كنت طرحت اقتراحا وقوبلت بهذه الردود من ......

[azizeer]

بسم الله الرحمن الرحيم

طرحت من اسبوعين واكثر موضوعا بعنوان ( اقتراحات بريدية بخصوص المحدد السعودي ) وبتلاقونه في صداره القسم هذا لان ببساطه المنتدى شبه نايم

نرجع لموضوعنا انا قدمت اقتراحات بخصوص المحدد السعودي وقوبلت برد نقدر نقول عنه تسكيته لكن ماعلينا منه هذا حاليا الغريب ردود العضو فيصل دوت كوم

وذكر في رده الاول على احد الموظفين مايلي

20111019-fh2aw2c44tkcgjgd424ynr7uej.jpg

واضح الاستخفاف بالرد انا لست موظف ولا شي انا مجرد عميل وكل الكلام الي قاله غير موجود بالمحدد


ثم يرد علي انا شخصيا بهذا الرد

20111019-sjqmbua8fkm56ndaxe3mafrqi.jpg

ويالله ومدري ايش ويصفني باني جاهل اول مره اشوف موظف جالس يهين عميل مدري وش اسميها احترافيه بالعمل مثلا !!

المشكله يقول تحدث ومدري ايش والاحياء محدثه و ابسط امور التحديث ماصارت بالمحدد الي هو انه ما يدعم متصفح غير الاكسبلور العقيم الناس كلها تستخدم فايرفوكس وسفاري وقوقل كروم والمحدد لسا ع الاكسبلور ويقول تحدث طالما ماتحدث على مالتصفحات وهذا امر بديهي ولازم اول شي نسويه
كيف تقول لي انه حدثوا فيه كل الاحياء ...

ثم بعد ذلك ير= بهذا الرد

20111019-kn21ck9eb1qk9tbtfmjrby17ng.jpg

قام مشكورا العضو عميد واصل بهذا الرد

تبغى أساسي طلعلي موقع 7865 , 7845, 4069 , الرمز 23833 الحي يوجد به سكان ومشتركين الرجاء ذكر أسماء الشوارع .أيضا أسماء الشوارع الاتيهً"القاري" حي المروة و "عبد السلام سكيدج" حي المروة
عندك حي النهضة 23616 و 23614 وهذي موجود جمعية أطفال المعاقين وفرع للخطوط السعودية وشركة الحرمين شركة الزامل وشركة النظافة الوطنيه ومصنع بلادن أريدك وأتحداك تخرجلي عنوان واحد مع أسم شارع وعنوان واصل كامل مع الوحدة

مطالبا فيصل بان يخرج لنا هذا العنوان بناء على طلبه ووجلس انتظر تقريبا اسبوعين انتظر رده وماجاني خبر وكل شوي ارد بالموضوع اذكره لكن

والى ساعه كتابه الموضوع هذا قرابه الاسبوعين والاخ العزيز فيصل مارد حتى علينا

يعني حتى لو جاب فعلا العنوان تاخره اسبوعين هذي مصيبه فيه استخفاف بالعميل واهمال بالعمل ثانيا يدل انه عانى صعوبه في استخراج العنوان وهذا عكس هدف المحدد تماما

وبالتالي انا اطالبه باعتذار شخصي لي لانه وصفني بالجهل وثانيا يعترف امام الملئ بانه كموظف بريد اخطى ومقصر في عمله

[عميد واصل]

الي حصلك هو 1% وبقيلك 99% وأنا أنصحك الا تتعمق لان هنالك فريق من القوات الخاصة تحاربك بشدة وضراوة عن مصالحهم الشخصية ورضى رؤسائهم وأخر أهتمامتهم رضاك يا العميل أو الموظف المخلص المجتهد هو بذات محارب من قبل أدارة لانه لا يرضى بالفساد أو تصحيح الاوضاع أو أقتراح في مصلحة العمل . الموضوع أكبر و أسوا من الي تتوقعة أنت عزيزي الكريم

[انا في اجازة]

لو كتبت في موضوعك اسم الفروقات كان تجد ردود علي الموضوع تراء هم موظفين البريد متي تنزل الفروقات وبدل السكن واتحدى لوكان فيه واحد من الموظفين الذين
يطالبون بالفروقات يعرف شى عن المحدد البريد او حتي مكونات عنوان واصل واسئل اي موظف تعرفه في البريد يشرح لك كيف يكتب عنوان واصل علي الرساله وتريد تحديث او تعريف للمحدد
تحياتي لك

[azizeer]

