كتف الغزال والحلبة

[ابو شوشه]

السلام عليكم ورحمه الله وبركاته

أعزائي عزيزاتي

أخواني أخواتي

اسدقائي سديقاتي

رفيق رفيقاتي

<======== اخلص


المهم ما أبي أطول عليكم أنا وأعوذ من كلمة أنا , تعرفوني أحب القنص وطلعات البراري

<======= متب عاقل يا قيس بن الملوح ( لا احد يسأل يقول وش جاب ابن الملوح )


المهم طلعت وكنت ناسي الكمرة وقلت يا ولد مالك الا هيفاء قصدي مالك الا جوالك

وأقوم أصور بعض الصور الجميلة والتي تشق الجبهاا من جمال الطبيعة

والمشكلة بطارية الجوال برجين يعني وراي مكالمة ورسائل وجو شاعري

المهم صورت كم صوره حلوه عن الطلعة واغلب الصور طالعه فيها خششنا

وقايلين ممنوع تطلعون خششكم في منتدى البريد خوفا لا احد يطلبكم

الراعي الرسمي للقصة قناه السودان الرياضية



رحال ترى هذا ممول للقصه بس

المهم اترك لكم مشاهده الصور وإعطائي ارااائكم وبس


هذي يا طويلين العمر والسلامة أول ما وصلنا قمت وشبيت النار وحطيت المعاميل



ترى هذي ركبه واحد من العيال هو الي صاد الغزال


وما دريت الا والشباب ذابحين الغزال وصالخينه وما لحقت إلا على التقطيع

ماسكين كتف الغزال وقاعدين يحرحرون فيه



إيه هذوليهم اخذت لهم الصورة وهم يتهاوشون عليها

طيب نروح للنار والأباريق ويا سلام على النار والجو الرومنسي



شفتو ترى هذي عزبتي وأباريقي الله يخلف رجعت للبيت والأباريق نطلناها

المهم نرجع للقدر والتكشين



هذا طريقه تكشين البصل مع الطماط ومع زيت فرامل



نسينا نجيب زيت واستخدمنا زيت الفرامل كلها زيت والهدف واحد

نرجع الي الأباريق هذا يا طويلين العمر والسلامة حليب

المقادير حليب السعودية وسكر وحلبه (حلبه قصيميه )




يا سلام على الحليبه يا هي كااايفه

الله يخلف على عزبتي راحت كلها بسبب الحلبة



ملاحظه طريقه الحلبه ما يستخدمها الا راعين البراري


إيه عاد مسكت معي وأقوم أزين قهوة يا هي تعدل الرأس من زينها

مو الشاهي الجبلي الي يسويها ابو جبهه



وبعدين نروح للقدر اوريكم الطبخة وريحتهاااااااااا جنان وياهي شي




يوم خلصت الكبسه قمنا ندور الصحن عشان ننسب الغداء ومير ما حصلنا صحن

وانا الي تجيني الفكرة الجهنميه وأقوم والقط كم كيس عندي تحت مرتبه السيارة واقطعه ارباً

ونقوم ونكب الغداء والبصل والثوم والليمون يعني ريحه عطره 100%




وبعدين قعدنا نأكل وشبعنا وشربنا الحليب وشربنا القهوة

و تسدحنا من الشبعه وما درينا الا واظلم علينا الليل

وهذي صورة النار في الليل( أكيد في الليل اجل في القايله )



وجانا الذيب وأكلنا ولا بقى شي منى حتى ساعة خويي لبسها

ههههههههههههههه

تبون بعد صور وإلا تكتفون بالقدر هذا


يالله عاد وروني ردودكم وما مدى إعجابكم


لحظه ودي أعلمكم شي عن اللحم تره هذي لحم الأضاحي سارقينها من أهلنا

مو تصدقون انه لحم غزال هذا لإبراء الذمة

حنا و جيهنا لحم غزال
هههههههههههه

ون سكنت بليز

الصورة هذي اهديها لاصدقائي ابو جبهه و الهرش



انتظرو موضوع أبو جبهه والهرش وحرقه الكبدة

مطلوب ممول للفقشة الجاية

يالله خلوني أشوف ردودكم الجميلة

[وادي السليكون]

ردي انا انك جمدنا شهرين ..بعد طلعت الضبان ..

وحنا نسال عنك وين الرجال ..عساه طيب ...نبغى نعايده...وجاينا بكل بساطه تقول اني سارق من لحم الاضاحي وطالع للبر..والله انك ما تستحي...لكن غير مواعينك خل البخل عنك..

و من العايدين بعد الزحمه...

[ابو شوشه]

وش اسوي ابو رياض كنت مشغول وشي طلع في خشمي ثالول

طايح في المعارض ادور ددسن للبر تعرف الشتاء قرب ويبي لنا موتر

وبعدين بعد الضبان ما طلعه وقاعد احتري احد يخاويني للبر

كلمت رحال قلت له خاوني وجب مواعينك قال معصي اروح معك خايف على كتفه

كل عام وانت بخير من العايدين والفايزين

مشتهي مصابيب