طيور الراشد _ الرجاء الدخول لمن فوق ال18

[افضل اختيار]

الرجاء الي عمره اقل من 18 لا يقرب والا يروح يجيب ورقه من ولي امره . وكذلك الحال بالنسبة للجنس اللطيف .

^
^
^
كانت عقارب الساعة تشير الى التاسعة مساء من يوم خميس سابق , عندما أقبلت على مبنى مجمع الراشد التجاري بسبب موعد مسبق مع مجموعة من الزكرتية اللي حالفين أنهم مايتعشون ألا في مطاعم الراشد ( مساكين ما يقدرون يختون.. لأسباب ...والا ما يحتاج ) ...البوابة مليانة من الشباب اللي يبون يدخلون ,, ! والسكرتية لاهين كل شوي لاقطين لهم واحد وهات مفاهمات .


يوم دخلت السوق واخذت نفس عميق يوم ..بغى يغمى علي من ذا البراد اللي في السوق!! تماسكت وأستجمعت قواي الجسدية وبديت رحلة البحث عن المطاعم>>>>قروي اول مرة يدخل السوق .

المشكلة اني معاد ودي القاهم لاني خابر المطاعم مافيها الا أكل وأقضب الباب ..! وانا الحين أحس براحة نفسية مع شعور بالرغبة في الضحك المتواصل

من يومي صغير وأنا أحب الاشياء الحلوة... كل شي فية نوع من الجاذبية تلقاني أزاود علية الين آخذة >>>>> منتب عاقل يالبلوي .

وصلت المطعم ولقيت ربعي قاعدين على طاولة في موقع أستراتيجي (على ثلاثة شوارع) وكل واحد(ن) مطمن راسة ويناظر جوالة بخشوع وأنصات مع توزيع أبتسامة لشاشة الجوال تعبيرآ عن علامات الرضى لقبول الرسالة >>>>> والله لوها مذاكرة مافتحوا الكتاب . ( تأثير سادس جيم مازال طاغي ) .



قلت السلام عليكم .. ماردوا علي !
أشر لي واحد قال أقعد خل السلام بعدين ..! قلت طيب >>>>حبيب على نياتة

قلت كيف الحال ياشباب عساكم بخير..ماردوا علي !

قام اللي أشر لي وقال خل الحتسي بعدين ! قلت ياخوي ماصارت جايين نسولف ولانسكت .. >>>برضوا للحين حبيب وعلى نياتة

قال ترى هذا نظامنا اذا جاء العشاء قعدنا نآكل ونسولف ..أما الوقت اللي مافية أكل وشرب تلفت يمين ويسار وانت ساكت عاجبك النظام والاخذ لك فرة في السوق >>>>>باحل(ن) بعمرة جوالة فيصلية مكسورة شاشته..no blototh احلى يالفرنسي ..

صراحة سكت وقعدت أتفرج على الرايح والجاي وأناظر أخوياي وأحس أن كل واحد منهم يتصرف تصرفات غريبة .. عندك مثلأ واحد منهم يضحك وهو مايكلم أحد! وأنا أقول وشفية عسى ما أنهبل ..! (أثري برئ... الخبيث يناظر لة بنت ويتميلح عندها ويضحك وأنا ياغافل لك الله أحسبة أنهبل ولا مستانس مثلي)

والثاني منشب(ن) السماعة في أذنة ومن يوم قعدنا وهو يرضع رضاعة غير طبيعية ..!(صورة بزر منسدح يمص رضاعتة)

والثالث كل شوي طامر(ن) من الكرسي عشان ياخذ لفة على المحلات ليا فية طيور ضايعة يبي ينفرد بالصيد لحالة.. (وهذا نوع من غزل الاولين) غير محبب الآن عند كثير من الشباب والصبايا . ( مهوب عاقل اللبناني) .



