وتوت توت عـ بيروووت

[ابو شوشه]

السلام عليكم ..

قصه قديمه قد كتبتها

بس اليوم جبتها لكم بشكل جديد واسم جديد



الظاهر اسم الموضوع جذبكم

وتوت توت عـ بيروووت

أنا جت في باااالي قصة انما اييييه

كنت فيها أنا و رحال نناظر قناة المستقبل ونناظر هالزينات.

قلت له ورا ما نزرق لبيروت كم يوم .. قال قدااام يا حلو ..

وخل بنات بيروت ينفعهم ولد الحريري

المهم قلت للوالد ابروح اعتمر انا و رحال قال ايييييه

تعتمرون قلت ايه .. قال زين ..


الله يوفقك وأنا ابووك ولا يجينا خربطه وهبال

<< --- خابرني ابوي ..

رحال قال لأهله وجهزنا الاحراام وعلى المطاار على طول

المكااان : مطار الملك خالد ..

الوقت الساعة 1 الظهر ..

وين : الرحلات الداخلية

<< --- قدام أهلنا طبعا لا يشكون ..

الإقلاع يا طويلين العمر الساعة 3 ونص بالضبط ..

ورحنا وودعناهم .. يوم ركبوا السيارة بيمشون ..

ونجدع الاحرامات .ومراكض في اسياب المطار للرحلات الدولية .

و نروح لحمامات المطار .. ونبدل ملابسنا ونلبس ملابس

تونا شارينها من الفالح ترنق ابو 20 ريال اللي كل الألوان فيه

ازرق على احمر على بني .يعني تركيبه ..

وجزمه بوما وطاقية اللي فيها أسد .. ونناظر بعض ونكركر

ركبنا الطيارة .. ووصلنا ..

المكان .. : مطار بيروت الدولي

الوقت الساعة 8 بتوقيت أم القرى ..

والله ونروح فندق فينيسا

<< --- ترانا منحب نلعب نعرف ..

ونتهاوش على يبي يحجز التلفزيون

<< --- قراوى

ونفتح على المستقبل .. نشوف هالمزيونات .قلت أنا لرحال .

والله لو تشوفني ذي بفنيلة العلاق ان تنهبل علي

قال احلف لك لو تشوفني بفنيلة الكت ان تاخذ توقيعي

ولو اني ما اعرف اوقع ابصم باصبع رجلي

<< --- وتبي تقول تقبرني يا قمر

وسبحان الله يوم صولونا بيروت وقت ملكااات جمال

لبنان 2006 ونتهاوش انا وياه عليهن

ونناظرهن بالتلفزيون ويقول هذي تحبني أقول لا هذي لي المهم

تهاوشت أنا وياه ورحت البحر اجدع حصى على بالي زعلان

وجاني وقال تترك خويك عشا نهن

<< -- وعطاني كتشب وتصالحنا

المهم ونمنا ونقوووم من بكرة لابسين ثياااب كبك والياقه قلااب

وصاكينها ولابسين طواقي بدون شمغ

<< -- هذولا يبي يخقوون الملكات

طبعا الغرفة ما جازت لنا لانها صغيرة ولا توااجه ..

راح رحال وقال لو سمحت نبي غرفه سويتز

جيت انا ابتميلح قلت لا يا ابن الحلال هذا رقاق سمبوسه .

قال مهوب وقتك انت وخشك ..

المهم وعطانا ذيك الغرفه .. الرهيبه اللي ما ينشاف اخرها

<< --- ما شاف خير ..

المهم ناظرت ثوب رحال ولاااه معرفط وناظر ثوبي لقى مكبوب

عليه زيت من عقب ما طبخنا رز كبسة على قدر الكاتم

<< --- خخخخخ

ونرقى الغرفه نغيرها ونلبس تكاميل خضراء فاقعه مع فنيلة

عناابيه مقلمه ببني بس ترانا ما شريناها من الفالح

شارينها من عويس .

قال يا اخي اشكالنا تضحك .. قلت ابد قال ابغيرها والبس ثوب بس

قلت ثوب ثوب ولابسنا الثياب ونطمر للسوليدير

واناظر رحال الله يجزاه خير يقاله الموضه الجديدة

حاط الثوب داخل السروال ويمشي ورافع كمومه ..

قلت له فشلتنا الله يفشلك المهم رحنا وجلسنا في احد القهاوي

من صاااااادفنا

(( ملكات جمااال لبنان ))


ولا فيه حراامي يجي ويسرق شنطة واحده منهم ..

