اخونا مرافب البريد السلام عليكم
واول شيئ ابدأ بقوله تبارك وتعالى { يا أيها الذين امنوا إذا جاؤكم فاسق بنبأ فتبينوا عسى ان تصيبوا قوما بجهالة وتصبحوا على ما فعلتم نادمين } صدق الله العظيم .
حبيبنا مراقب البريد شايفك جالس تكتب وتهاجم مدرائنا في البريد الرسمي في منطقة مكة المكرمة و خصيت بريد العاصمة المقدسة واتكلمت على الفساد الاداري وانا متأكد انك ما تعرف ايش معنى هذه الكلمة ياباشا احب ابينلك الي انت ما تعرفوا مدرائنا في البريد الرسمي الله يحفظهم ولا يغيير علينا الا بالخير انهم من افضل الناس تقدير للناس وظروف الناس ومحنكيين اداريا و ما اعتقد انهم يفعلوا شي الا اذا كان رسمي او بالمشورة مع موظفينهم ولو في موظف اعترض ينزلوا عند رغبته ويحاولا ارضاءه وانت قلت هذا الكلام بنفسك لمن قلت عند ما اتكاتف مجموعه من الموظفين عند المدير الاقليمي وكانت رغبتهم انهم يداوموا في المساء وافق المدير الاقليمي فورا نزول لرغبة الموظفين هيا قلي هذا انت تسميه فساد اداري . هذه من ناحية ولمن اتكلمت وقلت انهم ما عندهم شهادات جامعية صحيح لكن عندهم خبرات متراكمة ودورات ادارية ووصلوا بإجتهادهم ولازم تفرغ هذه الخبرات والدورات وتتحول للواقع العملي ولا هم جاؤنا مدراء من الشارع و كأنهم ما اشنغلوا وزاملناهم ونعرفهم ولا انت بس الا تعرفهم يا حبيبي اذا كان عندك شكوى او اعتراض يا اخي اطلع لمدرائك واتفاهم معاهم والله شفت انهم ما اتجاوبوا معاك قدم شكوى رسمية للمسؤلين وتكون في يدك ادلة وقرائن الا انت جالس تتشدق بها و صدعت روسنا بيهاعندك شي قدمه رسمي و اذا كان في اي خلاف بينك وبين مدرائك لا تجلس تولول اطلع واجهم مواجهة الرجال وقول الشي الا تبغاه عندهم انا اعطيك دليل بسيط على انه مدرائنا عندهم وعي وفكر اداري انا اللي باكلمك عندي بكالوريوس محاسبة والله الجماعة ما حطوني في الصادر ولا الوارد ولا شؤن ادارية حطوني في مكاني المناسب وهو الحسابات للبريد الرسمي تطبيقا للقاعدة الادارية الا انا متأكد انك ما تعرفها وهي (وضع الرجل المناسب في المكان المناسب ) وغير كذا لمن تقول انهم ما يعرفوا يخططوا ادللك على شي بسيط جدا اعتقد انك سمعت ببرنامج او خدمة البريد الرسمي العاجل هذه الخدمة مهمة جدا للدولة ومرتكزها في اعتقادي في المدن الرئيسية فلابد التجهيز لها اللي حصل انه المدير الاقليمي كان فكرته انه يجهزها على اكمل وجه فأضاف وردية ثالثة للوارد لاستقبال العمل وفرزه وتوزيعه كلا حسب جهته يعني يا بطل البريد الرسمي بعد كذا حيكون شغال على مدار الساعة وهذه خطة من القيادات العليا في البريد وبرضوا ارجع اقلك رجاءا اذا عندك شي قدمه رسمي او اشتكي رسميا .
اسع يا حبيبي اذا كنت شجاع وتقول انه معاك عدد من الموظفين ارفع اسمك واساميهم مصحوبة بتواقيعكم بشكوى رسمية حسب التدرج الاداري و لا ما تعرف هذا الكلام وعلى فكرة اذا كان عندك اي دليل او مستند رسمي تقدر تضعه على هذا المنتدى فانا اتحداك انك تقدمه وانا اقدم المستندات اللي عندي في كل القرارات المتخذه وخصوصا في فتح مكتبين الامارة والتمييز . مع السلامة يابطل