عمومآ الاجواء كانت صاخبة وجميلة لأن الحسناوات يحظرون ويتدفقون بشكل متواصل على هذا المجمع منذو وقت مبكر...يعني لامجال للحتسي اللي مالة لزوم ولامجال للحزن وأنت تشاهد هذة الجموع الكبيرة من الجنس اللطيف>>>>قلب يوسف سيف

يقولون اللي مايغار مهوب رجال !!
اقعد

وأنا رجال(ن) فيني غيرة ..قلت في نفسي الحين ذا هو وكشرتة أزين مني في أيش ! وقعدت أحدث نفسي وأحاورها في عملية أنتحارية ودي أسويها ....!


قمت من الطاولة وقلت عن أذنكم ودي أمشي !
ماردوا علي ..


مشيت وانا كل ليلة قدامي البرواز>>>> ودة يبتسي من القهر


يوم جيت عند البوابة والقى الزحمة نفسها ماتغيرت بس اللي تغير أن الزحمة زحمة بنات يحترون السواويق يجونهم! وقفت في الزحمة وأناظر بنتين يطالعون فيني ويضحكون ..قلت بس هاذولي اللي أبرد فيهم على المشككين وأثبت لهم أن الكبير كبير حتى لو مهوب زين ..!


قلت كيف الحال .. كل هالزين وواقفين في الشارع..علي ال........ أن أوصلكم ولا ابي منكم ولا ريال >>>> شرايكم في الاسلوب .


قالوا لا لا مالة داعي اللة يسلمك ماتقصر..(يبون الفكة) قلت أجل أبحتريكم لين تركبون وأبلحقكم بالسيارة لين تدخلون بيتكم عشان أتطمن عليكم ..!>>>> طول عمري راعي واجب .


قالوا لا أسترح وشولة تكلف على عمرك ابد مايحتاج عطنا رقمك وبندق عليك اذا وصلنا نطمنك !

ضحكت ضحكة فيها نوع من الخبث الفكري ( عبارة طلعت معي مدري وش معناها ) بس قويه . صح ؟ .

المهم في النهاية ركبت سيارتي وشغلت راشد ".." يامرحبا يامغلط في تيلفوني مسموح مسموح والغلطات عفوية .. ونسيت ربعي ونسيت العشا ونسيت غرشة المويه على الطاوله دافع فيها ريالين .... جعل الي يشربها يحله بطنه .




الفايدة من روحتي للراشد :

1- نزلة معوية حادة بسبب أكل المطعم .
2- تشتت الذهن والسرحان وعدم النوم ليلآ .
3- اذا دق جواالي تسني مبشر بولد (ولكن لاحياة لمن تنادي) . يمكن اني عطيتهم الرقم غلط .
4- أحساس عاطفي غير مسبوق . وقلب يدق بسرعة مع كل رنة جوال .
5- ناوي اشتري جوال يبلتث اللي في السعيره , اذا نزل بدل السكن .
6- ساعات الواحد يحب يستخف دمه كثير .
7- اول كان قلبي يدق بسرعه اذا رن التلفون علشان بدل السكن بالذات الصبح والحين صار حتى بالليل ( مسكين ياقلبي ) .
8- برضه ساعات الواحد يحب يستخف دمه كثير .
9- بعض المجمعات لازم يشوفون لها حل , يا يكثرون الهيئة يا يكثرون الهيئة .
10- ترى الي فوق قصه من وحي الخيال ,, لا يجيني واحد بكره ويقول عني ( سريبيت ) بس حبيت اوصف حالة الكثير من الشباب .
11- الاخوان المشرفين ترى عيوني احولت وانا اكتب هالموضوع ,,, زين ,,, ( الله يضيع مساحاتكم ) .

تحياتي ...

