بسم الله الرحمن الرحيم
اخواني
حبيت أقول لكم قصتي وأنا رايح لكندا
ملاحظه كبر كرشتي
<<<<<<< يا كبرها اجل
بعض أجزاء ها القصة حقيقي 100%
<<<<< يعني الباقي نصب محترم
وبعظها مسروق
وبعظها معدل
وبعظها
<======= يا خي اخلص علينى
لذا أرجو عدم الضحك علي
-----------------------------------------------------------
طبعا محسوبكم أول مره يسافر دولي
<<<<<<<<< متعصب للسياحة الداخلية
يعني بصراحة كانت نقله نوعيه في عالم السيارات
<<<<<<< قلب دعاية
هو قد جاني ها الشعور من قبل يوم اني دخل للبيت الساعه 12 الظهر
بعد ما انطبخت وغليت واستويس وصرت كني حميس
ودخلت على البراد والمكيفات والعز والخير
المهم
قصتي صارت في منتصر شهر حزيران يوليو اغسطس القادم
<<<<<<<<< وشو
جهزت شنطتي في نص ساعة وقعدت اسكر فيها أربع ساعات
<<<<<< وش مأخذ أنت
والوالدة الله يجزاها خير قاعدة تقنعني اني اخذ معي كيستين تمر كنيز
وانا معيي
أمي: ابو شوشه وأنا أمك ورى ما تاخذ معك كيستين هالتمر بيفيدونك أذا جا رمضان
أنا: الله يخليتس يوه وش تبين يقولون عني الناس ماخذين معه تمر
أمي: من زينك انت ووجهك وتهتم بكلام الناس ما سمعت المثل اللي يقول:
(( كلااام الناس لا بيئدم ولا يأخر))
انا:
أمي: خذه وماعليك واذكرني اذا وصلت.
أنا: طيب وين احطها فيه؟؟ في الشنطه مالها مكان. وتراني قعدت اربع ساعات
وانا اسكر فيها ومنيب مستعد اسوي ها المغامرة مره ثانيه.
أمي بعد ما فهمت اني ما ابي التمر: اجل خلاص اللي يريحك
المهم سلمت عليهم وودعتهم
وأخذني الوالد للمطار ودار بيننا ها الحوار:
أبوي: هاه ابو شوشه كيف المعنويات؟
أنا : والله مبسوط وخايف في نفس الوقت.
أبوي: الله لا يلومك من المزرعه لكندا حته وحده
أنا: الله يعين أن شاء الله
أبوي: جبت كل أوراقك معك؟ أخبرك دلخ دايم تنسى اغراضك
انا وبعد ما تحطمت معنوياتي الفيزيائية والكيميائية : أيه كلش معي
أبوي: المهم اذا نقصك قروش ولا شي لا يردك الا لسانك
انا في نفسي: لا توصي حريص ازهلها
وصلنا المطار وقعدت اجرجر في الشنطه اللي كنها دولاب
دخلت المطار وأشوف العالم ساكتين ويناظروني
قلت لنفسي: اجل لو مأخذ التمر معي وش سوو.
شوي وينزل ثلاثة من قوات الأمن الخاصة من السقف وأشوف عساكر فوق في صالة الانتظار
موجهين بنادقهم ام ليزر على جبهتي.
طبعا كانوا يلعبون بطريقة 4-4-2
وطلال المشعل هجوم
وماشي طلال وماشي ويا سلام ويمـ.....
<<<<<<< أحس أني طلعت برا الموضوع
..... نرجع
أبوي: وجع وش ذا.
رئيس حرس المطار يزاعق بالميكرفون : لا احد يتحرك. الشنطه مشتبهين فيها.
