أني مودعكم

[ابو شوشه]

السلام عليكم ورحمة الله وبركاته

لقد انتظرت توديعكم حتى هذه الساعة المتأخرة من الليل لكي أودعكم



أخواني وأخواتي

أودع المنتدى وكلي




أسف


وأسى



وحزن



لعلكم تتسألون

عن أسباب توديعي للمنتدى



حقيقة كنت أنوى الاحتفاظ بهذه الأسباب لنفسي



ولكن حتى لا يعتقد انه بسبب أمور لا يمكن تجنبها في هذا المنتدى




عليه أجد نفسي مضطر لذكر سبب جوهري واحد من الأسباب لعله يقنعكم مع اعتذاري



المسبق للقائمين على هذا المنتدى


السبب وهو




أبروح أفرش سنوني وأحاول أنام معاد إلا خير على الفجر وأشوفكم بكره إن شاء الله على خير


من الي فرح ؟
ومن الي انجرح ؟
ومن الي ما صدق ؟
ومن الي ما جاب خبري ؟

تصبحون علي خير

[رحال]

اقول كيف حاااالك انت طيب ..

وشهو عشاااك اليوم ... لا تقول مرقوق ..

لك معزه يااابوشوشه .. عموماً

نوم الهنااااء ..

ومره ثااانيه .. كيف الحااال ..

احترااامي ..

رحـــــــــــــااال..

[خالد ابراهيم]

الله يحفظك ابوشوشة ومع السلامة .

[افضل اختيار]

يالله صباح خير

اول ما ادخل على المنتدى اقرأ هالعنوان ,,,,, اني مودعكم ,, وفي ملتقى الاعضاء ,, ومن مين من ابو شوشه ,, يالله وش السالفه وش جاه يومه بيودعنا وبيودع هالمنتدى بذا السهوله .

ابو شوشه ارجو انك تراجع نفسك ,, وتفكر قبل ما تودعنا ,, ترى الوداع صعب ,, وما فيه اقسى من الفراق
المنتدى بحاجتك يابو شوشه ,, تعوذ من الشيطان ,, ولا تتركنا .
^
^
^
شرايك في الكلام الي قلته يقطع القلب صح ؟
عاد لو اني منك اصدق نفسي واترك المنتدى صدق ...,,... ( امزح ) ما نستغني عنك يابو شوشه .

يعطيك العافيه على هالمزحه الي مالها داعي من الصبح
روعتنا

[ابو شوشه]

اقول كيف حاااالك انت طيب ..

الحمد الله بخير عساك بخير انت كيفك

وشهو عشاااك اليوم ... لا تقول مرقوق ..

ابشرك صيخ تونه يحبه قلبك



الله يسلمك اخوي رحااال هذا ان دل دل على حسن معاملتك

<======= ضيع ايش الهرجه

الله لا يفقد لك عزيز

ومتى السلف

والمره الثانيه انا طيب

<====== على باله ما فهمها

تحياتي يا الغالي رحااال

[ابو شوشه]

الله يحفظك ابوشوشة ومع السلامة .

ويحفظك ان شاء الله
والله يسلمك من كل شر

[ابو شوشه]

يالله صباح خير

اول ما ادخل على المنتدى اقرأ هالعنوان ,,,,, اني مودعكم ,, وفي ملتقى الاعضاء ,, ومن مين من ابو شوشه ,, يالله وش السالفه وش جاه يومه بيودعنا وبيودع هالمنتدى بذا السهوله .

هههههههههههههه الله لا يجيب الوداع بين الاحباب

انتم اخواني بس تعرف حبيت اقولك تصبحون على خير للان جاني النوم ودخت

ابو شوشه ارجو انك تراجع نفسك ,, وتفكر قبل ما تودعنا ,, ترى الوداع صعب ,, وما فيه اقسى من الفراق
المنتدى بحاجتك يابو شوشه ,, تعوذ من الشيطان ,, ولا تتركنا .

