محمد صالح القراي الخمشي
يقول :
يالله طلبتك ياعظيم الجلاله
ياخالق المخلوق باشكال واحوال
يالله ياللي كل حي يساله
الوحدالمعبود ماغيرك يســــال
يالله تقبل طلبتي والاساله
انك لاتوفق خبيثين الاعمــال
يامودعا بالقاع ترسي جباله
ياخالق من طعمت الطين رجال
تكفينا شراهل الخطا والمياله
واهل القلوب اللي عن الحق ميال
من يعمل السيات فاله بحاله
ومن ميل الميزان في هالدهرمال
ياول ياخطوالرجل في مقاله
لياعادمايحمي كلامه اليا قال
ليا عادمايحمي كلامه مقاله
عزالله انه بالثقه ماهوبرجال
ان حل في وسط المجالس مجاله
خسران من يودع كلامه على البال
يعجبك قوله يوم تسمع مقاله
عندالعوافي والرخا خوش رجال
وان ركبت الرشيات فوق المحاله
يسحب احباله كان شدن الحبال
واليابدا لازمك ماهوبحاله
نفعه لنفسه وان بدلت حال من حال
نفسه ضعيفه وشوفته قدحاله
عساها تدورعشقته فيه الابدال
لويش منت مقد منبه جماله
عدك عن بالمعروف في حامي اللال
ينسى الشرف والمرجله والشكاله
والطيب والمعروف يضربه الجال
من صد عنك ومدخله بفاله
خل المقفي لا تحطه على البال
اليا حطك جنوبه او شماله
ماهو من الي لصعيبات حمال
خله بفاله وانت تلقا بداله
ارفع مقامك مع عزيزين الاقوال
اهل الوفا والطيب والرجاله
صناعة المعروف في كل الاحوال
اللي على الشدات حالك وحاله
تاجد به المعروف والطيب عمال
لايعجبك وان شفت نضرة خياله
تراه من حسبة هدو من بهاازوال
خله يولي عسى فاله زواله
لوهوولدعما او ولد خـــــــــال
وابنك واخوك ليا انحرف عن عداله
خله مثل ماقيل بالصاع يكتال
خله يجرب ماتصور بباله
ليا صار ماهو لثقيلات حمال
اهل الخفايف ماتحمل اثقاله
تباعه للهون في كل الاحوال
العوشزه ماينسكن في ظلاله
ولالقيبه لسمحين الوجيه مقيال
خل الردي يالقرم مالك وماله
واضرب طريق الطيب ياطيب الفال
رزقك يجي ماكل حي يناله
بس اعتصم باللي عطياته اجزال
خلاق مابالقاع يعلم بحاله
وجميع مابالارض ساكن ورحال
وصلاة ربي على راعي الرساله
على النبي عداد ماهل همال
تسلم إيدينك أستاذي وأخي الغالي
إداري
لافـــض فـــــوك
دمت بصحه وعافيه
أخوك / أبوالعز عمر
