تصدقون وحشتوني
اسدقائي سديقاتي
جايب لكم اليوم رحلتي الأسبوع إلي انصرف
( وش رأيكم في كلمة انصرف تحسوني أني مو بسيط )
يا طويلين العمر والسلامة كنت جالس في المزرعة يوم الأربعاء في أمان الله ما عندي من الشيطان طاري
جاني اتصال الساعة 12 في منتصف الليل من اسدقائي يقولون ابو شوشه لك والا للذيب قلت أنا اخلصو وش تبون
<==== عصب ما عنده تفاهم
قالو نبي نطلع للقنص ونبغاك تخاوينا
أنا من سمعت قنص ودي اسكر السماعة في وجهه وش قنصه ضبان وقنص
المهم قلت يالله واعدوني في منطقه معينه وتوعدناا وأنا إلي انقز للسيارة واحمل إغراضي واركب الكنود
( الكنود عبارة عن اتصال لا سلكي )واقعد ثلاث ساعات الين وصلت النقطة إلي متواعدين فيها
الزبده من الكلام هذا نمنا وبعد ما صحينا من النوم افطرنا
<==== أكيد تفطرون اجل تتغدون نواشف
وبعدها انقسمنا فرقتين وكل سيارة فيها ثلاثة أشخاص
واحد يسوق والثاني يصيد والثالث يشوف
<===== رايح مع عميان
المهم صيدنا ضبان وأنا جايب لكم بس الضبان إلي أنا صدتها الشباب عيو يطلعون ضبانهم لأسباب خاصة
هذا صيدي
الضب إلي في وسط الكبوت السيارة هذا نقشته وهو يدلع لسانه علينا يقول أتحداكم تصيدوني
إما الاثنين هذولي صدتهم بالطرد وأنا اركض
هذا الضب قاهرنا لقيناااه قاعد يفحط ويشجع المنتخب الضب توه يذكر فوزنا في كاس اسياء عام الثمانينات
هذا قدرنا
من التعب والإرهاق تسدحنا كلنا وأنا أخذت غفوة ربع ساعة وقمت أصورهم
ما بعد عدلت الصور وإلا كان اسدحها عندكم
المهم هذي صورة الغداء
إيه وسوينا بيض مسلوق بيض ضبان
الي على الدائره بيض ضب
يا طويلين العمر والسلامة هذي رحلتي الأسبوع الماضي في منطقه الشوكي شمال مدينه الرياض
والي يبي ضبان ترى يوم الخميس طالع
يؤؤؤؤؤؤؤؤ
نسيت اسلم عليكم
السلام عليكم ورحمة الله وبركاته
ما يستفاد من الموضوع اعلاه
1- الضب مفيد لامراض عده
2- بيض الضب يمكنك تسويه بيض مقلي أو بيض عيون
3- عكره الضب أول ما تبدأ تأكلها
4- لا تنسى تجيب معك سكينه
7- طامر رقمين مخليها يمكن اني نسيت شي
8- مغطي وجيهننا عشان منظمه حقوق الزواحف ما تعرفنا
لان فيه ضبان مقدمين شكوه ضدنا يقولون من زود البطره قمنا ندعسهم
تبون صور ثاني وإلا اكتفيتو
رد مع اقتباس
المشاركة الأصلية كتبت بواسطة مراسيل
