قصيدة جميلة ومعبرة عن ما في داخلي للشاعر راشد البلوي في الشاعر الفحل محمد بن الذيب فك الله اسره
اترككم مع القصيدة
لعل السحاب اللي بروقه علي الصمان
تقفاه ذعذاع المراويح عصرية
الين يتساوى في سما ديرة العجمان
تسيل الشعاب وينحدر سيل واديه
على الاولة والغانمة لادعي الميدان
وعلى الطيب والميقاف والعز والهية
يكفيك ما ينبيك عن ما مضى (( راكان))
يمين الظفر ياحي ذكره ويا حيه
أنشد عن ابن الذيب والعلم دوبه بان
بعد غاب عني صوته شهور وشويه
لقيت العلوم اللي مع فلان غيض فلان
سوالف تجي وتروح في كل يوميه
ولو غاب ابو حمدان يا ذكر ابو حمدان
به صدورنا من غالي القدر مملية
فدته الدول والسجن والقفل والسجان
عزيز الجناب اللي على الطيب طاريه
سلوم المراجل جمعت كلها بانسان
ولا فيه من مثله ولا فيه من زيه
عسى الله يعجل بالفرج يا وسيع بطان
نغني فرح في شوفتك كل قافية
انا اغليه واغلي كل واحد من العجمان
مواقف على الوقفات ما هيب منسية
محبكم بطن الشمس
رد مع اقتباس