السلام عليكم ورحمة الله وبركاته
اليوم طايح مريض في البيت
<==== أكيد في البيت اجل عند جيرانكم
وكانت درجه حرارتي تتراوح بين 37 الي 38.5 درجه مؤيه بمقياس حق الاذان , اتصل علي صديقي
أبو .... * يتحمد لي السلامه وقال ما تشوف شر ابو شوشه ان شاء الله في عدوينك ولا فيك وأثناء الحديث الساخن بيني وبينه قال أمس سويت عشاء سمك فيليه وأنت مصخن , و يرتفع ضغطي واقول له ايه ما تطبخون الا إذا صرت مصخن مغير ازعل عليه وانقز من سريري الأبيض
واشغل السيارة وأروح لكارفور ( الغيره قاتله ) المهم دخلت السوق وتوجهت الى قسم الاسماك واطلب كيلو سمك هامور فيليه ونصف كيلو ربيان
وأثناء تسوقي وتقلبي بين السمك فجأة ( أدوخ انا على فجأة )
ارتفعت حرارتي تقولون مركب اديتر كرولا رصتين وانا الي اسدح جبهتي على الثلج الي فيه السمك و ادربي دمجتي على الثلج و أشوف سمكه القرش جايه عندي
شفتوه جايني زاحف ما حسيت فيه الا وهو يتنفس فوق راسي
لا وبعد أخوياه ينتظرون منه إشارة
المهم بعد ما شريت الأغراض والمقادير وعصير العنب الأحمر
تراه بــ11.5 ريال في السيد الثاني الصف الخامس السطر الأول
<==== قاعد تكتب محضر مو توصيف هذا
ايوه بعد كذا رحت للبيت وجهزت المقادير وغسلت السمك والربيان والخضروات
المقادير :
1- قطعتين سمك فيليه هامور
2- نصف كيلو ربيان منظف من الحجم الوسط
3- أربعه حبات كوسه صغيره
4- عدد اثنين او ثنتين طماطه حمراء
5- بصل وثوم مقطع
6- خلطه خاصه بهارات ( خلطه ابو شوشه )
7- بطاطه او بطاطس عدد اثنتان او ثنتين او حبذا اثنين
8- صحن مرتدله اذا ماضبطت الطبخه تلقى شي تأكله
9- حبه بنادول
لا البندول تأكلها اذا صرت مصخن
هيا بناء الي مطبخ ابو شوشه
هذا السمكه المقشره ( حلوه مقشره )
تضعون الطماط بعد تقطيعه في الصينيه
بعد كذا تسدحون السمكه المقشره ( الفيليه ) فوق الطماط
وتضعون الربيان جنب الفيليه
بعد كذا تضعون حلقات البطاطس فوق الفيليه والربيان
وعلى طول الحقو بالكوسه فوق البطاطس ولابد انت تكون على شكل حلقات دوائر
يا سلام الحين تضعون الخلطه وهي عباره عن مزيج من البهارات و... و... و....و... الطريقه خاصه
تصدقون عاد البهارات اكتشفتها وانا في ايطاليه اخذتها من واحد في قريه ايطاليه وحلفني اني ما اقولها لحد الا اذا دفع لك مقابلها فلوس
وبعد كذا تغلفون الصينيه تغليف محكم بالقصدير الاصلي مو حقين ابو ريالين
وما يمنع أن تكافئ نفسك بفتح العصير واخذ منه رشفه صغيره الين يستوي السمك
وتضعه في الفرن لمده 45 دقيقه
وبعد كذا يكون الرز جاهز ويا حبذا رز ابيض تجيبون صحن وتحطون الرز بالشكل هذا
وحاولو تزينونه عشان يفتح الشهيه تحطون عليه زيت فرامل قصدي صلصه
و تطلعون صينيه السمك من الفرن وعلى طول الى المائدة
يا سلام على ريحه السمك
وبالهناء والعافية مطرح ما يسري يسري قصدي مطرح ما يجي يقعد
نسيت الجملة
المهم بالعافيه
بعد الوجبه هذي اطلع للبر ودور لك اقرب نفود واجلس وشب ضوك وسوي قهوتك وشاهيك
شرط ترجع للبيت ونفسيتك تعبانه بعد الجهد الذي بذلته
ما يستفاد من القصة :
1- لا تروح للسوق وأنت مصخن
2- تأكد أن سمك القرش انه ميت
3- حاط الموضوع لرفع ضغط صديقي عشانه ما عزمني
4- نسيت اشتري خبز
5- العصير خلص قبل الغداء
6- الربيان اختفى في الصينية
7- بعد الطبخه الحلوه لا تطلع للبر
8- ممكن احصل عندكم سلف
.........................................
العلمه هذي * شرح للجمله للي فوق
يعني الكتب احسن مني
* اسم صديقي واعدني بسلف ولا سلفني
رد مع اقتباس
المشاركة الأصلية كتبت بواسطة وادي السليكون
