مات الأكيد وفتّح الشك الأبواب
سؤال وأبغى منّك تجاوبينــــــــه
نكذب نقول اللي مضى بيننا أعجاب
إي ليش قلبي بس تستدرجــــينه
بأفعالك وتلميحك القلب مرتاب
حتى بتصريحــــك نطقتي تبينه
وقلتي أحبك قلبي بفرحته ذاب
واليوم بتروحين وتجرّحـــــينيه..؟!!
واللي يعيب الرّجل لاقيل ذا عاب
أنّه يحب اللي يتعمّد يهــــــــينه
بموت أحبك لوكلامك سهم صاب
خفوق خلّك لين بيّـــــــــح كنينه
ظنّك بتجريحك أبكرهك بي خاب
مجـــــــوّد مايكرهك لو تذبحينه
وتجريحك تظنين بيسّهل غياب
لا والله الاّ ذبحــتي من الغبينه
قولي نذل قولي متكّبر وكذّاب
أدري عذاب البعد بتسّهلينه..!!
مجوّد لو شفتي بداله لك أحباب
يرفض يصدّق... لو تأكّــــد بعينه
وإن كانك انتي تجرحينه بلا أسباب
وخـــــلاص ماعـــــاد اللقا ترتجينه
حبّه حضر يومين في قلبك وغاب
قلبه صدوق ..الله في بعدك يعينه
لو صدّقك بيعيش محبط ومنصاب
إن كان خنتي..وش بقى في سنينه
ناسٍ تقسّم بين حاسد ونصّاب
وصديق لامنّه بغى أنّك تعينه
وان كان تحتاجه غدا مثل الأغراب
عساه إذا تلقاه يبســـــــط يمينه*
قولي وأبذكر لين سهم الجفا صاب
لعل وجدِي..بمزحك تهوّنينه..!!!!!!
رد مع اقتباس
