دعوه لكل مظلوم وصاحب حق خاص بموظفين العقود ( السبت 13 / 9 )

[متعاقد متعقد]

اخواني المتعاقدين


الى متى الانتظار والترقب والحسره والسكوت على الظلم


تذكرون العقود اللي جات وطار فيها الخماش وتم الاضراب كم يوم كان الاضراب يومين وقامت الدنيا ولا قعدت

بس لانا كنا يد وحده والله ثم والله الحل من عند الله ثم من عند اخونا في قسم المعالجة البريدية بالرياض

تدرون لو يقف البريد يومين وما يتعالج تدون انه فيه بريد رسمي يتاخر تدرون انه البنتن يطير فيها

هذا هو الحل

لكن الي يقول لي نصبر الين شهر عشره اقسم بالله غير نندم امس الخدمة المدنيه ناشره خبر تثبيت عدد من الموظفين وانا استعلمت عن طريق شخص لديه يوزر بالخدمة المدنيه مافي شي لموظفين البريد واللي مو مصدقني بنزل صورة لنظام الخدمة المدنيه عشان تعرفون اني ما اكذب وبعدين مكافئة رمضان ليه ما تصرف لنا وش في فرق بينا وبينهم هو يوم تاخرت جن جنونهم ويوم نزلت لهم يمدحون بالبنتن عجبي عليهم خلنا نكون يد وحده ونضرب عن العمل ( اضراب وليس مظاهرات ) لا يطلع لي واحد مطبل ويقول هذي مصالح البلد ولا تخربن البلد حنا نخاف على بلدنا اكثر منهم لكن اللي ما يخاف على البلد ولا يخاف من الله هم المختلسين اللي ياخذون رواتب عاليه ولا يعطون الناس حقوقهم وانا اقترح يكون الاضراب يوم السبت القادم عشان يكون على قولتهم حار يافول دق الحديد وهو حامي تكفون لا يضيع حقنا واحنا نطالع

السبت 13 / 9 موعدنا يارجال بعد كذا لحد يقول ابي حقي

حبيبي لابنتن يطير فيها ولاشيء تذكر انت وانا موظفي عقود البريد ماهو ملزم فينا
يعني الأقرب يطير عشنا والسبب من هو أنت وأمثالك المساكين
اليوم عايش بكره طايش

[يارب وفقني]

حبيبي لابنتن يطير فيها ولاشيء تذكر انت وانا موظفي عقود البريد ماهو ملزم فينا
يعني الأقرب يطير عشنا والسبب من هو أنت وأمثالك المساكين
اليوم عايش بكره طايش

لا بنتن ولا غيره يغير قرار الملك

و انت المسكين جالس تلعب علينا وتحط نفسك عقد وخايف

والله انك مسكين تراك مكشوف عيب عليك