السلام عليكم ورحمة الله .....................
الموضوع (الأعداد النفسي ) أو (التهيئه لشىء أو حدث ما )
سأكون عامّيّاً أي لن استخدم لغةًفصحى أو الفاظاً عربيه مزركشه
ساأسرد قصه للتهيئه أو الأعداد النفسي ..................
القصه سمعتها من أحد الدعاة........
(((( شاب رجع من الاختبارات وكان قاصد سكن الجامعه حتى يرتاح فى غرفته وكان تفكيره مشغول بالاختبارات والنتيجه وعسى ولعل , المهم قابله واحد من اصحابه اسمه عبدالعزيز داخل السكن وكان عبدالعزيز يحب المزاح والمقالب وماعليه من نتايج مزاحه سلبيه كانت او ايجابيه وكان محترف فى هذا الشى والصراح كان شبه تخصص
المهم اللى صار بينهم هاذى المحاوره
عبدالعزيز : انت الحين جيت
صاحبنا المسكين : نعم الحين ليش
عبدالعزيز : ماشفت وانت داخل مع البوابه
صاحبنا :لا ليييييييش؟ وش فيه
( يتغير وجه عبدالعزيز وهو مندهش ) يتصنع طبعاً
عبدالعزيز : ماهو معقول يااخى الدنيا ملغّمه على الاخر أنت متأكد إن البوابه فاضيه وفى الطريق ماقابلت احد مرررررره
صاحبنا : أقول قسماً بالله انك تقول لى وش صار تراك حرقت اعصابى
عبدالعزيز : انت ماشفت رجال الدفاع المدنى والدوريات ورجال معهم اسلحه واقفاص وانت داخل مع البوابه
صاحبنا : بذهول لا والله ليش وش فيها
عبدالعزيز : لا...... حاجه تضحك وتخوف شوى (يقولون غوريلا هربت من الحديقه حق الانعام الجميله وقتلت 3 طلاب وجرحت عدد من الطلاب وهى داخل السكن وماقبضوا عليها الى الحين )
صاحبنا : والله يااخى غريبه ماشفت احد لكن الله يستر الواحد ياخذ حذره
راح عبدالعزيز وبقى صاحبنا يفكر طبعاً نسى الامتحانات ونسى النتيجه وصار مشغول بس فى الغوريلا وعينه يمين شمال وفوق وتحت
المهم وصل الين غرفته وباله مشغول ومرعوب فى نفس الوقت , فتح الباب أول مادخل إلا وهاذى الغوريلا قافزه عليه من فوق الدولاب
الله لايوريكم وش صار فى صاحبنا ............
طبعاً فقد وعيه وانصرع ولاعاد يدرى من الداخل ومن الخارج وشالوه على المستشفى وصابه شبه انهيار
المهم طلعت الغوريلا (عبدالعزيز)
هاذى التهيئه النفسيه القصه عاديه وتمر علينا مرور الكرام لكن لو تمعنّا فيها لو جدنا فيها دروس نحتاجها فى فن التهيئه النفسيه وبدون اى تعقيد .................
تحياتى للجميع ودمتم بخير............................................
أخوكم المســــــــــــــــــافر
رد مع اقتباس