[الغامض]

الأخ العزيز / افضل أختيار
السلام عليكم ورحمة الله وبركاته

في بداية تصفح الموضوع كان الأمر عادي عندي حتى وصلت اى قمت من الطاولة وعيشتني بصحبة الأندماج 0

حقيقة تستحق الأبداع وتستحق ديوان مطبوع (( يحتوي على هذه القصة الرائعه ولهذه الرحلة التي تعايشت مع حقيقة

واقعنا 0

أستمر على هذا الأتجاة فأنت رائع بكل ماتعنية هذه الكلمة من معنى 0 أتمنى لك التوفيق 00

أخـــــــــــــــــــــــــــــــــوك 0
(((((((((((( ا لــــــــــغــــــــــا مـــــــــض ))))))))))))
4 / 4 / 2007م

[شـفاف]

سلام عليكم يا أهل الغزل

هذه المرة أسئت الاختيار , وبختصار ما هي الفائدة التي نجنيها من هذا الحوار , لك القرار !

[مشخـبط]

السلام عليكم ورحمة الله وبركاته

أولاً شخبطك هنا خلت عيوني تحول , فسمحت حق نفسي أني اشخبط زي ما شخبط وخرف غيري وخلط بين الابداع الادبي وبين المراهقة المتأخرة , شخبطتك حلوه مره بس ما تنقال الا في القهاوي والديوانيات مش في المنتدى يالحبيب

الدواوين لا تدون الا لكبار الكتاب التي لمعت اسمائهم مع لمعت شخبطتهم لكن يبدوا أن الزيت إذا انخلط مع الماء أصبح فكر مراهق في الخمسين ويرى كل تصرفاته صحيح تحت مظلت الانماط الادبية ولكن لا حرج لمن اختلط عليه . . .

احبك في الله أفضل أختيار

[افضل اختيار]

الأخ العزيز / افضل أختيار
السلام عليكم ورحمة الله وبركاته

في بداية تصفح الموضوع كان الأمر عادي عندي حتى وصلت اى قمت من الطاولة وعيشتني بصحبة الأندماج 0

حقيقة تستحق الأبداع وتستحق ديوان مطبوع (( يحتوي على هذه القصة الرائعه ولهذه الرحلة التي تعايشت مع حقيقة

واقعنا 0

أستمر على هذا الأتجاة فأنت رائع بكل ماتعنية هذه الكلمة من معنى 0 أتمنى لك التوفيق 00

أخـــــــــــــــــــــــــــــــــوك 0
(((((((((((( ا لــــــــــغــــــــــا مـــــــــض ))))))))))))
4 / 4 / 2007م

اخي العزيز

شاكر لك هالاطراء

نور موضوعي بمرورك

تحياتي

[افضل اختيار]

اخوي العزيز شفاف

حياك الله ,, وشاكر لك مرورك ,, اذا انت ما تشوف فايده في الموضوع فأعتقد غيرك يمكن يستفيد .
وانا حبيت اسلط الضوء على ضاهره اعتقد انها تمس شبابنا وبناتنا وانبه لبعض الافعال الغير لائقة التي تحدث في المجمعات التجاريه ,, ولكن بأسلوب سهل وبسيط بعيد عن الفلسفه ,, ارجوا ان تكون قد وصلت الفكره .

تحياتي لك

[افضل اختيار]

السلام عليكم ورحمة الله وبركاته

أولاً شخبطك هنا خلت عيوني تحول , فسمحت حق نفسي أني اشخبط زي ما شخبط وخرف غيري وخلط بين الابداع الادبي وبين المراهقة المتأخرة , شخبطتك حلوه مره بس ما تنقال الا في القهاوي والديوانيات مش في المنتدى يالحبيب

الدواوين لا تدون الا لكبار الكتاب التي لمعت اسمائهم مع لمعت شخبطتهم لكن يبدوا أن الزيت إذا انخلط مع الماء أصبح فكر مراهق في الخمسين ويرى كل تصرفاته صحيح تحت مظلت الانماط الادبية ولكن لا حرج لمن اختلط عليه . . .

احبك في الله أفضل أختيار

وجهة نظر احترمها اخوي مشخبط

واقدم لك اعتذاري اذا كان موضوعي ازعجك

بس اعتقد ان فيه غيرك راح يعجبهم الموضوع

فأرجو انك ماتصادر هالحق منهم ,, لآنك ضد اسلوبي في صياغة هذا الموضوع او لأن الموضوع ما عجبك .