أنا: وجع يوجعكم تونا داخلين المطار. والله والله ما معي تمر
<<<<< ضعيف هذا اللي هامه
رئيس حرس المطار: انطم أنت
أنا: هاه وش تقول انا ابوي ما قالي انطم تجي تقولي انت
<<<<< مسوي قوي
أبوي: ابو شوشه انطم
انا ووجهي مثل الطماطه: انشاالله
رئيس حرس المطار: لازم نفتح الشنطه
انا:
أبوي: بسرعة لا تطولون، الطيارة بتفوت الولد نبيه يذلف ويفكنا
بعد ما فضو صالة الانتظار تجي ذيك المدرعه اللي تكشف القنابل
يوم قال رئيس حرس المطار: انا بهتم بها بنفسي
<<<<<< مسوي فلم امريكي .
المهم العالم اللي في المطار قاعدين يتابعون الحدث عبر شاشات العرض المنتشره في إرجاء المكان
<<<<<<<< مالها دخل بس اشتهيت اقولها
والحريم جالسات تحت الشاشات ويتابعن الإحداث أول بأول
طبعا معهن صحون الفصفص والكراث
وصلت المدرعه وفتحت سحاب الشنطه
وانا اصيح واتذكر الساعات التي قضيتها فوق الشنطه محاولا اغلاقها
<<<< بغيت اشرق
شوي ونسمع: طووون طيــــــن طون لقد تم الان فتح سحاب الشنطه طوون طين طون
انا: افاااااااااااااااا حتى مذيع المطار.
والمدرعه قاعده تقلب في خلقاني وتنطلهن يمين ويسار يوم يرن جهاز مكتشف المعادن
انا: افااااا شكلي انكفشت
وتمد المدرعه ذراعها وتطلع
.
.
.
.
.
.
.
علبة تونه
رئيس حرس المطار: يعطيني نظرة استحقار
أبوي: يعطيني نظرة تعجب واستغراب مخلوطه بقليل من الاستحقار
طون طيـــــــــــن طون هههههه هههههههه طون طين طون
حتى هو ضحك علي
أبوي: هذا وأنت معيي تاخذ معك كيسة التمر أنت ووجهك يالدب
انا: أ أ أ <<<<<<<<<<< بدا ينتع ضعيف
رئيس حرس المطار: والله اني رحمتك
يالله افراج
المهم بمساعدت قوات المارينز وخفر السواحل قدرنا نسكر الشنطه في 10 دقايق
وصلت لحق الجوازات
راعي الجوازات: هذا أنت، راعي التونة!!!
انا: تكفى استر علينا
راعي الجوازات:معك جوازك؟
انا: ايه تفضل.
راعي الجوازات:قعد يناظر الجواز ثمن عطاني نظره من فوق لتحت
انا: افااا وش فيه
راعي الجوازات:معك أبوك؟
انا: ايه
راعي الجوازات: ناده.
انا: افاااااااا يا ذا العلم وش فيه؟
راعي الجوازات:لازم يجي يوقع على خروجك
انا: وش دعوه بزر
راعي الجوازات: ايه
انا : هاه
راعي الجوازات: توك ما كملت السن القانونية للسفر لحالك
انا: وش ذا اليوم فضيحتين في يوم واحد الله يستر
بعد ما خلاصنا الأوراق والتصاريح
ودعت الوالد حبيت راسه وقال
أبوي:يالله لا تفوتك الطياره.
<<<<<< يبي الفكه بسررررعه
انا: ادعولي.
ابوي: طيب يصير خير
انا:
__
فاصل إعلاني
فيمتوا يعطي اللقاء حلاوته
بس
__
نرجع.....
نــــهاية الجزء الاول
--------------------------------------------
بما أن اصابعي تقطعت وعيونكم شوي وتنفجر قررت اقسم القصه على أقسام
وأقول لكم ترقبوا الجزء الثاني بعنوان ((ابو شوشه في الطيارة ))
ان شاء الله يكون القسم الأول عجبكم
وترى ردودكم هي اللي بتحدد كاني بنزل الجزء الثاني ولا لا
<<<<< يتمنن
فمان الله
رد مع اقتباس
المشاركة الأصلية كتبت بواسطة wizard
