تفعيل خدمة( Mms ) للجوال لارسال الصور ومقاطع الفديو

[الرمادي]

تعرفووون من جت شركة اتحاد للاتصالات وشركة الاتصالات رايحه فيها:D
لو تفكر شركة اتحاد الاتصالات في خدمه جديده على طوووول شركة الاتصالات تنزلها
وين التناااافس من زمااااااااااان

على العموم جبت لكم شرح خدمة
MMS
طبعا الفايده منها هي انك تقدر ترسل صوره او مقطع صوتي او مقطع فديو من جوالك
لاي جوال ثاني
اطبعا ماتشتغل الخدمه إلا على الجوالات الجديده
مهب تجي معك الرهيب ولا الفيصليه وتبي الخدمه تشتغل

المهم نبداء كيف تستفيد من الخدمه
على فكره الخدمه لمدة شهر مجانيه
يعني الله الله بالرسايل


فيه طريقتين علشان تفعل الخدمه في جوالك
الطريقه الاولى عن طريق نفس الجوال وهي:
تدخل على كتابة رسائل
وتكتب اذا جوالك نوكيا
NOKIA *** MMS
ملاحظه(ال*رقم الجوال يعني 7610للدمعه مثلا)
ملاحظه(لازم فراغ بين كلمة نوكيا والرقم الجهاز وكذالك فراغ بينها وبين ال MMS
محلاظه(لازم كبيتل لتر الكتابه)

بعدها ترسلها على الرقم 2222

علطول بيجيك رساله
شف اخر شئ فيها.. فيه رقم مكون من3او 4 ارقام
احفظ الارقام بعدها بتجيك رساله ثانيه علطول
اسمها رسالة تكوين

بيطلب منك انك تظغط خيارات بعدها حفظ
ثم يطلب رقم سري
وهو الرقم الي حفظنه قبل في الخطوله السابقه
بعدها سوف يتم القبول

بعديها الف مبرووك تم تشغيل الخدمه وتقدر ترسل اي صوره و مقطع صوتي او فديو
لاي جوال اخر
عن طريق الوسائط

اما الطريقه الثانيه لتفعيل الخدمه
وهي

تدخل على موقع
www.jawalnet.com.sa
ثم
تذهب إلى
الإعدادات التلقائيه==>تختار نوع الجهاز==>بعدن تظغط GO==>بعدين MMS
بعدها تضع رقم الجوال
00966وتكمل الرقم طبعا بدون الصفر الي في اول الرقم
يعني الجوال مثلا 05555الصفر لا يكتب
يطلع الرقم009665555
بعدها بتوصل لك رساله فيها ارقام احفظ الارقام واكتبها في الرسالة التثبيت

وبهذه الطريقه تم تفعيل الخدمه

سلامي للجميع

[aljassas]

تسلم اخوي الرمادي على الموضوع و الشرح . .

و نتمنى نشوف خدمات جديدة و مفيده للجميع . .

و بصراحة . . لاحظت شئ و انا مسافر للمنطقة الشرقية اليومين اللي فاتت . . في أحد المجمعات التجارية . . لقيت كاونتر و تجهيزات خاصة بشركة (موبايلي) اللي اهي اتحاد اتصالات و تقدم خدمات للعملاء . . لكن هالشئ ما شفته في الرياض ؟؟ أتمنى اللي شاف هالشئ في أحد مجمعات الرياض يقول لي عشان بروح اشوف الجديد و المفيد عندهم و أقدّم على رقم . .

أشكرك أخوي الرمادي . .

و تقبّل إحترامي
محمد الجساس

[Al_lezar]

السلام عليكم ورحمة الله وبركاته
الله يعطيك الف عافيه أخوي الرمادي على الموضوع و الشرح الرائع وماقصرت

[موزع البريد]

مشكور اخوي الرمادي على المعلومه لكن اخوي ما فهمت طريقة شرحك ياليت توضح لو تسمح

موزع البريد

[الرمادي]

يا هلا و غلا فيكم جميعا...

عزيزي محمد الجساس
إن شاء الله تقدر تحصل الي تبيه من ذا الموقع
http://www.mobily.com.sa/ar/media.htm

Al_lezar
شاكر مرورك و مشاركتك الموضع

أخوي موزع بريد
مثل ماشرحت أول فيه طريقتين لتفعيل الخدمه
الأولى انك ترسل لـ 902
و الثانيه تروح على موقع الجوال
أي الطريقتين ودك اشرحلك فيها

* للمعلوميه شباب : الخدمه مقدمه الأن مجانا فقط لموضفي شركة الأتصالات السعوديه
ولكل موظف عدد خمسة أرقام

[aljassas]

تسلم اخوي الرمادي . .