باع أرضه ليكسب رضا مديره

[ابو حمد]

في مؤسسة البريد السعودي

يحكى أنه في قديم الزمان كان مدير مكتب بريد
له هيبة

اذا أردت الدخول له لابد موعد سابق
واذا وصلت إلى سكرتير مكتبه تتلعثم قبل الدخول إليه

حاول أحد الموظفين الوصول له
اعني ان يكون من المقربين له

فاصبح يحاول لفت نظره بالمداخلات في اوقات الاجتماعات
واصبح يبدع في عمله ليدخل على مكتب المدير ليعرض عليه ابداعاته
حتى اقتنع فيه مديره واصبح يستشيره في بعض المعاملات

هنا صاحبنا شعر وكانه امتلك الكون

[ابو حمد]

وفي احد الجلسات الخاصه ذكر هذا المدير انه يتمنى ان يبيع سيارته الكرسيدا 91 ويشتري سياره افضل
ولكنه لا يملك الكاش

وعند ذهاب صاحبنا الى المنزل فكر كيف يدخل على قلب هذا المدير في مساعدته في هذه الناحيه

ذهب إليه في اليوم التالي الى مكتبه وقال له يا ابو فلان
سمعتك تبي تبيع سيارتك الكرسيدا

قال له المدير ما تجيب شي
نزلتها ما جابت الا يادوبك 9000 ريال

قال له صاحبنا انا عندي خبره في البيع
اقدر ابيعها لك ب ضعف هذا المبلغ

نظر اليه المدير نظره اعجاب قويه وقال هذا المفتاح ورنا شطارتك

اخذ صاحبنا المفتاح وكانه اخذ شهادة الماجستير في العلوم الطبيعية

واعطى مديره سيارته نوع تاهو 2012 كانت بسنتها ذاك الوقت

قال له استخدم سيارتي حتى انتهي من بيع السياره

[ابو حمد]

نزل صاحبنا للحراج وعرض السياره ما جابت له الا 7000 ريال

باعها بموجب تفويض رسمي

وراح للبنك سحب 11 الف ريال من حسابه

وفي اليوم التالي راح للمدير واعطاه ال18 الف ريال

وقال له المدير والله انك كفو وذيب

عندي سيارة ثانية مازدا موديل 88 ماجابت الا 4000 خذ صرفها لي

قال له صاحبنا ابشر مالك الا طيبه الخاطر

[ابو حمد]

اخذ المازدا للحراج وما جابت له الا 2500 ريال

راح الضعيف دبر عليها 2500 وراح للمدير اعطاه 5000 ريال

كشر المدير في وجهه وقال له وش فيك وين الابداعات توقعتك تجيب لي الضعف 8000 ريال

قال له والله طال عمرك السياره شوي قديمه يادوب راحت

قال له هالمره تراك اخفقت لو ادري هذي سواتك ما عطيتك السياره

تفضل على مكتبك

جلس صاحبنا لى مكتبه يلوم نفسه وش لقفني بس

[ابو حمد]

وفي احد الايام استدعاه المدير وقال له اسمع انت لك خبره في السيارات وابي سيارة بسعر معقول

شفت سياره في الحراج سعرها 60 الف اذا تقدر تجيبها لي باقل من هالسعر تكون ذيب

وضحك وقال على الاقل تكفر عن غلطتك في المازدا

طبعا صاحبنا انبسط وقال له ابشر

اخذ التفويض وراح لعنوان المعرض

سال عن السياره نفسها قال له صاحب المعرض ب70 الف

قال شلون جاك واحد وقال لك ب60 من كم يوم

قال له السيارة ب70 وسعرها ثابت

فكر صاحبنا وراح للمدير وقال له خلاص بجيبها لك باربعين حسب علاقاتي ولا يهمك

قال له نشوف شطارتك

صاحبنا عنده ارض بعيده اشتراها بوثيقه من سنوات ب 70 الف ريال

عرضها للبيع ما جابت له الا 40 الف ريال

باعها ، واخذ الاربعين من المدير وراح للمعرض واشترى السياره

وقدمها للمدير

انبسط المدير وقال والله انك ذيب وانت من الان مستشاري في السيارات

[ابو حمد]

المهم صاحبنا هذا مبسوط جدا لانه صار مقرب من المدير

وفي احد المرات جاء واحد من الزملاء لصاحبنا وقال له تكفى ابغا انقل للقسم الفلاني توسط لي عند المدير انت ماشاء الله عليك مقرب منه

طق على صدره صاحبنا وقال اعتبر نفسك منقول

راح للمدير وطلب منه ، المدير رفض وقال له انت صاحبي ومستشاري لكن لا تدخل في شئون العمل

قال له صاحبنا ابشر طال عمرك

وراح لزميله قال له ابشرك وافق لكن قال اعطيني وقت

[ابو حمد]

شعر صاحبنا في الحسرة والندم

ضيع فلوسه وما استطاع يحصل على شي

وفي مفاجأة تم تغيير مدير المنطقة

وجاء مدير منطقة جديد ، طبعا قام بعمل تغييرات ومنها شال هذا المدير وحوله لقسم الفرز لانه لا يحمل مؤهل علمي

وتم استدعاء صاحبنا هذا لان مؤهله جامعي ، وتم تعيينه مدير لهذا المكتب البريدي

[ابو حمد]

خسر فلوسه اللي كان مجمعها

وخسر ارضه

ولم يبقى معاه شيء

وفي النهاية صار هو مدير المكتب

وسلامتكم

( قصة حقيقية )

[مأمور بريد]

ههههههههههههههههه
ايوة والله خرجنا شوي عن سوالف تأخير المكافأت خلنا نوسع صدورنا

صاحبك هذا متملق ووصولي
لأجل ذلك خسر كل شي

مشكور ابو حمد على هذه القصة المسلية

[موج وبحر]

معقول قصة حقيقية !!!؟؟؟
انسان غريب كل هذا علشان يتقرب من مديره !!!

[أحسائى]

نعم أنسان غريب ومأكثرهم .معقول يبع أرضة .ومأكثر الى يتملحون يالله قصة واقعية طلعتنامن قصة الواقع المكأفأة..

[AHMED_WOOW]

قصة جميلة وشكرا على موضوعك ابو حمد

[بوستال]

ههههههههه تأخر المكافأة نفع
أظهرت ابداعات الموظفين في كتابة الشعر وتأليف القصص
وإن شاء الله يطلع لنا هاليومين الجايه مبدع باختراع ينفع البشريه .....

[المرقاب]

ههههههههه تأخر المكافأة نفع
أظهرت ابداعات الموظفين في كتابة الشعر وتأليف القصص
وإن شاء الله يطلع لنا هاليومين الجايه مبدع باختراع ينفع البشريه .....

اي موظف في البريد عنده موهبه معظمهم مبدع في كثير من المجا لات لكن من يكتشفهم وابداعهم

[الجلعور]

مسلسل جميل جدا
زودنا بابداعاتك يا ابو حامد