أستفسار لذوي الخبرة بخصوص المراتب والدرجات

[أبو المزن]

بسم الله الرحمن الرحيم
اللهم صلي وسلم وبارك على سيدنا محمد وعلى آله وصحبه أجمعين

السلام عليكم ورحمة الله وبركاته

أولا نهنئكم ونبارك لكم التثبيت ونسأل الله العلي القدير أنه ييسر أمرنا لما فيه الخير

ثانيا يا أخوان أتمنى اللي عنده خبرة بموضوع التثبيت والمراتب لاني بصراحه أحس أني ما أخذت ما أستحق

أولا الشهادات :
الثانويه العامه قسم شرعي
دبلوم بعد الثانوي لمدة سنتين لغة إنجليزية مصدرها جامعة الملك عبدالعزيز
شهادة دورة لغة إنجليزية 9 أشهر متواصله في كندا
دورات داخليه في البريد عددها 3 وبمجمل 7 أيام

لكن لايوجد خبرات وظيفية خارج البريد
لي الان في المؤسسة 3 سنوات و 6 أشهر

وللأمانه أنا لا أفهم في المراتب والدرجات أتمنى أشوف آرائكم

بصراحه كنت أتوقع أخذ المرتبه الخامسه 41
لكن صدمت حصلتهم حطوني على الرابعة 40

أتمنى من أهل الخبره أفادتي ماذا أستحق علما أن مسماي الوظيفي موزع بريدي

أتوقع أن القصور من الخدمه المدنيه وليس من البريد
لان البريد قبل الترسيم كان ينزلي زيادة بالراتب على اساس الدبلوم

يعني زميلي بالدفعه اللي تخرجنا انا وهو بيوم واحد البريد كان يعطيه راتب ثانوي لان شهادتة ثانوي
والبريد كان يفرقني عن راتبه بزياده عشان الدبلوم

لكن حسبي الله على الخدمه المدنيه بالتثبيت على مايبدولي لغت الدبلوم وأصبحت أنا وزميلي اللي معاه ثانوي فقط زي بعض في المرتبه. .؟؟ كلنا عالرابعة

والسؤال الثاني

دامهم حطوني عالرابعه فماذا تتوقعون أن يعطوني الدرجه هل الاولى مثل ما نسمع. . ؟؟
ويا اخوان اذا أبغى اعترض كيف الطريقه لان شؤون موظفينا ما عندهم خبر

[talalsbsh]

انا اقو لك اذا جاك محظر التثبيت عارض عليه ولا تستلمه فيه خانه تكتب اعتراضك

معك دبلوم سنتين يعني الخامسه 41 وتقول عندك خدمه ثلاث اسنين بالبريد يعني السادسه يعني 42 ولا تقبل 40 لانها اقل من ما تستحق

[رئيس القسم]

السلام عليكم ورحمة الله وبركاته اخي العزيز بصراحه تستحق 43 السابعه لان احد الزملاء زيك ثانوي ومعه دبلوم ترسم على 43 السابعه ولكن نصيحتي لك توكل على الله وستفسر هناك خطاء صدقني

[شخبط شخابيط]

السلام عليكم ورحمة الله وبركاته اخي العزيز بصراحه تستحق 43 السابعه لان احد الزملاء زيك ثانوي ومعه دبلوم ترسم على 43 السابعه ولكن نصيحتي لك توكل على الله وستفسر هناك خطاء صدقني

ياخي اتقي الله ولا تفتي من عندك بغير علم اللي مصدرك شفت زميل وقال لي زميل يعني لما الآن اللجنة تعطيه 40 وانت تقوله 43 وش تتوقع تكون عنده النفسية بدل مايفرح بالترسيم تنزل عليه الهم والكأبه
عموما اخي الكريم ابو المزن اللجنة تصنيفها بالنسبة للدبلوم اذا كان غير مطابق مع المسمى الوظيفي لا يحسب وتعامل على شهادة الثانوي وهذا الشي مطبق عندك شهادتك دبلوم انجليزي ومسمى الوظيفي عندك موزع بريد
بالنسبة للخبرة عندك ثلاث سنوات وسته اشهر يعني قبل تاريخ المرسوم الملكي 23/3/1432هـ ماكملك ثلاث سنوات يعني كمان الخبرة لم تحسب على كذا صنفوك على الثانوي 40 وان شاء الله يعوضوك بالدبلوم والدورات درجات وبالتوفيق

[بريدي فاهم]

يارئيس القسم ياليتك تعظ على شحمة وتسكت ولا تورط الرجال وكلام شخبط هو الصح يا ابو المزن توكل على الله واقبل المرتبة الي وضعوك عليها وربي لو ترفضها لا تبطي عظم يرسمونك مرة ثانية وكلام رئيس القسم عار من الصحة

[غلطة عمر]

اخوي ابو المزن

انت لما تدخل سجلك المدني برابط تواصل عشان يطلع لك مرتبتك

هل كاتبين لك انك دبلوم بعد الثانوي او كاتبين لك الثانوي فقط

اذا كان دبلوم فتستحق 41 اما اذا كان ثانوي وهذا ما يبدو لي فتستحق 40

[سري للغاية]

اخي الفاضل
هل دبلومك معترف فيه ومصنف في الديوان او لا
اتوقع دبلومك غير مصنف وعشان كذا عطوك 40
راح اعطيك طريقه بس لابد تسويها خذ شهادتك ورح ديوان الخدمه وسأل هل الشهاده مصنفه او لا يعني معترف فيها او لا
اذا كان معترف فيها انت تستحق المرتبه 41 وطبيعي قدم اعتراض وراح تحصل عليها
اذا غير مصنفه انت تستحق 40 يعني خدمك والدورات والي انت كاتبه غير معترف فيه بالديوان
اتمنى ان تتبع كلامي بحكم معرفتي وخبرتي بهالشي
لاتنساني من دعائك ان الله يعدل وضعي بالبريد
وفقك الله

[aadeaf]

برايي هذا هو الكلام الصحيح و الافضل انك تروح للوزارة الخدمة المدنية وتتأكد قبل توقع على محضر التثبيت

اخوي ابو المزن

انت لما تدخل سجلك المدني برابط تواصل عشان يطلع لك مرتبتك

هل كاتبين لك انك دبلوم بعد الثانوي او كاتبين لك الثانوي فقط

اذا كان دبلوم فتستحق 41 اما اذا كان ثانوي وهذا ما يبدو لي فتستحق 40