وأقول وأنا اخو ....... مشفره عوائل هذي فيها قبايل

وينقز رحال وأنا وراه ..

طبعا بحكم ان عصاقيلي اطول طمرت وادبج عليه

وينط نطة النمر المقنع المنقلب

الى ان اصبح الحرامي بلى حراك والعالم تصفق ..

وهو مسيكين يقول دخيلكون وانا ورحال نقول اقلب وجهك ..

المهم قالو الملكات يااااي شو مهضومين هالابضايات

وانا مستحي واناظر نظرات ناصر القصبي الى شاف فتو ..

يجي رحال ما شا الله عليه مهوب يستحي رحال قال من زوئكن يا بنتوتات

قالو لنا بدنا اياكم ضيوف عندنا

قلت انا لا فشر

<< -- ما العب

العزيمة لازم عندنا بالفندق وحنى اللي بنطبخ الغدا ..

والليله اللي بعدها عازمينكم عند البحر

<< --- عشقي البحر

المهم وااافقو وجوا عندنا بالفندق ولاهاا الساعة 1 الظهر

ولاااي انا و رحال طابخين هاك الكبدة اللي يحبها قلبكم

اللي ما فيه احد بالفندق ما شمها .. ويدخلون حايمت سبودهم

مساكين قالو عم تاكلوا كبدييي

قلنا ايه بالله عم ناكل بدكن قالو يييييييييييي لاااا شو بدنا

قلت بكيفكم وإذا على الريحه هالحين يا رحــــــــال

يبي يجيب بخور وتبخروا

وعقبها نطبخ لهم وجبة الغدا اللي هي مهنتي انا و ورحال

طبخ المرقوق ويغمى على الصبايا وحدة وحدة

وودوهم العناية المركزة عقبها .,.

اليوم الثااني قلت خلااااص محنب متعودينها

<< --- ولا ناااااااوي انت وهالخشة ..

المهم رحنا لم البحر .. عاااد انا و رحال ما جبنا ملابس سبااحة

والبنات جاهزات ولابسات مايوهاتهن

وانا ورحال يا غافلين لكم الله .. جايين بفنيلة وسرواال ..

والمناااشف فوق روسنا .. وشايلين وجايبين عدة الطبخ معنا

قالو شو بدكم تطبخوا لنا الليله

قلنا مرااااصيع يحبه قلووبكم .. على يد الشيفتين اقصد الشيفين

ابو شوشه ورحال ..

قالو شو هيدا قلنا بعد السباااحه تبي تعرفون شو هيدا ..

المهم شبينا الضو ونروح ونطبخ الجريش والسليق

والمراصيع مع شوية دجيجات ..

المهم اغراني البحر انا و رحال .. قلت خلنا نترك الاكل

على الضو ونروح نطافش لنا شوي ؟؟

ويجي رحال الله يهديه ويمسك حصاااة ويفلق يمني

جاي يحظر مؤتمر ويوسع صدره بهالبحر شوي

قال يا عمااااه مالك علينا قال رحال بكل براااءة وبروود اااسف

قال .............. ما ادري وش قال كنت مغطس راسي في البحر

ووننزل انا و رحال البحر نطافش بفنيلة وسروال ..

والعالم تناظر رحال ما فيه تفاهم شاف شامي يسبح

بلستك راح وجاب كفر السيارة يبي يقلده ويطب فيه

والبنيات يضحكون علينا .. وملابسنا ترطرط مياه ..

المهم نطلع وننشف ونشوف الاخبار ..

والبنات يتضورن جوعا

<< -- اخس يا سيبويه ..

ولا فيه وحدة من البنات ما تتحمل تشوف احد يطبخ واجي

انا واغط يدي بالجريش ابشوف صار ثقيل ولالا

ويجي رحـال خخخخخخ ويدس يدياته بالسليق

وحدة من البنات راحت وأغمى عليها بمستشفى الشميسي

حق بيروت بس خخخخخخخخخخخخ شميسي بيروت سنتر

<< --- الله من النصب ..

البنات الباقيات طبعا لحقوا خويتهم للمستشفى .

واجيك انا احسب وحدة منهن تستهبل ..

وامسك بصيلات المراصيع وارعصها بيديني المهم

جا يوم الجمعه ويحطونا بالروبرتاج ..

ويغمى على المقدم والمقدمة ..


