الى مانزلت المكافئه يكتب رده هنا

[returnfire2]

السلام عليكم
المترسمين الجدد و المثبيتيين الجدد يحطون ردهم هنا الى ماجاتهم المكافئه فقط


انا اول واحد
لاغياب ولا مشاكل ولا اي شيئ وحاصل على تقدير جيد جدا لعام 1432 و مواضب على سنة 1433 نظيف بدون غياب او مشاكل حتى يومنا هذا

والمكافئه استحقها ولكن مانزلت ليش ايش اللأسباب الى ممكن تحرمني منها والسبب الوحيد الى نعرفه الغياب فقط

[الساتموني]

السلام عليكم ورحمة الله وبركاته

انا ترسمت معكم بشهر 7 ونزلت المكافئه 2209 احسبوها من تاريخ القرار

[Aurion9]

انا ما جاني ايميل لحد الآن !

[خا لد]

نفس الوضع ماجاني ايميل لحد الآن

[returnfire2]

حتى انا الساعه الحين 8 ولم يصلني ايميل والأخ الى فوق يقول جاته بس 2209 والله كانه يتصدقون علينا كانه محنا عيال البلد

[وسيم الشمال]

اخواني المرسمين الجدد والمثبتين الحق لا يزعل احد هذا حقكم من تاريخ الترسيم والتثبيت والحمد لله على كل حال شوفو وين كنتم واليوم كيف صار وضعكم ولكن صدقوني العين لا يملاها الا التراب ملاحضة لا اقصد احد بعينه ولكن هذا مثل للى مو عاجبه العجب

[returnfire2]

خلى الناس تشوف اسلوبك الحظاري بالرد
هذا اسلوب تتكلم بيه مع الرجال ؟ وعلى سيرة البريد كيف كان ويف صار وش دخل تطور البريد بمطالبة حق موظف ما اعطوه حقه
وياليتك التحقت بركب التطور بحوارك البناء الجميل هذا زي ما بريدك اتطور وتتطور معاه
على فكره ماحد فينا يطر هنا هنا كل مين يبي حقه وبس

[هلا بش]

وان لي 25 سنه رسمي ماجاني شيء على الايميل ولا عندي امل انه راح يجي شيء
لابارك الله فيهم الله ينتقم منهم

[returnfire2]

الحمد لله نزلت لي والف مبروك للجمييييع

[aboazez]

انا الحمدلله جاني ايميل بنزول المكافئة غدا الاربعاء

[اخراوراقي]

الحمد لله نزلت لي والف مبروك للجمييييع

الف الف مليون مبروك وعقبال الجميع والله يطرح فيها البركه
بس بغيت اقولك لا تشيش احد خلهم كلن بيجيه رزقه وربك مايضيع احد
تحياتي لكم جميعا

[غبي منه في]

يارجال ( حاميها حراميها ) ينزلون لناس وناس يماطلون فيهم


حسبي الله عليهم ونعم الوكيل

[مراسل طموح]

ياخوان بعض الاميلات وصلت قبل قليل
بعدين ليه دايمن مستعجلين ولا نحكم العقل وعلى نحكم على المؤسسة هكذا.

[returnfire2]

لالالالا لازم الكل مره وحده ليش ناس عن ناس ؟
برضه صح انه اخذت حقي لكن حق غيري مايضيع .........
مو هذا عصر التطور على قولتهم ليش مو بضغطة زر يصير الأيميلات كلها تترسل ؟
لا احد يسكت عن حقه

[عبااادي 2011]

انا مانزلوا لي شي