امثـال من ايــام زمــان !!

**الـفـاهـم غـلـط** · 06-10-2005

على اد لحافك مد رجليك"

"الغاوي ينقط بطاقيته"

"قليل البخت يلاقي العضم في الكرشة"

جمل قصيرة لكن مليانه حكم

تراثنا مليان أمثال كتير

لكن بما ان انا من هواة كل ما هو قديم وكل ما يمت للتراث بصلة

فأنا فكرت افتح الموضوع دة للمناقشة عشان اللي يعرف امثال قديمة يبقى يكتبها

عشان نحتفظ في ذاكرتنا بالتراث دة ولانفرط فيه كدا

ويفضل حي جوانا، مش يتحول لذكرى ويطويه النسيان

في انتظار مشاركاتكم

**الـفـاهـم غـلـط** · 06-10-2005

فكرة جميلة .... الله انتوحتسبونيش وحدي لنحافظ على الماضي
ويحضرنى مثلين وأتخذهما قاعدة فى حياتى
الأول " ما يحكش جلدك الا ظفرك فتولى انت جميع أمرك " .....المثل دة مهم جدا فى حياة اى انسان وطبعا كلنا تعرضنا لموقف اعتمدنا فية على الاخرين ثم خذلونا ..و تمنينا لو قمنا بة بأنفسنا .

ألثانى " أصبر على جارك السو ..يا يرحل ..يا تجيلة مصيبة تشيلة "
ودة افتكر واضح ...حيث يدعو الى الصبر على المكاره

معقول كدا

**Baridi999** · 06-10-2005

الحبيب رعــــــــــــــــد اليريد

المثل الثاني فيه من العبر الشى الكثير في وقتنا الحاضر

المهم من يعتبر

وماننحرم منك
سيدي

**صامت عجيب** · 06-10-2005

بسم الله الرحمن الرحيم

السلام عليكم ورحمة الله وبركاته

كل الشكر اخي الفاهم ولي عودة ان اراد الله

**الـفـاهـم غـلـط** · 06-10-2005

حبيب قلبي بريد مشكور اخوي الفاهم غلط
جمعتلكم شوة كده امتال ويارب تعقبكم
عيشك يحلالي يا خالي .. ده من قلة بختي يابن اختي"

لو كانت بيضة الفرخة لقيَّه يبقى جوز البنت هدية" مثل حمواتي

"اللي تعوفه تعوزه"

"اللي ما تطيقش وشه يحوجك الزمن لقفاه"

"يا مستكتر الزمن أكتر"

خد م التل يختل"

"على ما تتكحل العمشة يكون السوق خرب"

"العيش مخبوز والميه في الكوز" تقال للضيف للدلالة على وجود الخير بالمنزل .

"إن كنتوا نسيتو اللي جرى هاتوا الدفاتر تنقرا"

"اللي خدته القرعة تاخده أم شعر"

من كتر بناتنا ناسبنا الكلاب" مصاريه اخرزمن

وكفاية عليكم كده النهار ده

**إداري** · 06-10-2005

[align=center]بسم الله الرحمن الرحيم

مشكور أيها الفاهم غلط على ما تقوم به من جهدٍ مميز بارك الله فيك

تحياتي لكم
إداري
marhba@saudipostal.com[/align]

**الـفـاهـم غـلـط** · 06-12-2005

موضوعي عجبني اوي وانا بما اني بحب التخصص في كل حاجه حبيت اليوم اشارك بامثال عن
القطط

- ان غاب القط العب يافار

- القط مايحبش الا خناقه :?

- زي القطط تاكل وتنكر

- تجيب في سيره القط يجيلك ينط

- ولا اي اي ولا كل قط يتقاله يامشمش

- الي يلعب مع القط يتحمل خرابيشه :

كفايه كده؟؟

حبيب ألبي صامت عقيب مشكورومستناك

متتأخرشي عليا كتير اوي

**wizard** · 06-12-2005

كتب

"يا مستكتر الزمن أكتر"

"عيشك يحلالي يا خالي .. ده من قلة بختي يابن اختي"

[grade="00008B FF6347 008000 4B0082"]مش فاهم معنى الاتنين دول
حد يفهمنى يقماعه[/grade]

**الـفـاهـم غـلـط** · 06-12-2005

الشرح :

"يا مستكتر الزمن أكتر"
يعني لما ربنا يرزقك بفلوس ما تستكرهاش وتقول ده أنا بقى معايا فلوس كتير ، لأنك ما تضمنش ح يحصل إيه بكره ، فلازم تعمل حساب الأيام مهما كان عندك .

"عيشك يحلالي يا خالي .."
لأن ابن الأخت دايماً تلاقيه مرتبط بخاله وبيحبه ، لأن الخال والد زي ما قلنا ، فدائماً ياكل عند خاله ، وبالتالي بيقول له "عيشك يحلالي يا خالي" يقوم يرد عليه الخال ويقول له (ده من قلة بختي يا ابن أختي" لأنه مستلمه في الرايحة والجاية ياكل عنده .