والله ياعميد واصل ويا انا في اجازة اني اكتب هالمواضيع من اجل اصلاح البريد انا عميل عادي مواطن اتمنى كل خير للبريد لقناعتي التامه بان قطاع البريد وقطاع المواصلات خصوصا القطارات منها هي احد اهم دواعي التقدم لاي دوله بس فعلا شي يقهر ويستفز ان تلقى موظف جالس يهينك عيني عينك ولا احد يقوله شي

فوق انه قاعد يخالف كلامه ولا ينفذه فعلا شي يندى له الجبين

[انا في اجازة]

شي جميل منك و كل مواطن يحرص علي ان يحصل علي خدمات متطوره ولاكن للاسف كل القطاعات في المملكه لاتسع الي تطوير نفسها ويمكن بنفسك تتابع ذالك في جميع تعاملاتك مع الدوائر الحكوميه وليس البريد فقط
شكر علي متابعة موضوعك واتمنى ان تزور البريد السعودي وتشوف الفرق بين الماضي واليوم ولاكن هناك نماذج في البريد نفسه لايريد التطور

[azizeer]

عاد تصدق يا انا في اجازة اني في رمضان الماضي كان دوام قسم واصل يبدا اذا ماخانتني الذاكره يبدا الساعه 10 ورحت لمده 3 ايام عندي شكوى بوصلها لهم
تخيل 3 ايام اجي الساعه 10 وربع 10 ونص متعمد اقول يمكن يتاخرون شوي بالنهايه مافيه سعودي مايتاخر كم دقيقه الزبده اجي ماالقاهم استناهم الى اساعه 11 ولا احد شرف واروح وارجع ع صلاه الظهر اصلي بالبريد الا القاهم توهم مشرفين !! 3 ايام ورا بعض مايجون الا بعد الظهر مصييبه وطامه

[مالكم منه]

اعزيك واعزي نفسي
ودي اقولك قف وقفة المتفرج واضحك على التطور في البريد
لكن الوضع ما يتحمل الوقوف والفرجه
التحديثات ما وقفت على المحدد
البريد بكامل اقسامه وانظمته واداراته يبيله تحديث
نبي دماء جديده تسيل في اوردة الادارات
يكفينا تقليد للانظمة البريدية في الخارج ثم نقول حنا اول من عمل بالتقنية هذي
مثل ما حصل مع واصل في جمع انظمتة وليس المحدد فقط
اخي العزيز
اشكر لك تفاعلك معنا وهذا منزلك
لا تتوقف عند كم شخص يحاربك
وارى فيه الجري لاهثاً لتقديم اقتراحاتك منسوبة لنفسة
مثله مثل بقية ال.... الاهثة في التعامل مع العقول المفكره

[عميد واصل]

عاد تصدق يا انا في اجازة اني في رمضان الماضي كان دوام قسم واصل يبدا اذا ماخانتني الذاكره يبدا الساعه 10 ورحت لمده 3 ايام عندي شكوى بوصلها لهم
تخيل 3 ايام اجي الساعه 10 وربع 10 ونص متعمد اقول يمكن يتاخرون شوي بالنهايه مافيه سعودي مايتاخر كم دقيقه الزبده اجي ماالقاهم استناهم الى اساعه 11 ولا احد شرف واروح وارجع ع صلاه الظهر اصلي بالبريد الا القاهم توهم مشرفين !! 3 ايام ورا بعض مايجون الا بعد الظهر مصييبه وطامه

معليش يا أخوي بس دوامنا في رمضان يبدا من بعد صلاة الظهر وليس 10 هذا فقط دوام المدراء الي مايداومون الا بعد ساعتين

[azizeer]

هلا والله عميد واصل ترا مااتكلم عن الموزعين اتوقع اداريين واصل لاني كنت اراجع بريد حي الشفا بالرياض وكنت لما اجي يقول لي السيكروتي ان دوامهم 10 لكن التوزيع مثل ماقلت انت يبدا بعد الظهر

[azizeer]

حتى هذا الموضوع له اسبوع والاخ فيصل ماشرف !!!

والله شي عجيييييب

[azizeer]

الظاهر الوعد بعد العيد كعادة المهملين

[حسن الشريف]

السلام عليكم ورحمة الله وبركاتة
نحن الان في انتظار الفروقات الله يعجل بالفرج

[azizeer]

فيه انسان كاتب موضوع من شهر والاخ فيصل ساحب

[azizeer]

ومازلت انتظر الاح فيصل يتكرم ورد

[زعبور]

الظاهر مفصول دي اس إلهم ههههههههههههههههههّ<<< يحاول يشوف مخرج لفيصل