.
.
رميت بجسمي التعبان على الكنبة ...
وريحت راسي على ذراعها قلت يمكن تواسيني...
سرحت في سقف الغرفة أفكر فيه ساكن عيني ...
غرقت عيوني بدموعي يوم إني سميته...
تنهييييييده كبيرة تعتصر صدري ...
ليتها تمحي لي كل همي...
غزاني طيفه وتذكرته... هو أنا نسيته؟؟؟
تذكرت البدايات ...
تذكرت كيف كنا ... تذكرت أحلى واسعد اللحظات...
تذكرت يوم قال لي احبك ... يا أحلى البنات ...
تذكرت موافق كثيرة عنه في حياتي...
بسبب بعده صارت أصعب ذكرياتي ...
و مواقف... فرض عليه البعد يجهلها ... وكان بودي يسمعها ...
تذكرت قسوته ...عصبيته وكيف بكلمه وحدة يقدر من قلبي يمسحها ...
تذكرت اليوم و الآن واللحظة... وكيف انه "بخيليني" ...
اعرف انه غصب عنه ... اعرف إني أنا همه ...
ليتني ما شفته ... ليتني ما عرفته ...
هو قتلني و أنا ذبحته ...
ياريت في هالدنيا شيء يواسيني و ينسيني...
.
.
.
يا صعب كلمة فراااق ويا قسيها ...
كيف لو كانت بيني وبينك ...
يا صعب إذا عرفت الغلط وقلت أبيه... وكيف إن كان زمانك ...
ويا صعب يوم تقول أبي الشي و ويقولون ما فيه ... و لاهو علشانك ...
يا قسوة الأيام علينا ... وكيف هالزمان بيده يمشينا ...
يالغالي بدمعي اكتب لك ...
ظلمونا الناس وربي يجازيهم ...
.
.
.
الله كريم يبدل الجور بانصاف ...
يجبر فواد مو جعاته ظروفه ...
.
.
.
ظلمونا مساكين ما يدرون عن قلبي وقلبك...
ما سهروا ليالينا...
ما سمعوا أمانينا...
ما قروا أماسينا...
ما دروا إني أنا أبي لك كل الهنا ...
.
.
.
ماقتلني غيابك أكثر من حضورك ...
.
.
.
شفتك... ونسيت الزعل والهم والحزن واللي راح ...
وقلت أكيد اليوم فيه صفحه جديدة بكتابي ...
أكيد أرضى ما دام الهمس يجي منك ...
أكيد أنسى ما دام إني أحس انك... تبي قربي وتهلي به ...
ولكني يا عمري صدمني شي ادري به...
جيتني وكلك الم ودمع وهم ...
جيتني تقول ذبحوني ما يرحمون أنا ما اقدر عليك اندم...
أبيك وهم ما يرضون أبيك وهم علي يقسون أنا تعبان وأتألم ...
.
.
.
يا ضايق الصدر بالله وسع الخاطر ... دنياك يا زين ما تستاهل الضيقه ...
الله على ما يفرج كربتك قادر ... والله له الحكم في دبرة مخاليقه ...
حلو العيون استهانت دمعها الحادر... كف العباير حزين الدمع ماطيقه...
.
عيوني بس تطالع فيك ...
وش ذنبي أنا وكيف أواسيك...
فطرت القلب يا قلبي...
أطالع وبس ما بيدي ...
أخون الأهل والذمة ...
ياريت اقدر أسوي شي ...
وأغير يا حياتي شوي ...
.
.
.
إذا انت عليهم ابد ما تقدر ...
حبيب الروح تظن اقدر ؟؟؟
تظن اصبر ؟؟؟
وإلا بس أعذب نفسي و سنيني...
.
.
.
يامن عذابه يشققني ويرفاني
فرقاك غصب علي بالحيل مكتوبه
خبرت نصف تعب من نصفه الثاني
بعضي الرماد وبعضي نار مشبوبه
.
.
.
أشوف الاآآآه تطعني وتطلع مني مسنونة... تبي تقتلك من بعدي...
أنا ما اقدر أشوف الحزن ياكلني ويذبحني و من بعدي يجي يمك ...
أنا يا روحي علشانك أسامح وأرضى... بلحظه ...
وأنا يا روحي علشانك اخلي العمر... ما يسوى ...
وأنا يا روحي علشانك أعطيك عيوني... لو تبغى ...
وأنا يا روحي علشانك أنسى اليوم ...واللحظة ...
أنسى حبي وأيامي و أنسى سنيني و أحلامي ...
أنسى نفسي إذا ترضى ...
وأنسى الحزن والهم... و باقي كل آلامي ...
وأنساك انت علشانك... ولا أشوف الدمع بعيونك... ولو قطره ...
.
.
.
إمسح الدمعة ترى ضعفك قوي
انهزم قدام ضعفك يا غلاي
إمسح الدمعة بعمري لو تبي
عطني أحزانك وخذ مني هناي
.
.
.
ولا يهمك ولا تزعل ...
بسلي نفسي علشانك ...
بودي بس أشوفك دوم متهني ...
أبيك اليوم تنساني ... وتدور لك على ثاني ...
أنا بفرح... أنا بسمح... إذا في يوم تبي تسال ...
إذا قلبك يبي يعرف بيوم عني وعن أحوالي ...
وأبيك انت تسامحني إذا تمرد قلبي وسلم ...
وإذا عصاني وتألم ...
وإذا فلت مني بلحظة شوق وخلاني ...