( ارجو انك ترجع لردي السابق وانت بتعرف المغزى من هالقصة )

اما مسألة القهاوي والديوانيات فلا تعليق .


احبك الله الذي احببتني فيه .

[الغامض]

السلام عليكم ورحمة الله وبركاته

أولاً شخبطك هنا خلت عيوني تحول , فسمحت حق نفسي أني اشخبط زي ما شخبط وخرف غيري وخلط بين الابداع الادبي وبين المراهقة المتأخرة , شخبطتك حلوه مره بس ما تنقال الا في القهاوي والديوانيات مش في المنتدى يالحبيب

الدواوين لا تدون الا لكبار الكتاب التي لمعت اسمائهم مع لمعت شخبطتهم لكن يبدوا أن الزيت إذا انخلط مع الماء أصبح فكر مراهق في الخمسين ويرى كل تصرفاته صحيح تحت مظلت الانماط الادبية ولكن لا حرج لمن اختلط عليه . . .

احبك في الله أفضل أختيار

الاخ / مشخبط 00

لاتبتعد كثيراً فقد تدمر مفهومك بمعاني وكلمات هي بعيدة كل البعد عن واقع الحال الذي يعايشه المجتمع الحالي 0

ربما أكون على صواب وربما أكون مخطئاً وقبل التحليل الجوهري بين الصواب والخطاء 0 لابد من أن أرد على حروفك

وحسب تصوري وما أعرفة0000000

أولاً :0
لو كانت الدواوين لاتدون الا لكبار الكتاب حسب رأيك 0 لأاقفلت الكثير من المطابع والمكتبات لأن الكتاب الكبار يعدون
على رؤوس الأصابع 0والديوان عزيزي لايطبع لكبار الكتاب الا من خلال مبالغ طائلة يدفعها الكاتب أذاً كبار الكتاب لم تصنع لهم كتاباتهم شيئ بقدر ماصنعت لم جيوبهم الشيئ المستحيل . أذا أخي مشخبط لو شخبطت على مسار الحروف الهجائية بكلمات لامعنى لها ولا أتجاة وذهبت بها الى المطبعه وطلبت طباعة مليون كتيب لأستقبلوك بالشاي والقهوة لكي يتم التفاوض على التكلفة الأجمالية ندرك هنا بأن الطباعه للدواوين أهدافها مادية 0
وكم من 0
ثانيا :0
المكتبات لم تفتح أبوابها لدواوين الكتاب 00 وكم من الدواوين التي أتلفت لعدم قبولها أو الأقبال عليها وكم من الدواوين في أختلاف الأهداف والمواضيع تجمدت داخل المكتبات اذاً لابد أن ندرك حقيقة الأبداع ويجب أن نستوعب معنى المثل القاءل (( لولا أختلاف الأذواق لبارت السلع )) 00

ثانياً :0
أختلاط الماء بالزيت وحسب أعتقادي الشخصي أرحم من التخلف وأنعكاس الحروف 0
أنتهى؟؟؟؟؟؟؟؟؟؟؟؟؟؟؟؟

إضاءة 0 أخي أفضل أختيار روعة الأبداع وقلم حروفه تختلف في مسارها أخي مسارها رونق خاص لك تقديري 0

(((((((((((( ا لــــــــــغــــــــــا مــــــــــض ))))))))))))
4 / 4 / 2007م

[وادي السليكون]

و الله يا افضل اختيار اول ما قريت الموضوع وشفت فيه مواعيد و مغازله...رجعت اقراء اسمك زين خابرك عاقل0ورجال تكانه00 قلت الرجال ما عطوه بدل السكن و انهبل 00 وقعد يغازل في اسواق الراشد 00 لا حول ولا قوة الا بالله0 لين خلصت الموضوع فوجدتك كماعهدتك عاقلا...00وقد اندمجت مع الموضوع....اشكرك جزيل الشكر على هذا الاسلوب الرائع في الطرح((((<<<>>>>))))

[افضل اختيار]

لو شخبطت على مسار الحروف الهجائية بكلمات لامعنى لها ولا أتجاة وذهبت بها الى المطبعه وطلبت طباعة مليون كتيب لأستقبلوك بالشاي والقهوة لكي يتم التفاوض على التكلفة الأجمالية

اخي العزيز ........ الغامض ...........

