((جرحك وسام وصرخةٍ شاعريه ))
توي عرفت انك بلا قلب وشعور = توي دريت أنك تدور ضحيه

خذ روح روحي عجزت كل دكتور = حتى الأخصائي فشل بالقضيه

قال انت حي وحالتك حال مخطور = هذا عزاي ولا لنا مقدريه

وانت السبب ياعايشا ً دوم مسرور = لك السعاده والتعاسه عليه

الله وكيلك تطفي بوجهي النور = قاسي ولا ترحم حياتن شقيه

انا بشر عايش وانا تقل مقبور = بس النفس يطرق وانا للمنيه

انا اشهد ان اللي عطاك اسم محظور = أعطاك أسماً حاوي العبقريه

مشكور ياسيد الغنادير مشكور = جرحك وسام وصرخةٍ شاعريه

حتى لو انسى مانسيتك ومعذور = تبقى مع الأيام ذكراك حيه

هو ماكفاك ان اسمك اليوم مشهور = أعطيتك أسم الدره الهاشميه

وانا لعينك صرت عبدا ً ومأمور = ومن الوفاء حبيت كل ((اردنيه))
* *((((((( الــــــــغـــــــا مــــــــــض )))))))))