تبي الصراحه تاثرت ياخي شوي وبغت عيني تذرف دمعها

<==== قلبه رهيبف تقول قرصان


اشكرك اخوي افضل اختيار على محبتك لي

بصرحه تاثرت بكلامك العاطفي

وش رايك اسويها شكل واجد يبون يفرحون

وش رايك نسوي تصويت بالشي هذا
لا يسعني في المقام هذا الا ان اشكركم فردا فردا
واشكر كذلك الاخوان الي شطفو على الموضوع وتحمدو ربهم على العقل

[وادي السليكون]

علشان كذا شركة الكهرباء عرفوالوقت اللي تنام فيه وقامو يطفون الكهرب على كل حارتكم.......

[ابو شوشه]

علشان كذا شركة الكهرباء عرفوالوقت اللي تنام فيه وقامو يطفون الكهرب على كل حارتكم.......

هههههههههههههههههههههههههه

بس اهم شي صارو جيرااان على ما اعتقد

[ابو عدنان]

لالالالالاللالالالالا

مو معقول

حتّى للنّوم مافيه وداع

بس قل (( باسمك اللّهمّ أموت وأحيى ))

خلّ عنك الوداع والتّونة الّي ذابحتك الضّاهر أن فصيلة دمك A تونة

اللّه لا يجيب الوداع يابو تونة اا قصد ابو شوشة

[إداري]

بسم الله الرحمن الرحيم

الله يسامحك عزيزي ( ابو شوشه ) والله أني صدقتك من جد .. !!
روح فرش أسنانك والله يقويك

تحياتي لكم
إداري

[دبدوب]

الله يقويك واذا ماعندك فرشة اسناة والمعجون خلص
بلاها تنظيف أسنان وروح نام من غير تفريش
مسموح لك اليوم
اهم شي بكرة ترجع لنا بكرة بمواضيع جديدة وشيقة
تصبح على خير

[ابو شوشه]

لالالالالاللالالالالا

مو معقول

حتّى للنّوم مافيه وداع

بس قل (( باسمك اللّهمّ أموت وأحيى ))

خلّ عنك الوداع والتّونة الّي ذابحتك الضّاهر أن فصيلة دمك A تونة

اللّه لا يجيب الوداع يابو تونة اا قصد ابو شوشة

الا معقوله ليش مو معقوله

ابو عدنان قاطعه قلب التونه ايه هين اعطيك

وبعدين وش فيها التون الي ما قد اكل تونه وكاس فمتو في طفولته

نقوله راااحت طفولتك وانت ما استمتعت فيهاا

على ما اعتقد انه يمديه يلحك على التونه
ههههههههههههه

تصبح على خير ابو عدنا حاجه غرض شي والا شيات

ترى حنى في الخدمه اتصل نصل واشحن

هههههه

[ابو شوشه]

بسم الله الرحمن الرحيم

الله يسامحك عزيزي ( ابو شوشه ) والله أني صدقتك من جد .. !!
روح فرش أسنانك والله يقويك

تحياتي لكم
إداري

الله يسلمك اكيدفرح صح

عارف تبون الفكه مني بس ما ني طالع ابي اقعد

وبعدين كيف اطلع وانا ما معي جواز

ما ادري هل التامين شامل الاسنان

[ابو شوشه]

الله يقويك واذا ماعندك فرشة اسناة والمعجون خلص
بلاها تنظيف أسنان وروح نام من غير تفريش
مسموح لك اليوم
اهم شي بكرة ترجع لنا بكرة بمواضيع جديدة وشيقة
تصبح على خير

ايه كان عندك فرشات زايده ياليت ترسلها لي عبر واصل

المشكله اذا ما فرشت اسناني ما اعرف اكتب وامخمخ على المواضيع

اخاف اكتب موضوع جاد ورسمي

وبعدين وش يردني

وانت من اهل الخير