تم توكيل محامي ضد البريد السعودي

[((اصيل))M-A-J]

يا إخوان 20% من حق الموظف وهي الاعارة وهذا قرار وشرط الزامي من وزارة الماليه وكذلك بدل السكن نظامي واذا النظام الغى بدل السكن فيجب صرف اثر رجعي لانه حق للموظف لا جدال فيه والله يكتب اللي فيه الخير ان شاء الله

يا اخوان جزاكم الله خير
بدل السكن والعشرين بالمائة لا يمكن أن تعود أبداً إلا في حالة واحدة
إذا كان المحامي قوي قوي قوي قوي وله علاقاته الخاصة والشخصية مع الكبار في الدولة
غير كذه مستحيل مستحيل مستحيل يجيكم بدل السكن ولا العشرين بالمائة
لكن اذا كان محامي عادي وبيقدم اوراقه ، فهناك نظام صادر وواضح لا يقدر عليه ابدا الا في الحالة اللي قلتها لكم

[مستريح البال]

انصح برنامج بدون شك ممتاز

[khh21]

المهم ... ايش صار معاكم

[بو بدر]

لم نسمع أي خبر عن موضوع الماحمي

أتوقع انه وهمي

[ساهر 40]

وش الجديد بموضوع المحامي

موسسة الصوامع رجعو لهم كل البدلات وايضا العلاوة السنويه والمسئولون في البريد السعودي حتى الان ولا همهم ولا عندهم نيه بفعل شي
لاحول ولا قوة الا بالله

[بريد المدينة]

وش الجديد بموضوع المحامي

موسسة الصوامع رجعو لهم كل البدلات وايضا العلاوة السنويه والمسئولون في البريد السعودي حتى الان ولا همهم ولا عندهم نيه بفعل شي
لاحول ولا قوة الا بالله

حتى نحكم على الموضوع أولا لا بد أن نتأكد هل هذا الكلام صحيح أم لا
فلا تكون مصادرنا قيل وقال
ولو كان الموضوع صحيح لا بد أن نتأكد من نظام مؤسسة الصوامع والغلال هل هو مطابق لمؤسسة البريد السعودي من حيث ميزانيتها هل تصدر من دخلها الخاص أم من الدولة .
إن كانت من دخلها الخاص فهذا تطبيق للاستثناء.
أما إذا كانت مثل البريد ميزانيتها تصدر من الدولة ، وقتها نضع اللوم على مسئولي البريد السعودي بالتقاعس في أخذ حقوق موظفيهم .
لا نجعل الكلام والتكهنات هي مصدر معلوماتنا ، ولكن لنتأكد من الأمور الدقيقة قبل ان نبت فيها .

[ساهر 40]

^^^^^^

الصندوق الزراعي وموسسة الصوامع يصرف لهم كل بدلاتهم وايضا التامينات الاجتماعيه
تسالني وش الفرق اقول لك الله اعلم الدعوة يبي لها مسئول قوي ويطالب بحقوق موظفينه

[بريد المدينة]

الموضوع ينحصر بين قوسين ( هل الصوامع والصندوق ميزانيتهم تصدر من الدولة والا ميزانيتهم تعتمد على دخلهم الذاتي ؟

[ساهر 40]

ميزانيتهم من الدولة ولو يعتمدون على دخلهم كان قفلو
واذا على الدخل البريد على كثر مصاريفه لكن عنده دخل ما شا الله اكثر منهم
صورة من المخصص للصوامع العام الماضي من الميزانية

ملف مرفق 1865

[بو بدر]

الملف المرفق لايفتح الصفحه

نرجو رفعه مرة أخرى
وشكرا

[alsami]

صوامع الغلال تم تحويل عدة اقسام منها إلى شركة لذلك طبق عليهم نظام الشركات بما فيها بدل السكن.

[ساهر 40]

طيب الصندوق الزراعي والتامينات الاجتماعية ما خصمو عليهم شي والسبب

[بو بدر]

وش صاار على المحامي

[عالي الهمه]

يارجال ولا واحد يقدر يقول شي عن المحامي
المحامي راح يتفاجأ بأن مطالباتهم غير نظامية
وتذكروا كلامي
اقولكم انتظروا التخصيص فقط
لا 20% ولا بدل سكن لنا حق فيه حاليا
ريحو بالكم

[ابو مشعل]

انا اقول لو المحامي صادق كان ما قبل القضية أصلا
والشي الثاني ، وقت ما يصرح المحامي بأن المطلب غير نظامي سوف يختفي المتصدرون للموضوع عن الأنظار
لكن انا اقول لكل اللي دفعوا 1000 ريال ، لا تتركوا حقكم من المتصدرين للموضوع
لان المبلغ 200 الف ريال تم دفعها للمتصدرين بالكامل