ابو شوشه وبضاعته

[ابو شوشه]

بسم الله الرحمن الرحيم

أصدقائي جميعا

أخوكم ابو شوشه طايحن بالتجارة ها اليومين وجايبله بضاعه على كيف كيفكم اخر موديل .

واخر واحد يصك الباب معه .

عاد اتنا ما بغيت أحرمكم منها وبعرضها فيذا واللي يبي يشتري يكلمني على جوالي المقطوع من شهرين .

بسم الله نبداْ

المنظر العام للموضوع ابو شوشه محول من ونيت يمشي على كفرات


<===== لا يا شيخ اجل كيف يمشي
والغتره على الكتف

ومشخص بالزبيريات اكرمكم الله فتح باب المحل بالريموت كنترول وصف البضاعه .

ورتبها تعالوا نشوف وش عنده من بضاعه حلوه
.................................................. .
عندنا جوال الرقم السري مميز محدود الين انقلب 3000 ريال مع شريحه جديده

وفاتوره مسدده بالسلف وهديه شغاله ما عليها فواتير .
...............................................
سياره موديل 2004 هجريه فل كامل وياسمين بس فيها عيب نسوا يحطون ريوس معليش مهوب لازم ترجعون ورا
..................................................

لحظه

تبون جح مربع



ابي اسوي مثلهم بس ابي اسويه مثلث

عودنااااااااااااااااااااااااااا.......................

كمبيوتر ثلاث انظمه بال . سيكام . وبدون الون . مع نظام اف ام واف من شكلك.
.......................................

لي مويه فتحه وحده لزوم التوفير وخاصيه رهيبة ممكن تخليه فيش كهرب على خط 220 وخط110 وبعد خط رقعه لوتبي .


.....................................

رادو فيه قنوات عرب سات والنيل سات والبحر بس مهوب سات
......................................

دش مويه حار بارد ممطر صيفاً يصب يومين في الاسبوع الااذا جبت ورقه من البلدية ماعاد يصب ابد .
........................................

مسجل يشتغل على أشرطة الجنود والعساكر وجه واحد بس وانت اشتر الوجه الثاني بعدين .
.........................................
صندوق بريد واصل خاص بالعمااائر

الكميه متوفرة بالجمالة


...............................
هذي بضاعتي عرضتعا عليكم تبونها ولا امشي


وتراي اقبل اي شي

كاش فيزا بطاقة الصراف حتى سلف اقبل عادي
بلاش ماعندي مانع بس تعالوا وابشروا

عنواني هو .عمارة المملكة تقاطع منفوحة مع أم سليم الدائري الشمالي

جوال 00966 ماله داعي مقطوع خذوا رقم الفوال اللي جنبي 00971

وترا الرقم للبيع ومدري وش جايبه مع راعي الفول .


وسلامتكم أخوكم ابو شوشه بيل قيتس

.

[يحي الحذيفي]

الله يسلمك من كل شر امين يارب وتسلم على هذى العلوم الوافيه والكافيه والشيقه وسعت صدورنا بها وسع الله مد خلك فى الجنه ووسع لكلفى رزقك امين يارب و عنـدى سؤال ( اخى ابو شوشه )) انا ركزت على العربه التى معك ووجه لى احد ابنا ئى سؤال وقال وين راكب عمى ابوشوشه قلت يمكن فى الجهة اليمين ما شفتك على الجهه اليسرى ويمكن انا غلطا ن يمكن تسير هذى العربه بريموت اعطنا عنها اى معلومه اكرر لك تقديرى وشكر مع اعجاب دائم وفقك الله

[مراسل طموح]

صدقنى بتربح مادمت بعيد عن سوق الاسهم

[postal_man]

ابو شوشه ترى التجارة شي طيب بس ابعد عن سوق الحراج

وعلى فكره السيارة للبيع تراني شرررررراااااااااااااااااااااااي بكم السومه

[ابو شوشه]

و عنـدى سؤال ( اخى ابو شوشه )) انا ركزت على العربه التى معك ووجه لى احد ابنا ئى سؤال وقال وين راكب عمى ابوشوشه قلت يمكن فى الجهة اليمين ما شفتك على الجهه اليسرى ويمكن انا غلطا ن يمكن تسير هذى العربه بريموت اعطنا عنها اى معلومه

اهلين وسهلين اخي يحي

طال عمرك هذي السياره تمشي بالمناقز يعني طالبها طلبيه من اليابان

وعدلت فيها في الصين وركبت جربوعين فيها من الصمان

بس نسيت اقلب الدركسون خليته على اليمين



وعندي الدباب هذا وش رايك فيه تره للبيع كانك شراي





وش رايك في الزرافه مخليها تشجع معي

عشااااان المنتخب



الله يسلمك اخي يحي على ردك الجميل الذي افلج صدري

[ابو شوشه]

