هل من أخبار

[بدران11]

الاخ همس البريد الكلام اللي في المقطع الصوتي هذا كان امس واليوم الموظف معتصم الفيفي سحب نفسه من الموضوع بالعربي الرجال ما عندك احد قلب اليوم الثاني 180 درجة
هذا الكلام صار في قروب حقوق الموظفين في الواتساب

[بدران11]

له يوميين يهايط علينا بالقروب راح وراح اسوي وانا ولد فلان ويهبد صدره وبالاخير اليوم سحب نفسه ونزل مقطع ويقول اذا تضرر القائد كلنا راح نتضرر ولازم نوقف مع القائد يقصد الطف
ما يدري ان الضرر راكبه الحين بالخصميات وخفس الراتب
لكن السوالف هذي اكبر منه وتبي رجال ما تهاااب تشتكي وتوكل محامي بالنظام والقانون

[بريدي (واصل)]

الراي السديد من يوم الأحد نبدأ بجمع الكلمة وقت الدوام الرسمي كل شخص مطلع على الساحة البريديه يقوم بتوجيه زملائة عن قرار اتخاذ محامي ويوجهه لمتابعه الموضوع بالساحة البريدية لأخذ صورة اكبر وأعم بمتطلبات المحامي والحاضر يبلغ الغايب بكذا نكون اجتمعنا على راي واحد بتوفيق للجميع

[همس البريد]

اخوي بدران
احنا ما نوقف عشان شخص انسحب نحن تقريبا 10000موظف أثنين أو ثلاثه يكفون ونحن نطالب بحق يكفله النظام لنا والرئيس نحترم شخصه ولكن نختلف معه في ردود أفعاله مع الموظفين في أمور كثيرة وربما هذه الأمور تكون فاتحة خير للموظفين والضرر ليس للرئيس الضرر للموظفين المسلوبه حقوقهم من عدة أعوام وحان الوقت لنقف ص واحد كباقي الموظفين في وزارت أخرى كالتعليم والصحه وغيرها

[بريدي فاهم]

مااكثر كلامكم ومااقل افعالكم

[مأمور نقل]

ياناس رئيسكم في سويسرا هو وبعض نوابه يقال انها دورة خارجيه والله محد درى عنكم

[عدانا العيب]

رساله الى الاخ معتصم الفيفي ... المحترم
اخوي بما انك بدأت بالفكرة وصرحت باسمك كمل المشوار تراها سهالات وعلى ماقال المثل من بدأ بالمكارم فل يتمها ؟ ولاتخاف على الطف والله لوكان يبون يضرونه كان يوم تهمه الفساد المالي الرجال عروقه بالماء؟ انت ماسويت شي غلط انت تطالب بحق من حقوقك ؟ كيف يتضرر الطف؟ لوكان المؤسسة لها حقوق عندك أخذتها منك بالمطالبة القانونيه بدون أي تردد منهم ؟ اخوي كمل مشوارك ترا احتمال يفتح الله الخير على يدك بإرجاع حقوق الموظفين لهم حسب القانون ؟ لا تنسحب كمل ترا الطف ماعليه خوف الخوف على الموظفين لاتروح حقوقهم ؟ وكذالك ماعليه عقوبه لو كان عليه عقوبه كان عاقبوه من أول ولكن الرجال عروقه بالما مثل ماكتبت اول .... تحياتي

[عالي الهمه]

ماراح ترجع لكم الـ 20% ولا بدل السكن بأثر رجعي لانها غير نظامية
قالها الدكتور بنتن قبل عبر القناة السعودية مالكم بدل سكن مستحيل يصرح بقناة فضائية حكومية وبعدين يطلع كلامه خطأ ( بالعقل ياناس )
انتظروا الخصخصة فقط غيره لاتعبون انفسكم
واتمنى من الجميع تصوير ردي هذا عشان اذكركم فيه مستقبلاً
وعلى فكرة انا موظف قديم مثلكم ومتضرر مثلكم

[عالي الهمه]

مشكلتنا مانعرف النظام ونجي نهايط هنا

[عالي الهمه]

وثانيا منو المحامي اللي برافع عن موظفي البريد بدون لايضمن حقه
بالعقل ياناس اصحوا اصحوا
ترى حنا مو باستراحة قطية
يعني تعتقدون ان المحامي ماراح يطالب نصف المبلغ قبل لايرافع عنا ( بالعقل )
واذا كسب القضية راح يقول يالله خل موظفي البريد يقطون بقية المبلغ
تخيل محد قط شي وش راح يكون مصير اللي متعاقد مع المحامي
المحامي اذا ماضمن حقه بالكامل بشي رسمي والله ثم والله ماراح يرافع عنا
ياناس اصحو اصحوا

[ADIL]

لا بنتن ولاغيره يمثل النظام ..
النظام تمثله لائحة التامينات المعتمدة من وزير العمل، وبنودها تضمن لنا حقنا من 1426هـ،
وفي حال رفعوا الموظفين قضية استرداد حقهم وربحوها بترجع لنا باثر رجعي حتى اليوم..

[الشيخ]

السلام عليكم
كلام جميل من أخونا adil وهذا الصحيح و سمعنا من بعض الأخوه العام الماضي ولا ادري هل هذا الخبر صحيح او لا يقولون ان محمد بنتن طلب سلفه من الماليه لكي يعطي الموظفين بدل السكن و سوف يسدده على دفعات و رفع خطاب بهذا الشأن و ردت الماليه عليه بالرفض لأن البريد له دعم سنوي من الحكومه و بعدها طلع بنتن ان موظفين البريد لا يستحقون بدل السكن ياليت من الأخوه الي عنده خبر او سمع مثل هذا الكلام يفيدنا ولكم الشكر

[مستريح البال]

الخبر عندي ابشرو وخلو كثر الكلام اللي ماله داعي
الميزانيه قريب ان شاء الله اما الاثنين القادم او نهاية الاسبوع
المتوقع اخر حصه لكم (من الميزانية) وبعدها ان شاء الله شركة غابضه فيها زيادة رواتب وعمل جديد واسأل الله خيرها ويكفينها شرها ولاتنسو ان مع العسر يسرا
وخير الكلام ماقل ودل والخير جايكم وتراكم محسودين اتركو كلام اللي ماله داعي والرئيس فيه الخير ان اشاء الله ويعرف ان كان لكم شي او لاء
وسلامتكم

[الشيخ]

يعطيك الصحه و العافيه اخوي مستريح البال الله يسمع منك الله يزينها ان شاء الله

[مستريح البال]

احترم نفسك ولا يكثر ترا ابتلشنا بالمنتدى اللي مثل اشكالك العلم قلته وهو قريب للواقع والايام تحكم اما العجز ولله الحمد يتقلص للأحسن وابشرو بالخير ياموظفين البريد