عااد رجعنا للفندق مخذولين ..

واهلنا يحسبونا رايحين لمكه نعتمر

جت اخر ليله قلت انا خلونا نسوي شي زين بذا الليله بدال هالفجور

واركب الساعة على الساعة 3 ونص بتوقيت بيروت .. وأقوم أنا

و رحال وننزل للرسبشن وواقفين انا وياه جنب بعض ..

واقوم واقصد وهو اللي يردد وراي الين قاموا الناس راحوا

اشتكوا علي انا و رحال ..

ونروح للمدير .. ويهزئنا .. ونروح نمسك قديرنا .. والكبيدة اللي

حاطتها لي اميمتي الله يجزاهاا خير .. واطبخا انا و رحال

الين فاحت الريحة بالفندق .. واغمى على الفراشين ...

واغمى على حق الرسبشن



.. ونطلع من الفندق ونلقى كل الناس متسدحه على الأرض

نحسبها الكاميرا الخفية ..

المهم .. رحنا للمطار

نريد العودة ادراجنا ..

وانا ورحال نغطس يدينا في قدر الكاتم ونطلع هالكبدة النية

وناكلها .. وكلها دم .. وينهبل وااحد من السيكيوريتي

ويروح يشتكي علينا ..

ودخلونا السجن .. وجدعوا قدرنا بالبحر ودروا اهلنا اننا رايحين

بيروت ندج .وبعد تمحيص وتفحيص رجعوا لنا قدر الكاتم ..

وصرنا نطبخ فيه انا و رحال ..

وانهبلوا المساجين وقضينا



ما يستفاد :

1 : الي نزل الصفحه على الاخير يرجع الله لا يهينه تعبت الين نزلت الموضوع ..

2 : ان رحتوا لا تنسون قدر الكاتم والحكمة اكله بالفندق .. وحبذا لو صار فينيسيا ..

3: خذوا سويت

4: ان بغيتوا تروحون قولوا لاهلكم نبي نروح نعتمر ..

5 : انصحكم تشترون من الفالح ترنقات

6 : ترني اعرف لبنان شبر شبر كان تبون واحد يخاويكم على حسابكم

7: مخليها فاضي احتاجها في ردودكم

أن شاء الله تعجبكم ولو أنها طويلة شوي ِ


وراح أكمل لكم البقية على حسب الردود

واااااو تعبت في التعديلات والأخطاء الاملائيه ومافية صور

[أسـيـر الـشـوق]

اخى بوشوشه

تحياتى لك بس نسيت فندق لنكستر قرب فنيسيا

والسولودير الان الله يرحمه

وبعدين اخى رحال ما يحب ياكل فى السفر الا البيض المسلوق 0

وياالله عا بيروت -وتسلم الايادى ابوشوشه رايق -

اسير الشوق

[ابو شوشه]

أسـيـر الـشـوق يا الله انك تحييه

الفندق الي قلتله لنكستر الي جنب فنيسيا هذا يا طويل العمر رحال متهاوش مع حقين الرسبشن

وفالق الجرسون بعلبه صلصه على جبهته وعقبها طردونا من الفندق

لا من يقول ان رحال يحب البيض المسلوق يحبه مع الكبسه تعرفه رحال اتكيت في امور الطبخ

يقطع البيض ويحطه على الصحن وكم ليمونه وطماطه ويا سلام على المنظر ودك بس تشوفه

الله يسلمك اخي اسير على مرورك

تحياتي الك

[رحال]

هههههههههههههههههههههههه

ههههههههههههههههههههههه

مااا احد يروح معك ابو شوشه مااا خليت شي إلا وقلته ...اتاااريك فضيحه..

ليه يا ابو شوشه نسيت يوم تلبس الثوب المقرفط حقك والفنيله اللي داخل بدله البرااازيل..هههههههههههههه

ومره ثااانيه مااا بدي روح معك..شو مهضوم انته ابو شوشه..

ياااعيني عليك وانت زعلااان على البحر وترمي حصى..ههههههههههههه تكفى يا الرومنسي..هههههههههههه

وبعدين وين الاتيكيت في الاكل وين الدروس اللي علمتك عليهااا..وبعدين لمااا تقول القصه ارفعنااا فوق..هههههههههههه

عشااان يقراء واااحد الموضوع زي ابو فوزااان ويقول والله الشباااب زقرتيه ويسفرنااا بعدين على حسااابه.ههههههههههههه..لالالا مااا تعرف تكتب الموضوع على كذااا مااا واااحد بيسفرنااا على حسااابه..

