يا أخي حنا مو ضد ابو حاتم هو زميل لنا في البريد ونحييه
حنا ضد اسلوبه واسلوب اصحابه في الساحات
ابو حاتم مشكلته يستصغر ويستتفه عقولنا وهذا الشي محد عاقل يرضى فيه
بالله لو اجيكم انا واقول لكم مبروك مكافأة الاداء سيتم صرفها في الايام القادمة هي الان تحت التوقيع واي يوم يتم الصرف فيه بعد يومين أو ثلاثة او اسبوع او شهر اطلع لكم اقول الحمد لله وعدنا وصدقنا ويجون اصحابي يهللون ويمجدون فيني قال الجهني وصدق الجهني ولا تاخذو المعلومة الا من الجهني
بالله عليكم مو عيب واستخفاف
مثل اللي يجيكم في الليل ويقول يا جماعة بعد كم ساعة رح تشرق الشمس ويوم تشرق يجيكم مبتسم ويقول ما قلت لكم انها رح تشرق ويطبلون له المخابيل كالعادة
بعدين الرجل ما نقول باخلاقه شي لكن مشكلته تفكيره محدود ولاحظوا ما يرد على اي موضوع الا مواضيعه الشخصيه لدرجة اذا قرا موضوع قوي ما يرد عليه يدخل على اي موضوع من مواضيعه ويرد على الموضوع الاخر بداخل موضوعه بالله عليكم وش تقولون في هذا
واخيرا هذا الرجل لا يقبل النقد ولا المداخلات العكسية ابدا
اتذكر قبل 3 سنوات نزل موضوع عن المكافاة ورديت عليه بان معلوماتك غلط راح اشتكاني لادارة الساحة ووقفوا عضويتي اسبوع ومن يومين يرد على عضو انتقده ويقول وين ادارة الساحة عنك سلامات يا الحبيب
