[grade="00008B FF6347 008000 4B0082"]سفه مرض زيادة الثوارة المكتسبة مرض ينتج من إنعدام التفكير!! او بأنقارض المخ من الرأس يعني تصير مهمة الرأس منحصرة بس في أنك تحط عليها الشماغ أو العباة !! و المرض هذا على خطورتة إلا أن لة مزايا وهي إن المريض إستحالة تجية جلطات المخ لأن مافية مكان تجي فية!! وغير كذا يحس في برودة أكبر وخف في الحركة لأن مافية شي في الرأس يثقل عليه !!!
السفة مرض مثلة مثل الزكمة والكحة لة أعراض وغير كذا معدي ولا لة علاج لأانة مرض فيروسي إلى الأن محير العلماء في كيف يتكون هذاالمرض وما أسبابة ومن أين إنتقل وما بدايتة هم بس يعرفون أعراضة !!
من إعراضة إنك تبلش بالفلوس الى معك ودك تصرفم باي شيء المهم تتخلص منه لأن وجود الفلوس بجيبك حسابك خطر على حياتك ومستقبلك لانة مخالفة تماما لتكوينك وفطرتك وهي أصرف مافي الجيب ياتيك مافي الغيب !!
وغير كذا تصير مهكاكه أي واحد يشوفك يقدر يهك عليك بسرعة بدون أي مجهود لأنك خبل والدباشة تشع من عيونك ومن السهل على كل واحد أنه يبين لك أن الشيء الشين زين وأن الغالي قيمتة فيه!!!
وأخطر أعراضة أنك تصير لوح مهما صار لك ماتتعلم ولا تستفيد ولا تتعض الموقف يتكرر عليك مليون مرة وكل مرة تثبت أنك لوح بمرتبة الشرف !!
ديرتنا تعتبر أحد أكثر دول العالم منتشر فية المرض هذا لانهم سووا دراسة ولقو أن أغلب ربعنا فــ يهم هذا المرض ولو حتىبنسبة بسيطة لأنهم لقو ناس عندنا كثار رواتبهم أربعة وخمسة الاف ريال وشاري شبح أو لكزس بالتقسيط !!! وحتى لقو ناس مشخصين بساعات رولكس ولا الماس وفي جيبوهم مافية حتى خمسين ريال !!!
وأكتشفو ا أيضا أن أخطر ومراحل المرض موجودة عندنا وهي مرحلة الخباليشين لأنهم لقو ناس يشترون ملابس على خمسة وست آلاف ريال عشان ماركتة ما هو عشان شكلة أو خامتة !!! لاوحتى يقولون أنهم أكتشفوا أن أسهل ناس تهك عليهم حنا لانك ممكن تجيب قطعة سجادة صغيرة وتقول إنها إيرانية صناعة يدوية وتبيعة عليهم بستين ألف ريال وهي في الأصل كانت سجادة مدخل بيوت هنود عزوبية ومن كثر الوساخة صار شكلة قديم !!!
ويقولون حتى إنهم حصلوا ناس من المصابين بالمرض في ديرتنا يدفعون خمسين الف على وحدة يسمونة طقاقة تطق لهم بس ثلاث ساعات بالكثير !!! وحتى شافو حالات كثير لناس بجيبوهم وشنطهم جولات وفواتير على ألفين وثلاثة وهالناس قليل خروجهم من البيت يعني حاجتهم للجوال قليلة ومع ذلك مكا لماتهم كثيرة وكلها مكالمات من نوعية شفتو المطعم الجيد اللي فاتح أو حتى حطو على قناة المستقبل فية أغنية جديدة لنوال الزغبي أو متى موعد مبارة الوحدة و النهضة الودية !!
غلاء الاسعار وحتى مشكلة السكن وغلاء المهور وزيادة نسبة الطلاق و ايجارت البيوت الغير مدفوعة و زيادة السرقات والمراكز التجارية الجديدة التي كل يوم تفتح والمجلات السخيفة الكثيرة والغش بالبخور والعود كلها أشياء نشوفها كل يوم عندنا وهي تنتج من أفعال ناس مرضى بهذا المرض أو ناس يستغلون تواجد أعداد كبيرة من المرضى عندنا !!!
وأخر مره قريت في الجريدة ان فيه عنز ماأدري وش ماركتها قيمتها 100000 مائة ألف ريال
الحل هو طبعا العزل يعني الناس المرضى نحجر عليهم ونرشهم بطيب صناعة يابانية يمكن إذا رشيناهم ينفعون ويصيرون أذكياء وإن ماصاروا على الأقل تصير ريحتهم زينة !!![/grade]
رد مع اقتباس
خوش موضوع وخوش اثنين طايحين مسخره انت وياه على العالم 
المشاركة الأصلية كتبت بواسطة بيان