**Baridi999** · 06-13-2005

مع التقدير والإعتذار( للغالي الفاهم غلط) وأسف مكانك في القلب

وكلكم عينين في الرأس إنت وأخونا رعد البريد

الله يعطيك العافيه
تحياتي

**m-a-albarqi** · 06-13-2005

اخى

تسلم رائع

**الـفـاهـم غـلـط** · 06-13-2005

مع التقدير والإعتذار( للغالي الفاهم غلط) وأسف مكانك في القلب

وكلكم عينين في الرأس إنت وأخونا رعد البريد

عينيا يا جميل بس كده بسيطه اوي انت تأمر
اتشرف بمعرفتك

طيب ماهوانارعدالبريد زات نفسه

اخاك
الفاهم غلط

امزح لاحد يصدق

**الـفـاهـم غـلـط** · 06-13-2005

امثال تانيه اهي

نهيتك ماانتهيت والطبع فيك غالب ديل الكلب عمره مايتعدل لو علقوه بقالب

ايش جاب ل جاب الشبشب للقبقاب

زي الجرس على قفا حماره كل ماحركت الحماره قفاها الجرس يضرب (بيتقال عن الشخص الثرثار) زيي كده

زرعنا لو طلع ياريت ( مثل شامي)

قالوا للحرامي احلف قال جالك الفرج

لا تغلط فيا ولا اغلط فيك بكره ربنا يبتليك يسخطك قرد واسرح بيك

يموت العجل وله حكة فى الصدود
المنحوس منحوس ولو علقه على راسه فانوس
وأهل الشقا للشقا يارب شقيهم راحو يجيبو الهنا عتر الشقا فيهم

جت الحزينه تفرح ملقتلهاش مطرح

ضربوا الاعور على عينه قال خسرانه خسرانه
يا وارث مين يورثك

بيحسدوا الغجر على ضل الشجر

كله سلف ودين حتى المشي على الرجلين

زرعنا لو طلع ياريت

بمعنى لما الواحد يبقى مستني حاجه وواثق اوي وضامن انها تحصل وماتحصلش ويتحسر عليها

ان كان حبيبك عسل ما تلحسوش كله
ان كان لك عند الكلب حاجة قوله يامديري

جت الحزينة تفرح ما لقيتلهاش مطرح

اللي يخاف من العفريت يطلعله
اقرع ونزهي

علمنهاهم الشحاته سبقونا ع الابواب

بيبيعو الميه في حارة السقايين :?

يا مامنه للرجال يا ممنة للميه في الغربال

كفايه كدة النهاردة على ما ابقى افتكر تاني

**بريدي** · 06-13-2005

السلام عليكم ورحمة الله وبركاته
لما تنشف البكه تبان ضفادعه ههههههههههههههههههههههههههههههههه

**wizard** · 06-13-2005

[grade="00008B FF6347 008000 4B0082"]ايه ده ياخال'ااااا
انت عملت موضوع من انتاجكك من ورايا..... بقه كده يا فاهمااااا يهون عليك العيش والملح ..لكن ايا كان هشارك برضه

لما تكون واحده رزقها في الجمال قليل ( وانا بقول رزقها في الجمال قليل لانه ما ينفعش نقول واحده وحشه لانه بصراحه بحس انه حرام لان دي خلقه ربنا ) تلاقوها كل ما تكلم تكلم عن جمال واحده قريبتها او صحبتها يقولوا في دي
::::::::::القرعه تتباهي بشعر بنت اختها:::::::::::::

لما واحد يكون محلتوش حاجه يعني زي ما بيقولوا ع الحديده ويجي واحد يقوله هبيعك لي وراك ولي ادامك يقولوا في دي
::::::::: ال ضبروا الاعور علي عينه قال ماهي خربانه خربانه :::::::::::::::

لما يكون واحد ماعندوش زمه ولا ضمير وييجم يدوه مثلا امانه او يبقي حارس علي مال مش محسوب
:::::::::: سلاموا لاقط مفتاح الكرار :::::::::::::::::

وفي مثل جميل اوي سمعته ده لما بيكون واحد كل ما يبعته مثلا اهله يشتري حاجه وعمره ما جاب حاجه عدله
تلاقيهم يقولوا
::::::::::: الحاجه تقول نيني نيني لحد ما فلان يشتريني :::::::::::::::

[/grade]

آخر المشاركات

الموضوع: امثـال من ايــام زمــان !!

أدوات الموضوع

عرض

امثـال من ايــام زمــان !!

من مواضيع الـفـاهـم غـلـط :

من مواضيع الـفـاهـم غـلـط :

من مواضيع Baridi999 :

من مواضيع صامت عجيب :

من مواضيع الـفـاهـم غـلـط :

من مواضيع إداري :

من مواضيع الـفـاهـم غـلـط :

من مواضيع wizard :

من مواضيع الـفـاهـم غـلـط :

من مواضيع Baridi999 :

من مواضيع m-a-albarqi :

من مواضيع الـفـاهـم غـلـط :

من مواضيع الـفـاهـم غـلـط :

من مواضيع بريدي :

من مواضيع wizard :

معلومات الموضوع

الأعضاء الذين يشاهدون هذا الموضوع

ضوابط المشاركة

تعرف علينا

روابط تهمك

تابعنا

للتواصل معنا