قــطــّـاع التــجــزئــــه ..

[aziz moha]

ولا تنسى زميلي العزيز هذا النوع من الغباء في المكاتب التي تحمل الهويه الجديده يوضع اسم الموظف امامه وكأنه وزير وليس موظف خدمه عملاء متجاهلين مخزون اللقافه عند بعض المراجعين وغالبا جميعهم عندما يرى الاسم تبدأ حاله الفضول واللقافه لديه بسؤالك انت من وين انت من الديره الفلانيه تعرف فلان وعلان وتعرف فلان اخو فلان الي ساكن في الحي الفلاني وولد عمه ساكن جنبه وعياله يشتغلون عسكر انا كنت ساكن في حيهم ونقلت من خمس سنين انت وين ساكن باي حي ويسالك عن جميع الي بالديره الي يعرفهم والي مايعرفهم ويعزمك على الغداء وتلزم عليه بالعشاء وعطني رقم جوالك واحراجات وازعاج تكفى وتكفى شحنتي ماوصلت شيك لي شف الشحنه ليه ماصلتني جددت جوازي وجوازات عيالي من اسبوعين جوازي جابوه وجوازات عيالي ماوصلت للحين ولا وصلني كرت العائله من شهر طالبه وسددت الرسوم وماوصلني ورحت الاحوال وطلعته من عندهم كيف ارجع فلوسي وعنواني الوطني في المدينه وانا ساكن في الرياض كميه ازعاجات واحراجات فضيعه من وراء هذا الغباء الا ان وصل بنا الحال انا واغلب الزملاء استخرجنا ارقام جوال جديده الرقم الخاص ورقم للتصريف لتفادي الاحراجات ويجي بعد يومين لاستلام شحنه ويخبرك انه اتصل عليك ولا ترد ومطالبين بالوقت المحدد للتسليم ومحسوب عليك التأخير والعميل يسولف ولا يعي بهذا الشيء وليس مهم لديه والعميل الي بعده ينتظر تناقض رهيب باسم التطوير والبهرجه المضره لسير العمل ماذا تريدون منا ان نفعل نطرده مثلا وانتم من تسببتهم بهذه الاحراجات لنا داخل الدوام وخارجه ولم يقف الحال الى هذا الحد فقط ام العيال تسالني في يوم من الايام من الي الحرمه الي جاتك في الدوام تستلم طلبيه قلت ما ادري المراجعين واجد قالت انها تقول ان زوجك هو الي سلمني طلبيتي عرفته من الاسم ههههههههههه رسالتي الى صاحب هذا المقترح مع احترامي هذا اسمه غباء وتعطيل سير العمل وليس تطوير من اراد ان يعرفك سيسال عن اسمك او يرى بطاقتك او سيتوجه للاداره لاتفتح بغبائك باب يغير مجرى العمل لسنا وزراء الذين يريدون مكتبك معروفين لديك قبل استقبالهم واشخاص معينه لهم مكانتهم في الدائره نحن نقابل الجميع من الصالح والطالح بجميع صفاته من لقافه واستغلال وطلب وتكفى اخدمني في مجالات اغلبها ليست في مجال اعمالنا وتسببون لنا هذا الكم من الاحراجات كان اكتفيت بالاسم الاول فقط ليس الاسم كاملا اذا كنت مصر على هذا الغباء
يامسؤولي البريد اكتفينا غباء عندما تريد التغيير التطوريكون من خلال سير العمل ليس بالمظاهر والبهرجه والشعارات والفلاشات والخدمات الفاشله .
دمتم في حفظ الله ورعايته

هلا و سهلا بك البدر و حياك الله و حفظك من كل شر و مكروه ..
صدقت في كل ما تفضلت بالنسبه للإسم أشوفها سماجه لا أقل و لا أكثر ... على بالهم بيخلون الموظف تحت الضغط
ترى إسمك معروف عند العميل ... طيب لو عميل سبني قبل لا أخدمه و لا أعرف من هو ..؟؟
هل بتاخذون حقي منه أو كالعاده أنت متهم حتى تثبت براءتك و هذا وجهي إن ثبتت ..!!
وش الهدف أنك تحط إسمي كامل .. العميل المحترم بنحترمه و نخدمه بكل ما قدرنا عليه رب العالمين
حتى قليل الأدب يمكن نخدمه ... لكن عديم الأدب يخسى و يآكل طوووط ما حنا نشتغل عند أبوه و لا عند أي أحد

بصراحه موظفي المكاتب الأماميه يعانون من هالنوعيه في كل مكان لكن ليش تفتح باب على موظفينك
الله المستعان و يكفينا الشر و المسائلات بعذر أم خالد كل شوي ترسل مسائله وينك فيه و ليش تأخرت و صور المكان اللي أنت فيه