اضع بين ايديكم قصيده مجاراه لقصيدة
الشاعر المعروف حجرف الذويبي
(ماني بمسكينٍ همومه تشايله) ====شطرٍ لحجرف قبل لا ابديه قايله
يالله يارازق الذويبي ومنجده ====== من كربةٍ فيها تلاشت وسايله
امن بمكتوبك ورزقك وفزعتك ====== من عبرةٍ لاصحاب الالباب هايله
جنَدبها صبره وقوى عزيمته =======لو الحموله فالمحاميل مايله
امسى وهمه للخطاطير قوتهم ===== واصبح بذودٍ عدته في رحايله
من مد جودك ساقها ماسعالها =====وعوَد لربعه ماانثنى عن جمايله
يالله لاتفرِح بنا شامت العدا ====== لا اوحى بعلمي قال هاذي فعايله
مااقسى من الصده عن اللي ينوبني ==== الا اللذي يطلق السانه واحايله
ماعاد باقٍ لي سوى راس ثروتي ======عزيتها والعز هاذي دلايله
يارب تحفظها وتحفظ مكانها ====== يامعين من طبع الكرم من خصايله
ماارجي من المخلوق مده وفزعته ===== يوم ان غيري من يديهم حصايله
امشي على الاقدام حافي بعزتي ===== ولااركب على رنجٍ بما الوجه نايله
على كذا داري وربعي ومذهبي ======وكلٍ على ماتنتميله سلايله
نيبان داري لوتكظني تروفني ====== وربعي ولوجارت لها القدر شايله
مانيب متمني زمانٍ كد انتحا ==== والهرج يكفي عن كثيره صمايله
يرزقني رزاق الذويبي ومنجده ====== لا اظهر جفا داره ولا اظهر خمايله وسلامتكم
عبدالله حبيب
ولكم تحياتي وتقديري
رد مع اقتباس
