رحلة صيد في الهاف مون
السلام عليكم
يا الله حييهم واحد واحد و وحده وحده وأنا بعد معكم سفري
بقول لكم قصتي يوم كنت مولع بالزفرة
( الزفرة كلمه سواحيليه شرقيه تقال عن ريحه السمك)
المهم
كنت مولع في صيد السمك وكنت اطلع للصيد في كل مكان يذكرون لي فيه سمك وافر
وما خليت طريقه ما صدت فيها حتى طرق البزران اللي في الليل على الشاطئ
يكبون خبز ومعهم اتاريك (كشافات) وينورون ويشيلون السمك الصغار بسطل
ويطامرون إذا مسكوا سمكه ههههههههههه
المهم اني جربت الصيد بالطرادات (القوارب) والإبحار ما وراء البحار لمدة ساعات
وأيام داخل البحر
>> مهوب عاقل النوخه
المهم أنا عندي جميع أنواع السنانير (جمع سنارة صيد )
وأنواع الأسلاك وبكل مقاساتها 0
المهم مرة من المراير كنا رايحين للهاف مون
( الشورت قمر لغير المتحدثين باللغه الشورتيه)
ودائما تكون عدة الصيد في الجيب (سيارة الجيب مو مخباتي ) نزلنا وكل واحد راح يشوف شغله اللي يسبح
واللي يلعب كوره واللي يتميلح بالشورت حقه عند البناااات اللي جنبنا
<=== مهوب انا ترى
انا جالس اطلع عدتي حقة الصيد 00 المهم انا ما اصيد مثل اللي يحط له طعم
او عجين ويصيد له سمكه كبر اصبعه ويقعد يطامر من الفرحه 00
لا انا احط شوكة كبيرة واحط فيها نص سمكه علشان اصيد
حوت او حوت الا ربع او قرش او اقل شي سمكه
<===== والا وش ضنك بعد بتصيد ضب ههههه
اقصد سمكه كبيرة لا يقل وزنها عن 8 ـــ 11 كيلو
المهم عبيت الشوكه بنص سمكة وطبيت البحر سباحه وماسك طرف السنارة
بيدي علشان اروح بعيد داخل البحر وارميها علشان كل ما ابعدت يكون هدوء
ويجي السمك اكثر واكبر لأن القريب فيه اصوات اللي يسبحون 0
المهم رميتها وثبت عصى السنارة في صدام الجيب تثبيت قوي لأن قوة سحب السمك
داخل الماء قوية جلست اسبح شوي واجري شوي واتمشى واقزقز
<=== وش تناظرون اقزقز سنارتي اذا صادت او لا مو اللي في بالكم اقزقز بنات
بعد كم ساعه اشوف رأس عصى السناره قام يلعب وفيه شي يسحبه قلت اكيد صادت
واجي ركض وامسك السناره والقى سحب السناره ثقيل قلت بس اكيد اني صايد يا قرش
او حووووت واطوي السلك بالبكره وثقيل مره ما قدرت عليه
واثبت السناره بالصدام واقول لواحد من الشباب اركب الجيب
وارجع على ورى شوي شوي وكل ما رجع 10 متر قلت له قدم وانا اطوي بسرعه
واكرر هالعمليه كم مرررره وكل ما طويت اكثر يزيد الثقل ويقوى السحب
وقلت الله يستر لا ينقطع السلك رغم انه متين وقوي
واكرر العمليه بالجيب ارجع واقدم واطوي السلك
قلت للي يسبحون اطلعوا ترى
الظاهر انا صااايد حوووت بسرعه اطلعوا لا ياكلكم
طلعوا وصارت العالم كلها من حولي يحترون يبون يشوفون وش صااايد انا
وكل واحد يهمس
لخويه اكيد حوت والثاني يقول قرش وغيرهم يقول دلفين وحده دلخه قرويه
تقول يمكن بعير بحري( والله من الدلاخه فيها )
المهم انا ما زلت اصارع واجاهد وفرحااان وفي نفس الوقت خااايف
لا يكون شي خطير وياكلني بس المهم العالم قامت تشجعني ويصفقون لي
ويقولون يالله شد حيلك 00
حسيت اني بطل والمعجبات بعد يطالعوني بعيون فتانه خخخخ
<== فااااضي انت وخشتك كمل بس
المهم واسحب وشوي وشوي 00
بدينا نشوف سواد كبير مررررره بس غير معروف علشانه بعيد
وكل شوي يكبر والناس اللي حولي قامت تخاف وتبعد وانا بعد رجليني قامت تصافق
بس قلت هذا شي فيه انجاز وشهره لي لازم اتحمل واستخدم الجيب واسحب
ويالله اقدر وانزل على الشاطي وطوي بيدي السلك وكل شوي يكبر السواد
وفيه شي يسطع في كل مكان والناس صارت تبعد اكثر واكثر وصرت
لحالي حتى ربعي نحاشوا قلت ما بدهاش ماني تاركه عقب التعب
واطوي السلك اكثر واكثر وشوي الا يبين لي شي ازرق ويلمع واسحب واسحب ما دريت
الا و تطلع لي لوحة مكتوب عليها البحرين 2 كيلو متر
ياااالله ساحب البحرين
وشوي اشوف سلاح الحدود وطيارات فوقي
وانا اقطع السلك واخبي سنارتي واركب الجيب وانحاااااش
<=== لا تعلمون تراهم مبلغين عني
هههههههههههههههههههههههههههه
تتوقعون صايد مثل هذا
ان شاء اعجبتكم القصه
اسف على مصالتي وبثارتي في الكلام الي ماله سنع
وبعدين الموضوع هذا ما يستفاد منه شي
الا اني ملونه وتعبان على الايقونات
رد مع اقتباس
المشاركة الأصلية كتبت بواسطة مراسيل
