حزن هذا المسا موحش بلا دمع وبضيقة بال
حزن ناره جفا ماهي دفا حتى تدفيني
احس البردبكفوفي اصابيع بعشر اقفال
صداها يلغي العالم من العالم ويلغيني
ظلام وبرد وشعوربلانبض وبلا يامال
وقلب لو يضخ الدم همه في شراييني
وحزن في يباسه باس يطفي كل دمع سال
كأنه كل ماحاولتة اشب اقصاي يطفيني
ولو الحزن مثل الصاحب اللي مايسر الحال
زمان امديه لامني شكيته طاح من عيني
تعبت اسال عناويني : انا ويني؟وامد حيال
ويجلب لي صدى صوتي عنا فاول عناويني
واحس التيه في تالي عناويني صدى محتال
سؤال تايه مثلي يجاوبني : انا ويني
وانا لولاشعوري ماعجنت الشعر بالصلصال
ولاشبييت ناري فالطريق اللي يعنيني
قريت البسملة واشرقت شمس في عيون الضال
ومديت الجسور الخضر بين اضدادي وبيني
وشفت الحزن في عيني مغلق بلارموش خلال
ليا لو فتحت طاح الدمع وان غمضت يدميني خيالي من خبال الشعر لاشفت الظلام ازوال
يدلي طرف كبريت لجل يشب في يديني
وانا شاعر اعرف ان الشعر حلم وخيال اطفال
يموت وان عشت به وان مت به يحيا ويحيني وابيه وان ضقت يشعلني على الجمر الدفا موال
ويملا بي فضى الدنيا ترتيل ويغنيني
رد مع اقتباس