صدقنى بتربح مادمت بعيد عن سوق الاسهم

ومن قال اني بعيد عن السوق شغال خساااير

وهذي اخر خساااره



والمشكله دايم اصحح وتروح

يعني رااح 90 في الميه من راس المال



والحمد الله على قضاء الله وقدره

عشان كذا تبي شي من البظاعه المذكور اعلاه

[ابو شوشه]

ابو شوشه ترى التجارة شي طيب بس ابعد عن سوق الحراج

وعلى فكره السيارة للبيع تراني شرررررراااااااااااااااااااااااي بكم السومه

بالعكس البدايه لزم تكون من سوق الحراج والا كيف تبي تصير تااجر

لا السياره مو للبيع

هذا طال عمرك للبيع

وبعدين تراااا كل شي وكاله يعين ما غيرت فيها شي



شفتها وبعدي فيها ميزه مو باقي السيارااات

فيها مسجله متنقل ومع اذاعه اف ام



لا لا لا لا تتردد ترى الفرصه ما تجي الا مره وحده

وتحياتي لك على ردك

[وادي السليكون]

الله يسعدك يا ابو شوشه

نتكل على الله و نسوم السيارة الفخمه( سيارة ابو شوشه)

نقول انا اشريها و تعطيني 1000 ريال ويش قلت قل تم لا تبلش بها شوري لك

[ابو شوشه]

الله يسعدك يا ابو شوشه

نتكل على الله و نسوم السيارة الفخمه( سيارة ابو شوشه)

نقول انا اشريها و تعطيني 1000 ريال ويش قلت قل تم لا تبلش بها شوري لك

خلاص اذا مر اربعه وعشرين ساعه ما احد زاد السعر ترني بعتك

تم

يالله من يزود من قال 15000 الف يالله من قال

<======= الله من الطمع

[يحي الحذيفي]

اشكر لك سرعت الرد والاهتمام فينا وهذا غير غريب منك سبا ق لكل مفيد لهذا المنتدى ومرتاديه شكر ا على التوضيح والايضاح وما شاء الله كل التى عرضتها متعوب عليها ولااظن انك فعلا تفرط فيها خاصه الدباب واخير تقبل تقدير الدائم وسع الله صدرك دائما للخير وابقاك على هذا الحال مسرور ودائما جعلت من دخل المنتدى مسرور بوجودك

[وادي السليكون]

وهو على كيفك من الف ريا ل الى خمسة عشر الف ريال و الا يا ابو شوشه الشوف شجر و انك لا تعترف بوجود الصفر, يا ابو شوشه ركز معي شوي

ترى الصفر اللي يقولون علية مالة قيمه هو الصفر اللي على الشمال اما الذي على اليمين فهو له قيمه عالية,,,هه فهمت

الحمد لله انك مانت موظف في الشؤون المالية و الا كان علوم,

[ابو شوشه]

اشكرك اخوي يحي على الكلام الحلو

الله يسلمك ويكثر من امثالك

اشكرك على تشجيعك لي

احبك الله مثل ما احببتي

[ابو شوشه]

وهو على كيفك من الف ريا ل الى خمسة عشر الف ريال و الا يا ابو شوشه الشوف شجر و انك لا تعترف بوجود الصفر, يا ابو شوشه ركز معي شوي

ترى الصفر اللي يقولون علية مالة قيمه هو الصفر اللي على الشمال اما الذي على اليمين فهو له قيمه عالية,,,هه فهمت

الحمد لله انك مانت موظف في الشؤون المالية و الا كان علوم,

ايه لا تكشفني انا رافع السعر

اتوقع يجي واحد مطفي النور ويزود السعر

وبعدين لا تصير تدقق خلنا نلعب شوي بالارقام شوي

يعني وقفت علي اناااااااااااااا
هههههههههههههههههههه

شووووووووووووكرا على تعليقك

[أسـيـر الـشـوق]

يامبدع كيف الحال ؟

تراك طولة الغيبة وتراك جبة الغنايم وجبت معاك اخبارحلوه مرة

عساك على القوه دوم يابوشوشه يا فاكهة المنتدى بابداعاتك الطيبة 0

تحياتى لك وخفت دمك الطيب ياطيب 0

[وادي السليكون]

ايه لا تكشفني انا رافع السعر

اتوقع يجي واحد مطفي النور ويزود السعر

وبعدين لا تصير تدقق خلنا نلعب شوي بالارقام شوي

يعني وقفت علي اناااااااااااااا
هههههههههههههههههههه

شووووووووووووكرا على تعليقك

يعني تقصد( ابو شوشه ا لزراعيه) (و الا (مواشي ابو شوشه) يا شين نيتك يا ابوشوشه