هل اتاك نبأ السرقات في بريد المرسلات

[بطن الشمس]

اكثر من مرة يتم سرق الفلوس من بريد المرسلات وقد رفع الموظفين الغلابى طلب لادراة النوم يطالبون بوضع كميرات مراقبة للعهد المالية ولكن دون جدوى
هل يعلمون ان الكاميرات رخيصة وان اي بقالة صغيرة فيها كميرة فكيف بمكتب دخله بالآلاف في اليوم الواحد
ادارة المنطقة مهتمة في الاحصائيات ولكن مصلحة الموظفين في حريقه
يا خي ما تبغون تحطون كميرة حطوا ابواب ماتفتح الا ببصمة لهؤلا الموظفين المساكين اللي بهذلتوهم

انا لا اقوم ان الموظفين ما يتحملون الخطاء لكن البريد يجب عليه ان يؤمن العهد المالية بدلا من النوم ودوام الضحى

محبكم بطن الشمس

[عقرب رمل]

ههههههههههههههههههههههههه.

كم يجمعون مثلاً.

[مدير عام]

سمعنا عن سرقات في المرسلات وكل اسبوع والمتابعة تروح لمكتبهم
فالسرقات ان حصلت فهي داخلية بين الموظفين وحراس الامن
وعلى الادارة ان تومن العهد المالية ورسائل البنوك الصرافات قبل لا يطيح الفاس في الراس

[ولد الشرقيه]

اخواني لا تستغربون من الوضع في البريد
انا موظف في البريد بالمنطقه الشرقيه وتم سرقه اجازه الكترونيه وذلك خلال الفتره المسائيه
مع العلم الموظفين بالفتره المسائيه 3 اشخاص فقط لا غير
مشرف وموظفين اثنين
في اليوم التالي اجتماع ورئيس المنطقه او النائب حقه جاء البريد واجتماع بالموظفين واحنا مانبي فضايح ومانبي المكتب تشوه سمعته واحنا مانبي ندخل الشرطه في الموضوع واحنا ماراح نسكت عن الموضوع وبيصير في تحقيق داخلي بالموضوع وفي النهايه قطيه من الموظفين وتعويض للمراجع وبعدها لا حس ولا خبر ولا تحقيق ولا كانه شي صايررررر كل الي سواه جاب سكورتيه ثنين من اداره المنطقه طالعو المبني من برى وانتهى الموضوع مع العلم لا كاميرات لا سكرتيه ومكتب للبريد بدون شبابيك حديده يعني اي حرامي يقدر يدخل المكتب
-----------------------------------------------
احد الموظفين يعمل بمكتب خاص لوحده بالبريد الممتاز دخل عليه احد الموظفين ومن بين البعائث نظاره شمسيه راجعه من امريكا لعدم الاستلام ترك المكتب 5 دقائق رجع النظاره غير موجوده
الموضوع كل مافيه اتصل الموظف للعميل من كشف التسليم وشرح الموقف المراجع طب تعويض نص قيمه النظاره وانتهى الموضوع

البقالات فيها كاميرات الحين البريد مايقدر يركب يعني ولا الميزانيه راح تتاثر مثلا

[وادي السليكون]

المبلغ المسروق داخليا قدره 25 الف ريال . قلنا لهم قبل ثمان سنوات ان تغيير الواجهه الاماميه ليس بهذه البساطه كما يعتقد علماء واصل و لان البريد يحتاج الى موظف امين قبل كل شيء و البريد يوظف ما هب ودب بالواسطه وبعضهم ؟؟؟؟؟؟؟؟؟. ويلومون المدراء على السرقات وهم السبب الرئيس و لكن من يقول للحاج وقف . و ما شاء الله تبارك الله البريد عنده مشروع مصرف الانماء في وسط معمعة موظفي الكاونتر بالطبع لو يحدث غدا سرقه على الموظف الدفع اولا ثم المطالبه لاحقا . دوما البريد يتسابق على تقديم خدمات راقيه على حساب الموظف دون ان يقدم اي حل جذري و دون دراسه وافيه
وانا شخصيا لا الومهم لان الخبره والثقافه البريديه ليست لديهم وليست من تخصاصاتهم الدراسيه فصبرا ال البريد والله المستعان .

[اخراوراقي]

بلغ مكافحة الفسادوبس

[azizsp]

حرس الامن الموجودين في البريد غير موثوق بهم ................ صدقوني .

[عقرب رمل]

استغفر الله وأتوب إليه.
انتبه فالظلم ظلمات الي يوم القيامه.