كتف غزال

[ابو شوشه]

السلام عليكم ورحمه الله وبركاته

أعزائي

أخواني

اسدقائي

رفيق

<======== اخلص

وش رايكم في العنوان مهوب يا خذ العقل

المهم ما أبي أطول عليكم أنا وأعوذ من كلمة أنا , تعرفوني أحب القنص وطلعات البراري

<======= متب عاقل يا قيس بن ام ملوح ( لا احد يسأل يقول وش جاب ابن الملوح )

إيه المهم طلعت مره مع مجموعه من الشيبان واصغر واحد فيهم عمره 37 سنه

<===== تكفى يا صغير

^^^^^^===== يا خوك لا تقاطعني خلني أكمل

<====== طيب اخلص علينا يعني ما ورانا إلا أنت وخشتك

^^^========= طيب

المهم طلعت وكنت ناسي الكمرة وقلت يا ولد مالك الا هيفاء قصدي مالك الا جوالك

وأقوم أصور بعض الصور الجميلة والتي تشق الجبهاا من جمال الطبيعة

والمشكلة بطارية الجوال برجين يعني وراي مكالمة ورسائل كا

المهم صورت لكم كم صوره حلوه عن الطلعة واغلب الصور طالعه فيها خششنا

وقايلين ممنوع تطلعون خششكم :icon_redf واخترت لكم أحلا صور

المهم اترك لكم مشاهده الصور واعطائي ارااائكم وبس


هذي يا طويلن العمر أول ما وصلنا قمت وشبيت النار وحطيت المعاميل





ترى هذي ركبه واحد من العيال هو الي صاد الغزال



وما دريت الا والشباب ذابحين الغزال وصالخينه وما لحقت إلا على التقطيع

ماسكين كتف الغزال وقاعدين يحرحرون فيه



إيه هذوليهم يالله لقطت الصورة وهو يتهاوشون عليها

طيب نروح للنار والأباريق ويا سلام على النار والجو الرومنسي



شفتو ترى هذي عزبتي وأباريقي الله يخلف رجعت والأباريق نطلناها

المهم نرجع للقدر والتكشين



هذا طريقه تكشين البصل مع الطماط ومع زيت فرامل



نسينا نجيب زين واستخدمنا زيت الفرامل كلها زيت والهدف واحد

نرجع الي الأباريق هذا يا طويلن العمر والسلامه حليب

المقادر حليب السعوديه وسكر وحلبه (حلبه قصيميه )




يا سلام على الحليبه يا هي كااايفه

ايه عاد مسكت معي واقوم ازين قهوه يا هي تصك في الراس من زينها




وبعدين نروح للقدر اوريكم الطبخه وريحتهاااااااااا جنان وياهي شي




يوم خلصت الكبسه قمنا ندور الصحن عشان ننسب الغداء ومير ما حصلنا صحن

وانا الي تجيني الفكره الجهنميه واقوم والقط كم كيس عندي تحت المرتبه واقطعه ارباٌ

ونقوم ونسبنا ( كبينا ) الغداء يا سلام





وبعدين قعدنا ناكل وشبعنا وشربنا الحليب وشربنا القهوه الي تصك في الراس

تسدحنا من الشبعه وما دريناااااا الا واظلم علينا الليل

وهذي صوره النار في الليل



وجانا الذيب واكلنا ولا بقى شي منا حتى ساعة خويي لبسها

ههههههههههههههه



تبون بعد صور والا تكتفون بالقدر هذا


يالله عاد وروني ردودكم وما مدى اعجابكم بالصور


لحظه ودي اعلمكم شي عن اللحم تره هذي لحم الاضاحي سارقينها من اهلنا

مو تصدقون انه لحم غزال

حنا و جيهنا لحم غزال
هههههههههههه

يالله خلوني اشوف ردودكم الجميله

[رحال]

هههههههههههههههههههههه

توني بسئلك عن راااس الغزااال .. زين انك قلت كذااا ..ههههههههههههه

مع الحليب وين الزنجبيل يااا ابو شوشه ..

تصدق يااا زين الطلعااات فله واخر كلااام ..


إلا تعااال فيه مشاااركه في القصه السااابقه اقول لك فله تقول لي قصر اقول كيف الحااال انت طيب <<< اثنينهم مو فاااهمين ..هههههههههههههه

بالعاااافيه يااا ذيب ..

احتراامي ابو شوشه ..

بعد احترااامي بعد كل هذي الطبخااات اخاااف نطلع معك وننصدم انك مااا تعرف تطبخ ..

تراااني كاااشخ فيك عند الربع قول اذا كااان ماا تعرف تطبخ .. قبل يدعونااا في طلعه ونتفشل ...ههههههههه

يسلم راااسك بناااخذ معنااا كتاااب نطيره للطبخ .. براااشيم ..ههههههههههه

اشوفك باااحسن حااال ..

احترااامي تراهااا فوق نسيتهااا مااا بقول لك احترااامي لك ..<<<< رحـــــااال كيف الحااال ...ههههههه

رحــــــــــــــــااال...

[بريد الشفا]

محجوز----------

[الصياد]

ابو شوشة بالعافية عليك الصراحه الخرجه له طعم وخاص اذا فيها صيد ...

تحياتي