كنت بداخل سيارتي ، واشاهد حوار حاد بين شخصين تخلله تفل و ضرب ، وبعدما تحريت عن أسباب المشكلة من الألف إلى الياء ، أحببت أن أسرد لكم القصة على شكل مشهد تمثيلي .
الزملاء من بريد جدة
الاول ، نضع له اسم : رمزي وهو من حضر جدة
الثاني ، نضع له اسم : عايد وهو من البادية
كلهم موظفين في بريد منطقة جدة
القصة حسب ما رواها لي رمزي
يقول انا فتحت ورشة سيارات خاصة بالسمكرة والدهان
وفيها فرن بوية على مستوى عالي
واستقدمت عمالة من الفلبين جيدين .
ومن قبل افتح الورشة كنت اشوف الجيب حق زميلي عايد بصراحة حزنت عليه
البوية متقشعة وكأنها محروقة من حرارة الشمس وفيه شخوط يعني السيارة
فقلت في نفسي اول ما انتهي من افتتاح الورشة سوف اجددها له على حسابي مجانا
المهم
بعد ما فتحت الورشة حبيت اعمل له مفاجأة
قلت له ابغا استلف منك السيارة واردها لك بكرة ان شاء الله محتاجها لان سيارتي عطلانه
قال ابشر ولا يهمك لكن السيارة شكلها يفشل ، قلت له لا ما عليك يا اخوية
المهم اخذت السيارة ووديتها للورشة على طول ، واعطيت العمال اوفرتايم وقلت لهم تخلصوها بكرة
قفلوا ابواب الورشة واشتغلوا فيها علشان مافي تصريح من المرور
وفي اليوم الثاني ما امداهم يخلصوها
لما رحت العمل سالني عايد عن السيارة قلت له بكرة اجيبها لك ان شاء الله لاني ما زلت محتاجها
الرجال زعل وقال بكرة
لا تتأخر عن بكرة
قلت له ابشر ولا يهمك
استأذنت من العمل ورحت للورشة والا السيارة شبه جاهزة
ثاني يوم وديتها الصباح شيكت على الكهرباء والميكانيكا ، سويت شوية تعديلات وغيرت بعض القطع القديمة ، ووديتها للعمل ووقفتها بالمواقف
واتصلت على عايد وقلت له تعال خذ سيارتك لاني بروح مستعجل .
ورحت لسيارتي القريبة و شغلت كاميرا علشان اسجل فرحته بسيارته الجديدة
نزل لي عايد وجاء وقال وين السيارة ، قلت له دور عليها هههههه
وهو واقف جنبها وما عرفها
قلت له هذي هي
فتح عيونه يتفقدها يمين يسار شاف اللوحات
انتظرت منه حضن اخوي قوي
قرب مني وتفل بوجهي تفلة غرقت وجهي
ويصارخ يا ولد الكلب وش سويت في السيارة
ركضت لسيارتي كانت فيها قارورة موية وغسلت وجهي مضبوط
شوي والا اشعر بلسعة قوية في رقبتي
واثريها الله يكرمكم ضربة بنعاله رماها علي من بعيد
انا خفت الموقف يتطور ركبت سيارتي بسرعة ورحت البيت
دخلت بيتي وكنت مذهول وخايف .
هذا اللي حصل مع صاحبنا رمزي وهذا اللي قاله لي بالحرف الواحد
يوم راح رمزي انا نزلت من سيارتي وانا متردد خفت احصل لي شي من عايد لانه معصب
لكني نزلت وقلت في نفسي لو مد يده بقصها له
قلت له خير يا عايد وش السالفة
قال لي شوف ابن الكلب الحضــ .... وش سوى بالسيارة
قلت له خير ان شاء الله الرجال مجدد لك السيارة بالكامل
قال وش لقفه هالملقوف الله لا يوفقه
السيارة ودي ابيعها الحين يشوفوها مرشوشة يحسبونها مقلوبة والا مصدومة
والله الا اشكيه للشرطة الخسيس الكلب
قلت له وحد الله يا رجل كم جابت لك السيارة اول
قال جابت لي حوالي 9000 ريال
قلت له انا اشتريت ب 9500 ولا تضيق صدرك . ها بعت ؟
قال طيب هات القروش
رحت انا وياه لمعرض واحد اعرفه وسوينا مبايعه وعطيته 9500 ريال
وروح عايد لبيته ، وانا باقي في المعرض
شوي دخل علينا رجال قال الجيب هذا اللي واقف برة بكم
قلت له ب 16 الف
قال انا شراي ب 13500 بعت ؟
قلت له مبروك عليك ولا اردك
كسبت 4000 في دقيقة ، وسوينا المبايعة
وخرجت البيت حطيت ال4000 في ظرف ورحت عند رمزي
دقيت الجرس طول لين فتح الباب وقال لي كنت خايف يطلع عايد تصير مشكلة ، قلت له ابشرك عايد يعتذر منك وهذي 4000 ريال قيمة السمكرة والبوية
حلف رمزي طلاق ما يدخل بجيبه ريال من عايد ووصفه بانه جاهل و و
قلت له يا رجال هذي مو من عايد
وقلت له القصة كلها
قال والله العظيم ما يدخل جيبي ريال من هذي الفلوس وهذي حقك
يوم اصر على رأيه شكرته ورجعت بيتي
وهذي كل القصة حبيت انقلها لكم
وللعلم الاسماء مستعاره
وش رايكم ؟
رد مع اقتباس
المشاركة الأصلية كتبت بواسطة ((اصيل))M-A-J
