.. حسبنا الله و نعم الوكيل ..

تعميم غريب مريب مستند على تعميم من إتحاد الغرف السعوديه !!
بفتح المحلات أثناء وقت الصلاة !!
ليش البريد صار تابع للغرف السعوديه !!!!!!!!!!

المصيبه أن الإستدلال بـ تفادي الزحام و الإنتظار !! نصب x نصب
أي زحام و أي إنتظار و هل تقارن نفسك بـ الأسواق على سبيل المثال !! حتى ما وصلت لزحمة بعض المطاعم ..
مهزله لا تمت للواقع بـ أي صله و الهدف منها (( يعنني )) جبنا شي جديد !!
يقولون : تم وضع سياسه مخصصه لفترات الراحه لأداء الفريضه !! لا يا شيخ ههههه
المضحك و المبكي بنفس الوقت كما في التعميم :
1 / تعني بالتحرك بخطى سريعه
2 / بـذل المزيد
3 / تجاوز تطلعات عملائنا
4 / تحسين تجربة العمي <<< كذا كتبت في تعميم الغفله
طبعا ما كتب أعلاه لا يمت للواقع بصله و كل ما قيل ضحك على الذقون
و المكاتب فارغه من كل شي يحقق هذه الخزعبلات

مثلا : موظفين قليل مقارنة بعدد العملاء و كثرة المواد المسلمه
هل 1 : (( فرقة العارض )) تعتقد أننا مثل شركات كـ أرامكس , دي إتش إل , يو بي إس ... إلخ
العميل يستلم شحنه واحده
عميل البريد يا فرقة العارض يستلم من خمس شحنات و أكثر تصل للعشرين و الأربعين يـ ( !! )
و جميعها من ذات الشحن المجاني أو السعر المنخفض
هل 2 : المكاتب مهيئه لإستقبال هذا الكم الهائل من الشحنات .. !!
و هل هناك أماكن حفظ مناسبه يسهل الترتيب وووو

مقارنة عوجاء رعناء مخلوطه بـ دلاخه و ليست من تجربه و إطلاع
يخترعون لنا تعاميم من جهل بـ واقع العمل البريدي الحكومي
الذي يصله آلاف الشحنات يوميا من مواقع صينيه و أمريكيه و بعض الأوروبيه
التي تشحن بـ بواسطة البريد الحكومي للبريد السعودي

من فقر المكاتب في كل مكتب نقطة سداد مدى واحده لـ سداد الضريبه المضافه
طبعا عليها ضغط غير طبيعي !!
(( لا أحد يطلع لنا يقول فيه رابط سداد ليه ما يتم السداد ))
بعض العملاء يسدد أونلاين مع هذا ما تنزل في النظام
مثل ما تصير في المكتب يسدد و يخصم من العميل مع هذا لم يتم السداد
كمان أنت مجبر توفر كل شيء سواء السداد أونلاين أو بالمكتب
أنتم مزعجينا بـ تطلعات و خرابيط مفروض أبجديات توفر للمكاتب
بـ أن كل جهاز تسليم عنده جهاز مدى
ليش المطاعم و البوفيات عندها سداد حتى في التوصيل !!
و الله شوف عيني دباب توصيل معه جهاز مدى ... !!!!

يتكلمون عن أشياء خياليه و الواقع شي ثاني مكاتب من تدخلها يجيك الهم و الغم ..
بعذر عميل البريد ما يشوف البريد و لا يشوفنا شي
النظره الإولى لها دخل و ليت من ينقل مكاتبكم اللي بالعارض عندنا
لتعرفون أن الله حق

يتعذرون بـ منع الزحام ووو .. و هم أساسه و أحد أسبابه

يبهرجون بـ خدمة العميل و العميل يجيب كرتونه معه إذا يبي يرسل
لا جهاز كشف محتوى الشحنات المرسله و يجبرون موظف نقاط البيع على تفتيش الشحنه
و إخراج الممنوعات منه و يحاسب على تأخيره (( هبال هو ))
سبق أن أرسلوا تعميم بـ أن (( لا )) يتم قبول كراتين و مغلفات سيئه و تسيئ للبريد السعودي ..
أنت وفرها ثم تكلم (( شين و قوي عين ))
غير نقاط البيع المتهالكه و التي تعلق بشكل مستمر و اللصائق التي لا تطلع بعد تنفيذ العمليه
و الخصم من العميل !!
و كل ما قلت شي (( قالوا أرفع في نظام آمر )) نعنبوكم أنا فاضي

يقولون الإيراد منخفض طبيعي ينخفض لأن وجودك منشار و مدخولات البريد
ما تغطي رواتبكم و إمتيازاتكم و حفلاتكم يا عقود الفلس

أخر تقليعات النائب المخلوع شكوان يقول في العنوان الوطني
(( خل العميل يخدم نفسه )) أشك في عقله و أتحداه يقول لعميل البنك الذي حضر منه
أن يقول له أخدم نفسك بـ إيداع عن طريق مكائن الصراف و فتح الحساب عن طريق موقع البنك
و أي خدمه لعملاء البنك إلكترونيه .. وش فايدة الموظفين أجل في الفروع
للأسف أبعد موظفي خدمة العملاء فضاع العمل و العميل !!

لا العميل يعرف يشترك بـ العنوان الوطني و لا نظام البريد سهل و متاح للعميل
أن يسجل بيسر و سهوله
نظام التسجيل عن طريق الموقع معقد و كثير التعليق و أصلا أصلا
يسجل في موقع غير صحيح (( معذور )) لأن العميل يجهل التسجيل
أتحداهم إن كان أحدهم (( فرقة العارض )) سجل عن طريق الموقع
أو أكيد أن أحد معارفهم إتصل بهم و قال لهم سجلوني بالعنوان الوطني !!


تخيلوا بريد ممتاز يحول على التوزيع و العميل يطلبها بـ محطة الطرود
(( أنت وش دخلك تفرض رغبتك على العميل ))
ليش التوزيع ناقص عشان توجه عليهم شحنات أساسا العميل ما طلبها توزيع
و إلأ عميل ثاني يربطها على المكاتب تروح التوزيع
هـــــيا عـــــاد ...
إلأ شوفوا ترى التوزيع وزعوا كذا و كذا و لا فكروا بـ عمل و عميل و لا موزع
سبحان الله تعاملت مع شركات شحن مختلفه إما تسليم بالمكتب أو توصيل
... ما تجبرني على كيفك ...
تضغط الموزع و العميل ليه و أنت ما توفر له أجهزة سداد و يعبي بنزين
و يغسل السياره كل شي على حسابه و لو يصير شي حط من جيبه نعنبوهم وين عايشين


للأسف العمل البريدي في الوقت الحالي (( فقر مكاتب لا مبالاة .. >> ضياع ))

حسبـنا الله و نعم الوكيل

a.png