شكراً لك

[افضل اختيار]

وادي السليكون

شكراً لك ولآطرائك

وكان الواحد اذا انهبل بيقوم يغااااازل

فيازين ذا لهبال

( امزح )

[ابو شوشه]

الرجاء الي عمره اقل من 18 لا يقرب والا يروح يجيب ورقه من ولي امره . وكذلك الحال بالنسبة للجنس اللطيف .

ابشرك انا تعديت العمر الحمد الله يعني اخش

( مساكين ما يقدرون يختون.. لأسباب ...والا ما يحتاج )

ههههههههههه انا ختيت هيهيهااااااهيه

وبديت رحلة البحث عن المطاعم

انا اخبره في الدور الثاني عسى ما نقلوه تكفى تراني ما ادل زين

من يومي صغير وأنا أحب الاشياء الحلوة...

مثلي بس انا استمرت معي

مطمن راسة ويناظر جوالة بخشوع وأنصات مع توزيع أبتسامة لشاشة الجوال تعبيرآ عن علامات الرضى لقبول الرسالة

<==== واحد منهم هذا قبله من الخجل ما شاء الله عليه مطمن راسه

أما الوقت اللي مافية أكل وشرب تلفت يمين ويسار وانت ساكت عاجبك النظام والاخذ لك فرة في السوق

ايه السولف تقطع حبل الافكار وكيفيه الارسال واختيار البلوتوث الزين

باحل(ن) بعمرة جوالة فيصلية مكسورة شاشته

هههههههههههههههههههههه ايه حسيت انه انا انت وخاصه بالحسي

واحد منهم يضحك وهو مايكلم أحد! وأنا أقول وشفية عسى ما أنهبل ..! (أثري برئ... الخبيث يناظر لة بنت ويتميلح عندها ويضحك

ودي اسوي مثلهم بس ابي اشوف هههههههههههه يمدحون البلتثه

والثالث كل شوي طامر(ن) من الكرسي عشان ياخذ لفة على المحلات ليا فية طيور ضايعة يبي ينفرد بالصيد لحالة..

ايه يا الله حسن الخاتمه الله يذكر ايام الغوص

عمومآ الاجواء كانت صاخبة وجميلة لأن الحسناوات يحظرون ويتدفقون بشكل متواصل على هذا المجمع منذو وقت مبكر

الله يهديك ورى ما علمتني كان اجيك طاير بالددسن

يقولون اللي مايغار مهوب رجال !!
اقعد

انحششششششششششششششششش

وأنا رجال(ن) فيني غيرة ..قلت في نفسي الحين ذا هو وكشرتة أزين مني في أيش !

ايه بلاك ما تعرف فايده الكرشه ( فاصله ) ايه عشان معي جوال الفارس

<======= يا حبيلك والله

ضحكت ضحكة فيها نوع من الخبث الفكري ( عبارة طلعت معي مدري وش معناها ) بس قويه . صح ؟ .

كذا الضحكه
نيهاااااانيهااااااانهيااااااااححححح احم

ما عليش كحيت وسط الضحكه فيه احد نظلني

المهم في النهاية ركبت سيارتي وشغلت راشد ".." يامرحبا يامغلط في تيلفوني مسموح مسموح والغلطات عفوية

اجل ما سمعت الي يقول ( وش علام الخط قولي يا الهنوف اتصل دايم ولا احد(ن) يرفعها )

جعل الي يشربها يحله بطنه

دعوتك وصلت شفه راح لمستشفى سعد غسيل معده

الفايدة من روحتي للراشد :

ايه نبي الزبده

1- نزلة معوية حادة بسبب أكل المطعم .

