اعتقد يامهدى ان فكرك غالبا بيكون مشغول
وعلى رأيى الاستاذ ياسر ممكن يكون حاجه فى التركيز
وعلى فكرة دى ظاهره وشوفتها مع ناس كتير
بتصادفنى مواقف مشابهه كتير
بالنسبه للغدا فعلا عشان انت بتكون فى مود تانى خالص فلو حد سألك اتغديت ايه مش حتاخد بالك
لما تقابل واحد كويس انك بتسلم عليه انا لو مش فاكر اسمه ممكن اعمل عبيط
منعا للاحراج يعنى مش اكتر
بالنسبه للسؤال عن النفاق رغم انه منتشر وبشوفه بس معاك زايد حبتين
التليفون او المحمول مشكله دلوقت,لأن الناس ممكن تزعل منك وصعب ان حد بيعذرك

التليفون و المفاتيح والمحفظه دول معايا مشكله كبيره بس وانا نازل مش وانا راجع
خلاص ببقا حتجنن .لدرجه ان السيرش على الكمبيوتر بيسطر عليك كحل عشان تطلع من الازمه دى

اخيرا انا مش عارف حلها ايه بس اعتقد ان التركيز بيكون متجه على اكتر من حاجه فى نفس الوقت وده بيلخبط المخ ..زى مثلا تكون قاعد مع اصحابك ومتابعهم بس انت بتفكر فى موضوع تانى خالص بس عارف هما بيتكلمو عن ايه
(وبعدين مش انت واخد دورات تنميه بشريه وبرمجه عصبيه )
نصيحتى حاول تهتم بنفسك شويه واعمل منتدى خاص بيك وبلاش اى حد يدخل فى المنتدى ده الا بحدود ولو تقدر تروح أماكن طبيعية اكيد حيفرق معاك
صحيح مبروك الشكل الجديد ..لذيذ اوى
احم احم انا كبرت الخط اهووو
تحياتى يامهدى
واتمنى اشوفك على خير باذن الله