من يضرب كذا قلت له هذا دحيم صديق انا ما يعرف بس كله ضرب ضرب
المهم وياخذ مفتاح العجل ويضرب السلف ضربه وحده والا السياره تشتغل
قلت شفت دحيم عط النجار مفتاح العجل ولو صفق به على جبهتك
واركب انا ودحيم ونروح للصناعيه ويدخلها في ورشه وينادي الخبير يقوله شف صديق سلف خربان اكشف على السياره
المهم جاء الخبير وكشف علي السياره قال الخبير سلف لازم تغيير وكفرات لازم تغيير
الي قاهرني وش دخل الكفرات في السلف
المهم قال دحيم غير كل شي تشوفه مو زين حتى لمبه الساعه الداخليه غيرها
يوم حسب المهندس التكاليف طلعت قيمه سياره بي ام
معليش افترت الصفحه من كبر السياره مو سياره دحيم
ودحيم ذكي يقول لي ابي اتعبربها الين الله يفرج حالي وانا الي اصفقه بمفتاح العجل واتهاوش انا وياه في الورشه
واقوم وازعل وامشي وهو يلحقني يقول خلاص ابي اعزمك على شاورما فيها كتشب
ورضيت عليه قلت له تعال انت احسن صديق
ونشر لللموزين ( معليش ما عرفت اكتب اللموزين ينفع نقول تاكـسي )
ونتهاوش انا وياااه على من يركب قداام واخر شي نزل السواق كفخنا وركبنا كلنا ورى وكل واحد راز خشته على القزازه
ورحت للبيت وخلصت الحكااايه
ما يستفاد من القصه
1- الي نزل الصفحه الي الاخير ولا قرا السالفه يرجع الله لا يهينه والا ترى يجيه مفتاح العجل على جبهته
2- ترى مفتاح العجل ضروري في حياتك
3- لا تلعب بالكبريت تحرق فرشه بيتكم
4- لا تشتري تونه بعدين ولدك يفلقك فيها
5- لا تترك سيارتك عرضه لاصحاب الورش
6- اذا اتصل عليكم دحيم لا تردون عليه
7- ما عندكم وظيفه
خلاص انتهت السالفه تعبت وانا اكتبها
سلمت يديك يا مولينكس
رد مع اقتباس
المشاركة الأصلية كتبت بواسطة عادل علا