وركض لعندك يتبسم... يبي نظره يبي بسمه أي شي منك يا الحاني ...
وترى أنا ما أوصيك على قلبي... لأنك بي أكيد تدري...
رهيف قلبي ما يقوى ...
إذا سلم... أبي تسلم ...
وإذا بعيونك نصف دمعه... عني تكفى تمسحها...
أنا من أول ادعي لك... يوم تقول ادعوا لي ...
واليوم أبي تدري... إني بعد إذا تطلب أنا بدعي ...
يارب... ما أشوفك إلا دوم متهني ...
وتكون أحسن الناس غصب عن عدوينك ...
ويا رب ما تتعب علشاني ... وبكل سهوله تنساني ...
وهذيك البنت الحلوة تطالع فيك تبي نظره ...
وإلا أقول اسفهاعروسك بكره تذبحها ...
وانتبه بس تـْذكرني...
أنا بالحيل أبي نفسي وأمي حيل تبغاني ...
ش تسوى بأم وبنيه... خذت من الدلع كله ...
الكل يقول دلوعه... ودلعها ماحد يمله ...
.
.
.
تذكرتك ...
وأبي النسيان ألا يا خل ساعدني ...
أنا مالي ورى الذكرى ...
إلى مات الأمل خيره ...
أنا ودي على الفرقا حبيبي لو تعاهدني وإلى شفتك ...
تصد و لا تجيب لما مضى سيره ...
تخيّر غير هذي الأرض ...
مكانٍ به تواعدني تخيّر لك مكانٍ صعب ... أعرف فيوم تقديره...
عسى الجرح الذي يدينك أشوفه عنك يبعدني ...
أنا اللي أكرهك ... وأحبك ... شعورٍ صعب تفسيره...
حسيبك ... يالهوى الظالم ... حسيبك لا تعاندني ...
بيلقى صاحبي غيري وأباالقى في العرب غيره...
.
.
.
يمر الوقت ويصرقني ...
وأشوفك معها متهنى ...
وأشوفك في مكان غير ... بعيد عني يا عمري ...
ولكن أرجوك لا تنسى... على عرسك تعزمني ...
وأكيد إني بصبر قلبي واهني...
بجي فرحانة علشانك... عروسك مثلي فرحانة ...
أكيد وليه ما تفرح ؟؟؟ مدام في قلبك لها مطرح ...
عروسك اليوم هي أختي ...
إيه أختي... ولو حتى خذت عمري ...
أبي اطلب وصار ش كثرها الطلبات ...
أنا بالمرة مستحيه ... بس بقول إذا أختي... جابت لك... بنيه ...
أبيك بسرعة... تعلمني وعن اسمي تسألني...
وتسميها على اسمي ...
وتنساني وأنا جنبك ...
وغصب عني أروح افرح...
وبكره تكبر بعد بنتك... وتكتب اسمي واسمك ...
أخاف نكون خناها... أختي العروس نسيناها ...
قلها إن عرفت عني... بنتي هذي لا تظني ...
وانتبه لا تزعلها ... ترى قلبها قلبي ...
وبنتك الحلوة ترى بنتي ... كيف بينتي وأنا انتي ؟؟؟
صعب علي هالمشهد... لكن لأنك فيه بأعيده ... وفدى عيونك أنا أزيده ...
احبك موت يا قلبي ... وأنت قلبي وتدري به ...
.
.
.
عن كل نجم ظهر بسدل أجفاني
لعل ما عيش حزني لحظة غروبه
.
.
.
وإذا للأسف ما صار ... حلمي وصرت عنك ابعيده...
أبي منك إذا اطري على بالك ... بكل خير تذكرني ...
وأبي منك في صلواتك ... بكل حب تدعي لي ...
إن ربي يساعدني ويسعدني ورغم بعدي يريحني ...
عسى ربي هالدنيا تتغير ...و تتعدل وبعد أتزين...
.
.
.
.
.
صحيت و رجعت أصارع نفسي وأيامي ...
صحيت وبعيوني بعد دمعه ... كئيبة حتى أحلامي ...
يا ربي غلطانة إيه نعم ادري ... غلطانة وبينتهي صبري ...
بطوي الماضي بيديني ... وبعيش في حاضر كذا يبيني ...
حياة الماضي بنساها ... حياة قست و تقسيني ...
.
.
.
ذي قسمتنا ياقلبي تصبر عالحـزن لـو طـال
امر مكتوب ومقـدر وكيـف نغيـر المقسـوم
مهو ذنبـي ولاذنبـك نعـاف الحلـم والامـال
مدام ان السهر فارض علينا مـا نـذوق النـوم
ياقلبي تعبت عيوني وهـي تنظر يميـن شمـال
ادور للامـل لكـن لقيـت ان الامـل معـدوم
ياقلبي لا المطر جانـا ولا حتـى بعـد همـال
ما غير تحوفنا الغيمـه تمنينـا المطـر وتحـوم
انا احب البحر واعرف هدير المـوج واليامـال
ولكني معا هـذا احـس انـي مااطيـق العـوم
اعيش بفقري وراضـي ولا ودي يجينـي مـال
لاني لولقيت المال وجيت اشري عجزت آسـوم
ياقلبي مر في سمعي كثير مُن الحكـم وامثـال
ولكن ما لقيت اصدق من اللي قال بكـره يـوم
تعال نعيـش دنيانـا ونتعـود علـى ذا الحـال
ويمكن شمسنا تشرق وتصبح ف العلـوم علـوم
رد مع اقتباس
