زيادة حجم العمل على المكاتب

[جابر]

السلام عليكم
لا يخفى على الجميع واخص بالذكر موظفين المكاتب البريدية في الرياض ولا اعلم عن باقي المناطق , حجم العمل الوارد للمكاتب في الفترة الماضيه و اللي اصاب المكاتب باختناق شديد
وهذا يذكرني بما حصل لواصل .. بنية تحتيه هشه نقص موزعين و نقص سيارات في بعض النقاط ومع ذلك مستمرين بادخال الخدمات على واصل من اجل الفوز بصورة في الجريدة اثناء التوقيع مع الجوازات او المرور ..الخ مما يعجلني اجزم ان تنفيذ مثل هذي المشاريع يتم عندنا بدون دراسة جدوى والمتضرر المواطن المستفيد من الخدمة + الموزع اللي في وجه المدفع

و الآن يحاولون معالجة هذا الفشل بتحويل عمل نقاط التوزيع الى المكاتب الامامية , والمكاتب الامامية عساها بحملها تثور , مكاتب انبنت قبل عشرين وخمسه وعشرين سنه ايام ماكان العمل مقتصر على رسائل ورزم ..الخ يبغونه يستوعب الكم الهائل من العينات والطرود في وقتنا الحالي وقت التجارة الالكترونية .. فعلاً بعض المكاتب لا يوجد مستودع لفرز العينات و الطرود انما ترمى في اي شبر فاضي هذا اذا حصلت , تم ترميم الكاونترات و جعلها بصورة اجمل بينما ماهو خلف الكاونتر وهو الاهم على وضعه قبل 20 سنه .. يا مهندس سامي .. المكاتب لها طاقة استيعابية وحجم العمل الحالي فوق طاقة بعض المكاتب مما يسبب تأخير للعميل و جهد اكبر على الموظف , حينما يكون العمل اكبر من طاقة القوى العاملة او المباني هذا يعني انخفاض في الجودة بلا شك
المسألة بسيطة يامهندس سامي ولا يلحقنا فيك شك ونعلم انك حريص على العمل لكن من واجباتك الوظيفية ان تطلع على الميدان فالادارة ماتمشي من الايميل فقط و اقترح على المتنفذين واصحاب القرار زيارة محلات قطع الغيار في الصناعية القديمة و شوفو شلون يفرزون قطع الغيار وطبقو مثلهم مستودعات مرتبه تستوعب العمل .. لو تطلب قطعه غيار لسيارتك ماياخذ خمس دقايق يجيبها لك من المستودع بينما البريد العميل يجلس نص ساعه الى ساعه عشان يستلم عينه هذا اذا ماكانت ضايعه ..

نعم هذا الذي حصل في جميع المناطق حولو جميع المعالجه ع الشباك في المكاتب الاماميه وصار ظغط ع المؤظفين وع المكاتب للأسف والمكاتب فيها الي كافيها من النقص في المؤظفين أرجو من المسؤلين النظر في هذا المؤضوع هذا ظغط وتتطفيش للمؤظفين في المكاتب الاماميه للأسف الشديد