:::تبيعنـــا ((واليـــوم ))تبكي علينـــا:::

[مركاتو]

الشاعر عبدالله العليوي رحمة الله من شعراء عنيزة قصائده سهله وعذبه اتمنى ان تحوز على اعجابكم

أنا تعلمت الجفا من تغليك *** ومن المذلة والخضوع انتهينا
من كل قلبي يشهد الله ناسيك *** غير الضياع بحبكم وش لقينا
ذيك المحبة حطمتها لياليك *** وحنا على قبر المودة بكينا
ابحتفظ في عزة النفس مابيك *** بالناس نلقى اللي نبيه ويبينا
هدمت عرش الحب يا زين بيديك *** تبيعنا واليوم تبكي علينا
أنهيت قصة حبنا في تغليك *** من بحر حبك بالنجاة اكتفينا
ذاب الحنين بعين قلب يراعيك *** مثلك على النسيان والله قوينا

[مركاتو]

. قصيدة .. شفتك مع اللي صار ..

شفتك مع اللي صار عقبي حبيبك
.......... واحتارت العبرة بعيني وصديت
مدري هي الصدفة لدربي تجيبك
.......... مدري أنا اللي في دروبك تحريت
ملكتني واقفيت ربي حسيبك
.......... ما تعرف الرحمة بقلب توليت
يا قلب جرحك سبته من طبيبك
.......... يا قلب ليتك بالوفا ما تماديت
من حبنا كل السعادة نصيبك
.......... يا فاقد الاحساس عني تخليت
وش فايدة لو قلت عني حبيبك
.......... وانت بحياتك يوم ما ظن حبيت
---------------------------------------------------------------------------

.. ومن قصيدة .. خلاص لا ترجع ..

خلاص لا ترجع ترانا سلينا
.......... ماكنت أصدق يوم اني أبنساك
في بعدكم يا ما عليكم بكينا
.......... واليوم ما تطري على البال طرياك
وانا ادري انك رغم صدك تبينا
.......... لاشك ناس ٍ ضدنا تقصر خطاك
خل الذي غير حنانك علينا
.......... يعطيك من قلبه ربع ما عطيناك

-------------------------------------------------------------------------------


ياللي علينا تشتكي طـول ليلـك
.......... ياما سهرنا ماشكينا لـك الليـل
يامـا تحملنـا عذابـك وميلـك
.......... وياما زرعنا مارجينـا محاصيـل
دامك تقول إن الجفاء هد حيلـك
.......... هذا الجفاء ياللي تظنـه تعاليـل
منول أنت الروح منهـو بديلـك
.......... عن هالخطايا كنت أشبهك باسهيل
من يوم شفت العين ظاقت بشيلك
.......... عذرتها شافت من أيامك الويـل
ماعاد تخدعنـي بشـلال ليلـك
.......... لا عاد من حبٍ ولا عاد من ليـل

------------------------------------------------------------------------

قصيدة .. بين الرجا والياس ..

ما جيت دربك راضي ٍ باختياري
.......... لك خطوتي تنقاد لا عني ابطيت
أبعد عن اللي لك يجيبون طاري
.......... وان زارني طيفك لزولك تمنيت
لا نتب بعيد ولا طفت منك ناري
.......... فيك الأمل لا هو بحي ٍ ولا ميت
تخطي واقدم عن خطاك اعتذاري
.......... حتى خطاك أنساه ما كنك اخطيت
بين الرجا والياس طال انتظاري
.......... والياس رحمة يا شقا من توليت
أعلنت بالفرقا عليك انتصاري
.......... بالقلب اشوفك مثل غيرك تساويت..

[مديون]

قصيدة .. شفتك مع اللي صار ..

شفتك مع اللي صار عقبي حبيبك
.......... واحتارت العبرة بعيني وصديت
مدري هي الصدفة لدربي تجيبك
.......... مدري أنا اللي في دروبك تحريت
ملكتني واقفيت ربي حسيبك
.......... ما تعرف الرحمة بقلب توليت
يا قلب جرحك سبته من طبيبك
.......... يا قلب ليتك بالوفا ما تماديت
من حبنا كل السعادة نصيبك
.......... يا فاقد الاحساس عني تخليت
وش فايدة لو قلت عني حبيبك
.......... وانت بحياتك يوم ما ظن حبيت
----------------------------------------

-----------------------------------

مركاتو...
نقل رائع وننتظر منك المزيد . هذه القصيد اعجبتني .
تقبل تحياتي.

[وادي السليكون]

كلها روعه


مشكور اخي الكريم ذو الاحساس الرقيق مركاتوا على هذه القصائد القصيميه.