فيه دراسات جديده تقول ان الفياغرا ( الحبوب الزرقاء)
طلع لها فوائد غير انها تخلي ام العيال تكلم عليك في اليوم خمس مرات
وتقول له ( الله لا يرحمنا منك يا ابو عيالنا ).
ومن فوائد الفياغرا الجديده انها ترجع حجم القلب المنتفخ - من كثر الهواش مع خلق الله- إلى حجمه الطبيعي
وذلك حسب ما ورد في دراسة نشرت بشهر يناير عن من مجلة Nature Medicine الالكترونية
ويقولون انهم جربوا حبوب الفياغرا لمدة اسبوعين على فيران متفقعه قلوبها من مطارد هالبساسه
بالشوراع ،
وان حجم قلوبهن صغر 50%
( الفار يويدز على المدام عقب ما اكل فياغرا ويقول : فيه احد
دق بيجر ؟ ).
وقال البروفسور ديفيد كاس من كلية الطب بجامعة جون هوبكنز، قال: "ان القلب اذا انتفخ
اكبر من اللازم ممكن ينفقع عليك وانت رايح تشتري خبز لعيالك مثله مثل الكفر اذا صرت
ماسك طريق حرض الخرج ) الله يكفينا الشر .
وقال البرفسور إياه : ان القلب (يروح فيها ) اذا بعد صارت شرايين الانسان صغيره وارتفع
الضغط فالقلب يصير يرقع بقوه وهذا يعرضه ان راعيه ( يروح فيها ) .
(قلبي مهوب مرتاح ، الظاهر هالدربيل اللي يناظر فيه مثل درابيل
الحج اللي تطلع صور)
وثنى على البرفسور كثير من الباحثين ان الفياغرا طلع ما مثله في علاج الحالات القلبيه المزمنه.
وقالوا يبي لنا شوي بعد ندرس هالموضوع اكثر على الانسان إلى ما نتأكد انه زين .
بيني وبينكم ان طلع كلامهم صحيح وصار الفياغرا زين للقلب ويخلي المدام تقدر الرجل وتاخذ
شماغه من عند الباب
فعز الله ان الفياغرا طلع على قولتهم (حج وبيع سباح ).
اما وش بيسون الآن فهم يبون يتأكدون هل اللي ينطبق على الفيران ينطبق علينا
( هذي بحق يشبهنا بالفيران ، وبناخذه من البرفسور ديفد بعير
بالتنهات عقب ما يخلص تجاربه ).
صرخ البرفسور وقال : ابشروا من يدسم شواربكم
البرفسور ديفد ينتظر راعين وانيت مواعدهم ياخذون البعير للمطبخ
بعد ما ركبه الحق .
منقووووووووووووووول
انا مدري
رد مع اقتباس