صحيح عليك باكل الشاورمه وكثر الماينيز وحاول يتخللها كتشب

2- تشتت الذهن والسرحان وعدم النوم ليلآ .

وش الي خلا حبوب الشباب تطلع في خشمي

3- اذا دق جواالي تسني مبشر بولد (ولكن لاحياة لمن تنادي) . يمكن اني عطيتهم الرقم غلط .

قايلك انت ما تعرف كان اتصلت علي

4- أحساس عاطفي غير مسبوق . وقلب يدق بسرعة مع كل رنة جوال .

ايه والله يا كثر الحاله هذي اليومين وخاصه اياام الاختباراات

5- ناوي اشتري جوال يبلتث اللي في السعيره , اذا نزل بدل السكن .

ايه علمين عشان نروح سوى نطقم جوالات وابي فعد فيه الجيل الثالث عشان اشوف

6- ساعات الواحد يحب يستخف دمه كثير .

احلا شي في الكون وهذا ان دل دل على حسن المضهر

<==== والله انك من جنبها يا ابو شوشه

7- اول كان قلبي يدق بسرعه اذا رن التلفون علشان بدل السكن بالذات الصبح والحين صار حتى بالليل ( مسكين ياقلبي ) .

ايه والله شرحك سرى ويا قلب لا تحزن

ريم رماااني تو وانا على مركااااي واشعل بقلبي ضو .... الي الخ ( يا حبي للجمله هذي )

8- برضه ساعات الواحد يحب يستخف دمه كثير .

ايه على حسب الي يقراء بس لا يكون ماصل ( الماصل عباره عن شخص غثيث ما خوذه من النفسيه )

9- بعض المجمعات لازم يشوفون لها حل , يا يكثرون الهيئة يا يكثرون الهيئة .

شفهم عندنا في الرياض الله يعزهم مضبطين الوضع

1

0- ترى الي فوق قصه من وحي الخيال ,, لا يجيني واحد بكره ويقول عني ( سريبيت ) بس حبيت اوصف حالة الكثير من الشباب .

ايه مثلك انا في ردي بس حبيت اداعب الموضوع

ويا زين الموضوع احس اني ودي اروح اتعطر والبس ثوبي

واطق القلاب ولا يردني الا الفيصلي اشتري صامولي كبده

11- الاخوان المشرفين ترى عيوني احولت وانا اكتب هالموضوع ,,, زين ,,, ( الله يضيع مساحاتكم ) .

ايه وحتى انا عيوني واصيبعاااتي تعبت من كثر النسخ والرد والتضليل ما بقى شي الا سويته

وبعدين ما سويت شي السبب هو والله هو , انا بس جاي ادور ساعتي

الا ماااشفتوهاااا طااايحه

ووووووووووووووووووه تعبت

[افضل اختيار]

ابو شوشه

نور الموضوع

اسعدني مرورك وتعليقاتك

بس

صامولي كبده

شلون يعني



تحياتي لك

[ابو شوشه]

انا اعلمك وش لون

طال عمرك تروح للاقرب بوفيه وتقوله يا راااعي الدكااان عطني ساندوش كبده

والساندوش عباره عن خبزه اصطوانيه الشكله في داخلها عجين منتفخ من كثر الخميره

وبعدين يجي راعي الدكااان ويفتح بطن الخبزه ويحط فيه اربع قطع كبده والباقي بصل ويرش عليها مويه الكبده

وياا حبذا تحط عليها شطه

ياااااااااااسلام يا لذيذ يا رااايق الي هو سفن اب بس انا ما احبه احب الببسي

هههههههههههه

الحين عرفت الصامولي والا اجيب لك صوره توضيحيه وانا اكل الصامولي

[افضل اختيار]

^
^
^
^
الحين يابوشوشه

تروح لراعي البوفيه وتقول له عطني واحد صامولي كبده وواحد صامولي بيض مثلاً ؟ .

اشوفنا قلبنا الموضوع (شات) شكل المشرفين بيمسكونا الدائري انا وياك