الله يستر منك لا تكمل القصه وتعلمهم واحنااا راجعين في الطياااره وش سوينااا يوم طلبنااا هدايااا من الطياااره وحبة البندول اللي اخذتهااا يوم تقول راااسك يلف مااا ادري وش شاااارب ..هههههههههههه

ويوم رحنااا لبيوتنااا وسئلونااا عن الرحله..

ههههههههههههههههههههههههههههههههه

اقول اذا مااا تعرف تتكلم وترزنااا لا تتكلم.... خلوهاااا..ههههههههههههه

مااا خليت شي ابو شوشه..

استر على الباااقي او رقعه..بس مو رقعه كفرااات اعرفك مااا تعرف تتصرف كلمني وادبر امورك..هههههههههه

وزين انك مااا تذكرت الشنط يوم اخذناااهااا من مطااار بيروت يوم انك جيت وطلعت على السير تفكره ملاهي..ههههههههه

شفت كيف خليت اسير الشوق يتكلم علينااا اشوى انك ما تكلمت بعد عن الفطور ..يوم حطينااا زيت فرااامل واحناا نفكره زيت طبخ..ههههههههههه

مااا احد يروح معك اللي يروح معك تفلسه..

خويك في السفر رحـــــــــااال..

[ابو شوشه]

هلا بخويي رحال وش رايك فيني فضحكت باقي اشياء ثانيه بس مشفره للصيانه

ايه شو عليه حبيب البي ولك رحال ايه التوب الي عم بتحكي عنوه شو هو

تذكر يوم زعلان عليك و اروح وارجم حصى في البحر من ضيقه الصدر و خنقني العبر

وش اتكيته من شفتك وانت تاكل الرز بشوكه وانا ......... شفرتهاا

وبعدين القصه هذي واقعيه وبعدين تبيني اكذب ما تعوده اني الكذب

وترى جاي عيد الاضحى نبي نطلع انتداب للرباط طبعا على حسابنا بس قل لهم اني منتدب مع ابو فوزان

اذا قلتلهم مع ابو شوشه ما راح يوافقون عارفيني

تذكر يوم تفشلنااا عند جمارك السعوديه يوم بغو يفتشون شنطتك

اجل يا جماااعه الخير شنطته ماليها من صابون الطياره واكياسهم وفيه شي ما ادري وشهو

و اثناء التنبيش بشنطه رحال لقو حاجه بصراحه ما ادري وش لون اقولها بس اعتبروها معجون اسناااان

سارق من تحت كراسي الطياره حقات النجات يوم سئلوه ليش اخذتهااا قال لهم عند ابو شوشه مزرعه

وفيها بركه ولا اعرف اسبح والمشكله سارق 12 حبه ستره نجاه وفيها لنبات

وبعد يوم شفتهم مطولين مشيت وخليته

والمشكله رجع كعابي لبيتهم ما معه فلوس رجع مطفر

اكتفي بالقدر هذا من الفضيحه

شكرا رحال على السفريه وفي العيد مسافرين بس كثر دراهمك

[أسـيـر الـشـوق]

رحال = بوشوشه =


لازم لازم لازم اقرقم بالبحر لازم علشان ثانى مرة تاخذونى معاكم 00بومباى 00


والتذاكر شرط عليكم لانها بومباى 0

الهمه شباب

اسير الشوق

[يحي الحذيفي]

و تسلم يمينك على هذى المشاركه القيمه ويعطيك الله الصحه والثبات ودائما مبدع اخى (( ابو شوشه )) الغالى

[ابو شوشه]

مشكور اخي يحي الحذيفي على مرورك واطلعك على القصه

اتمنى انها اعجبتك اخي

اخي يحي الابداع ليس بالكاتب انمى انتي وذوقكم المبدع

<======== وش قاعد تقول

شكرا لك اخي يحي الحذيفي على تلطفك بالمشاركه

[abufuzan]

ما علمتونا .. ما لكم حق ابوشوشه .. رحال ..

كان الدعوى سفري تراني جاهز ..

بس هاه... كل شي متوفر الا شي بسيط ما ادري وشلون افاتحكم بالموضوع ..

هو موضوع بسيط بس مكلف ..

أوووه .. دق الجوال .. أكمل بعدين مع السلامه..

