شكوى جماعية إلى معالي وزير الاتصالات

[.أحمد]

ماقدرتو على بدل السكن من ١٢ سنه بتقدرون على غيرها اقل شي بعضكم ماوكل كله خوف وهو حق من حقوقكم اسمع جعجعه ولا ارا طحن وبدون زعل

هذا انت وكلت وكنت زعيم القروب وتجميع الفلوس وش طلع معك ؟ كسبتوا القضية ؟

[المرقاب]

هذا انت وكلت وكنت زعيم القروب وتجميع الفلوس وش طلع معك ؟ كسبتوا القضية ؟

لاوكلت ولا جمعت فلوس انا اراقب الوضع من بعيد وبعدين جمع الفلوس محضور من الداخليه والخوف قاطع قلبي ومن خاف سلم والله هم اني صائم

[((اصيل))M-A-J]

ياليت كل الاخوان يشاركو هنا قبل نرفع الرابط للوزير

[مأمور نقل]

اقترح الانتظار الى الغد في حال عدم نزولها نفتح هاشتاق في تويتر ونضيف فيه اكاونت وزير الاتصالات

[واصل المدينة]

لايحتاج الى انتظار ماذا تبقى اغلاق البنوك لو اغلقت لايمكن اضافة مكافئة رمضان الشهرين يعني انسه راحت عليكم . ونحنو نشكو لوزير الاتصلات بي الاهتمام

[al7ajri]

من ناحيتي معاكم ومؤيد الشكوى ضد الاداره الفاشله التي لامبالاه عندها ولكن الله معا المضلومين الله يبينها في من كان صاحب ردا

[يارب عفوك]

والله الشكوى لغير الله مذله ولكن نرفع لطلب التحقيق فقط وتعديل الامور السلبيه في المؤسسة
واتوقع طلب تحقيق ومن ثم تبرير ومن ثم رسالة اعتذار ومن ثم كل سنه على هالموال

والله يكتب اللي فيه الخير

[شامان 9]

معاكم في الشكوى ومؤيد بقوووه ورجاء المطبلين لرئيس يطلعون برا الموضوع

[المرقاب]

كل واحد خايف على نفسه والله ولا واحد يقدر يرسل برقيه ولا ايتكلم كلمه وحده احسن لكم كل واحد ينتظر رساله على جواله وكلكم كل واحد يطبل للثاني في جمبكم الطف وفي جنبكم الموارد البشريه يا اهل الرياض ورونا شطارتكم وبلاشي رغي في المكاتب والساحه البريديه

[بريدي فاهم]

مانقول الا الله لا يجزاهم خير

[نبع الوفاء]

الدكتور الطف رئيس جيد لكن ابتلا مجموعه من الموظفين من اختيار البنتن مع الاسف لا يدرون عن العمل ولا هم مخلصين في اعمالهم والدكتور اسامه متوهق فيهم
لا تضلمون الرجال ترى اللي حوله ماهم داريين عن شي

سجلني معك بالشكوى الله يحفظك لعل الله يصلح الحال

الحمار يتعلم مع كثر الممارسه

[ابو مشعل]

الجماعة اللي قائمين على امورنا في المؤسسة نوعين
نوع مشغولين في مسابقة رمضان
والنوع الاخر مشغولين في دوري كرة القدم لمؤسسة البريد السعودي

تركوا البريد وخدماته
وتركوا حقوق الموظفين

ولا حسيب ولا رقيب

والمسئول الاول يعتمد على الاكاذيب اللي توصله من هذي الفئة من الموظفين

سستم عطلان ، اوراق وتعميدات ما وصلت من المالية

وكله كذب × كذب كل شي واصل من بدري

ولا يكلف نفسه يقوم من مكتبه ويشوف ايش اللي صاير

[شامان 9]

الجماعة اللي قائمين على امورنا في المؤسسة نوعين
نوع مشغولين في مسابقة رمضان
والنوع الاخر مشغولين في دوري كرة القدم لمؤسسة البريد السعودي

تركوا البريد وخدماته
وتركوا حقوق الموظفين

ولا حسيب ولا رقيب

والمسئول الاول يعتمد على الاكاذيب اللي توصله من هذي الفئة من الموظفين

سستم عطلان ، اوراق وتعميدات ما وصلت من المالية

وكله كذب × كذب كل شي واصل من بدري

ولا يكلف نفسه يقوم من مكتبه ويشوف ايش اللي صاير

كلام في الصميم 👍🏻

[((اصيل))M-A-J]

الله المستعان هذا اللي نقوله
والاعضاء محد شارك فالشكوى الا قليل
وكان المكافاة وبدل السكن وصلت لجيوبهم
عموما وعلى اي حال
تم ارسال رابط الشكوى للوزير

[بوستال]

هذا التأخير غير مبرر يا مؤسستنا
أدعو الله تبارك وتعالى أن يحرمكم من البسمة جزاء سوء صنيعكم بنا