............... * شيطان من الانس * ...............
عندما ينعدم الاحساس
وعندما يموت الحياء
وعندما يتحرر الانسان المسلم من شخصيته الاسلامية
وتعاليم دينه السمحة
سوف نجد شيطان مثل هذا الشيطان
.............................................

ابي البس على الموضات
ولا اتحجب
ابي امشي على كيفي
واصيع بدنيتي والعب
ابي اظهر
وابي اغريك بالمظهر
واحط الروج واتعطر
وبالخطوات .. ابي اتبختر
ابي كل يوم لي معجب
وابي الهيمان يطاردني
هلا اهلين .. هلا مرحب
ابي الاغراء لي مذهب
انا لا من لزمت البيت
تغيّر حالتي واتعب
ابي اسرح
وابي امرح
وابي ارقص على المسرح
ابي الانظار تتعجب
ابي اسمع طرب واطرب
ابي اسلب عقول الناس
ابي احرق دماء واقهر
وازيد الضغط والسكر
ابي اسبق بنات الجيل بافكاري
وفن الصوت مع المنظر
ابي اللي يشوفني .. يحتر
وابي اركب بعد موتر
معي مفتاح .. من قدي ؟
وابي الجوال في يدي
ابي ما حد يكلمني ..
عن احوالي
انا ما احس ولا اسمع
ابي ما حد يعيد القول
ترى ما راح ابد ينفع
انا ما احب كثر العك
وابي قيد الحيا ينفك
ابي اطلع متى ما ارغب
ابي اجلس ورا الطارة
ابي ادعس .. وابي اسحب
ابي احيا حياة ٍ غير
وابي اخلف نظام السير
ابي اتحضر
وكل من حولي يتغير
ابي الفت لي الانظار
وكل من شافني يفغر
ولا مريت من جنبه ..
اناظر فيه واتبسم
ابي يا ناس من يفهم
حياة البيت ما تنطاق
اعيش بقبر .. لي ارحم
ابي ادفن تقاليدي
وابي الاحساس يتخدر
ابي التحرير واتحرر
ابي اترك بلدكم ذا
واعيش هناك بمدغشقر

**********

اقول لها ولمن هن على شاكلتها

نظمت الشعر على المكتب
واحب القول اذا ترتب
فتحت لحالتك محضر
باسجل فيه اقوالك
وخط ٍ تحت بالاحمر
وابي احجز لك الماوى ..
مكان ٍ زين .. بالمحجر
ابي اسأل عن التفكير
وليه العقل يتحجّر !؟
وابي اعلن لكل الناس
لاهل الريف والبندر
ترى الحسرات تغمرني
ودمع العين .. يتحدر
حذاري الرب لا يغضب
ترى الانسان يتمادى
ولو ما تاب يتعذب
انا يا بنت في حيرة
وهذا الفكر .. مستغرَب !
انا من حالتك اعجب
ابي احصرْك في حدّك
وابي اقطع ..
خطوط الماي والكهرب
وابي اكتب كلام العقل
واخط الخط .. بالمُذهب
الا يا بنت يا فتنة
ويا شيطان " هبا هب هب " ..
على التفكير يا عقرب
بنات الدين في حشمة
وبنت الدين ما تخرب
عن الانظار تتستر
ولا تهتم بالموضات
ولا هو سهل تتغرر
بلبس الشرع .. نعم تعتز
بلبس الشرع .. نعم تفخر
زمانك راح يا جدي
ودمعي سال على خدي
شكيت الحال للوالي
ذرفت دموع من المدمع
ابي الايام ترجع بي
ولكن كيف بي ترجع ؟
ابي اسأل ..
هل الاباء باللي يصير ..
ما تعلم !؟
اشوف اشياء قدامي
وما يخفى عليّ اعظم ..
حياة الحب والاشوق
مع الملتاع والمغرم
وفن اللبس في الاسوق
مع السواق بلا محرم
وحال البنت مع الجوال
بلا توجيه من الاطرم
وابي اسأل ..
ليه البعض يتعذر ؟!؟

" زمان الآه " يا اغبر
ويا ويلاه من اللي جاي
اكيد الجاي بعد اخطر

********************

للشاعر المبدع / ماجد الزهراني

تحياتي