[ابو شوشه]

هلا والله باابو فوزان معلمينك بس انت تقول ما ني رايح معكم تقول قطتكم واجده

وبعدين انت دايم تعلم اهلك وين تبي تروح وحنى ما نقدر نعلمهم وبعد لبنان ايه هين

مره قلتلهم ابي اروح لمصر وقامت الدنيا وقعدت وش لون لو اني قلت لهم لبنان كان علوم

وبعدين تعرفنا نحب السفري

توني جاي من دبي رحت شريت شاحن جوال عندهم اصلي شريته وجيت من عند شارع الرقه

بس مشكلته غالي بتو خندرد اكسسوارات كامله

وبعدين وانا اخوك البساط احمدي على قد فلوسك تقعد لو تخلص في يومها اقرب طياره ترجع

وبعدين ما فيه سلف في السفريات يالله الواحد حاط ميزانيه خالصه له

من دق عليك الجوال لا تقول راعي الرسبشن قله منيب فيه

ونحتريك ترجع عشان تكمل لنا الموضوع

فنك ما تجي

وش رايكم في كلمه فنك تعرفون معنهاا

[ابو شوشه]

اهلين وسهلين ابو عبد الرحمن الله يسلمك من كل مكروه

ايه شفتهم متسدحين على الشاطي هذي طال عمرك من تاثير الكبده الريحه تصك في الدمجه

وبعدين مو اي كبده هذي كبده حاشي وطابخينها نصف استوى

وعليها كشنه يحبها قلبك كم بصله وكم قطعه فلفل بارد

لكن مرة ثانية قولوا لهم عندنا انتداب عمل بلاش من موضوع العمرة

مره قلت لهم عندي انتداب للشرقيه وانا كنت رايح لروما ايطاليه ابي اروح اجرب معكرونتهم

قالو لي وين خطاب التكليف بالانتداب قلت لهم انتداب سري

وما دريت يا غافلين لكم الله الا بقدر الكاتم علي راسي

بس ولا يهمك مجهز لهم عذر قايل لهم ان الاستاذ علي ابو عبد الرحمن عطاني انتداب في المنتدى ابي اسنتر فيه

عشان اقعد اعد الزوار تصدق ما شكو

المهم ترى السفريه الجايه للشمال الشرقي ( يعني ورى سينا )

عشان ما يشكون ما ودي اقول اسم الديره

تحياتي لك ابو عبدالرحمن على مرورك العطر الذي افلج صدري فلجتين

<======== والله لونها جحه

تحياتي لك

[Ali-Lami]

وأنا أشوف في الاخبار اللبنانيين متسدحين بالشواطئ

أثريهم من ريحة الكبدة المطبوخة ؟

الحمد لله على سلامتكم

لكن مرة ثانية قولوا لهم عندنا انتداب عمل بلاش من موضوع العمرة

[أسـيـر الـشـوق]

والله يابوشوشه كل ما اقراء لك موضوع امر او شى على سيارة المستقبل الى كانها تسير فى ملعب الجرى


فى الاستاذ -

المهم مازلت عند كلامى ان رحال يحب البيض المسلوق --هاه وشرايك انت -

سرنى مرورك اخى بوشوشه -

وتسلم على هل السيارة ---بكم شريتوها ؟

اسير الشوق-

[ابو شوشه]

اسير الشوق وش رايك في سيارتي شكلك معجب فيها

خلاص ابشر بسعدك وينك فيه امرك ونروح نتمشي بس انتبه لا تركب معي الا وبطنك فاضي

اخاف يصير لك شي وبعدين وش يفكني منك

مخصصين السياره هذي للخضخضه يعني تبي ترجك رج الين تقول بس

وبعدين السياره ما شريتها جايتني هديه من صديقي ابو جبهاااااا

وبعدين رحال ما يحب البيض اذا اكل البيض تجيه حساسيه

تعرف من قال البيت هذا ما ادري هو بيت والا وشهو المهم

الي يقول حبيبي عازمني على باض ما درى ان فيني حساسيه

هذا طال عمرك رحال قايلها لي يوم كنا في جزر الكناري

لا تقول وش موديكم بعد لجزر الكناري

شكر على مرورك اسير الشوق

[سيف الاسلام]

الاخ ابوشوشه عساك مشطت شوشتك يوم رحت لبيروت ويا كثر برابرك كثراه
الله مامن الفضوه والدوخ نصيحه وانا اخوك ترفع عن الرثيث وشارك بالمفيد