والله غبينه الي جالس يصير

[وادي السليكون]

وانا طالع منه قلت ياولد وراني ماأمر الارشيف اشوف رصيدي من الاجازات دخلت على موظف الارشيف وللامانه قمه في الادب اعطيته رقمي الوظيفي وشاف رصيدي وسالته وش مكتوب عندك شهادتي شاف الكمبيوتر وقال المتوسط قلت متاكد متوسط ؟؟ قال والله متوسط عرفت بعدها ان شهادة الثانويه من عشر سنوات ماضافوها المهم عطيته صور لها ومشيت اتفاجا بعد فترة شهرين ان فيه ناس مستخديمن اختبروهم عشان ير سمونهم بصراحه غبينه ياجماعه ليه كذا ؟؟
ليه يكذبون علينا عشان مانزاحم الناس الي يقربون لهم في الترسيم والله قهر !!

وين القرار الي يقولون عليه بينزل ولا نزل ؟؟


ليه في البريد كل شي بالدس ؟؟
ليه في القرارات الي تخص الغياب وضبط الدوام توصل لنا اول ناس والقرارات الي في صالحنا ماتجي الا في الوقت الضايع هاذا اذا جت ؟؟

تصدقون ياجماعه جانا خطاب عن دورات في البريد نهاية دوام يوم الاربعاء تدرون متى صادر صادر من يوم السبت والادهى والي يقهر انو من ضمن القرار ان اخر يوم تسلم فيه الاسماء الاربعاء ؟؟ كيف تعطيني قرار الاربعاء وتبيني ارد عليه في نفس اليوم ؟؟




غبينه وربي غبينه حبيت افضفض لاني بجد مقهور لان الضعيف والي ماله ظهر ماكول حقه ..


وهاذا مايمنع ان فيه كثير رجال اوفياء في البريد يشتغلون بكل امانه وصدق والحق عنده فوق كل واسطه ..






اخوكم / مسكين ماعنده واسطه ولا رسموه

مشكور اخوي الصناديق مساء على هذه المشاركه الصادقه و التي كتبتها بشكل عفوي ..ويشهد الله انك صادق فيما ذكرته اعلاه..

و السؤال موجه لشؤن الموظفين بمنطقة الرياض ..اين مؤهلاتنا التي رفعناها لكم ثلاث مرات في خلال سنه واحده..؟؟؟؟؟..ام انتم تعملون باخلاص فيما هو ضد الموظف و التهديد بالحسم من بدل السكن المولود المفقود و فصل هذ و نقل ذاك من الضعفاء و المساكين اما فيما يخصهم فأنكم بريئين منه براءة الذئب من دم يوسف ...يا بشر اما ان تطبق النظام بكامله على كلا الطرفين او يتم ايقاف العمل بالنظام الغير قادرين على تطبيقه على كلا الطرفين ... ...كنتم تبشرونا بالخيرات من كل صوب وحدب و جاءنا الفصل فجاءه من كل صوب و حدب....وغدا سوف يأتي النقل من كل صوب وحدب ..استعداد لصيد مجموعة لا باس منها لفصلهم للعام القادم وكل هذا من اجل ضبط سير العمل من قبل الموظفين الغير مخلصين و المحبطين للتطوير التحديث...

اخوي الصناديق مساء ...فيما يخص الترسيم الكل سوف يترسم و الخير في الطريق عليك الصبر فقط...و كل تأخيره فيها خيره...