على طائرات الميج ولا على الميراج

[الغامض]

على طائرات الميج ولا على الميراج == أبا ارسل مناديبي على من يخاف الله

ولاني باشبهها بالاسراء والمعراج == وأنا أستغفر الله جل شانه عن الزله

ولكن سجين ً ينتظر لحظة الافراج == يبي يستبيح الكون بأرضه ويختله

عزيز ٍ طغى فيه الزمن وأنحكر بسياج == وورا سياجه الوقت الشحيح يبهر الدله

وقلت أنت ياذا الوقت سمك عليه داج == وش أسباب ذا والغز يصعب علي حله

امانه وجاوبني على ضو سراج == وش اللي رماك بصوبي وشايل العله

الا ياالله يارافع نجومٍ نورها وهاج == عزيز الجاه ياألله طلبك العبد وأمهله

***** من أبداعي الجديد 00
[B]((((( الـــغــــامـــض )))) 26 / 6 / 2007م[/B]

[وادي السليكون]

على طائرات الميج ولا على الميراج == أبا ارسل مناديبي على من يخاف الله

ولاني باشبهها بالاسراء والمعراج == وأنا أستغفر الله جل شانه عن الزله

في جده و الا في عرعر و الا في الافلاج++++++++سلملي على الغامض يارسولي ثم قله
تــرى الــدنيا ماهـي حــريـر وديـبــــاج++++++++و لاكل الايـــــام لــك ســعد وفــــــله..



وطفح الكيل وبداء يتضح الغموض رويدا رويدا.....

[بوستال]

الدنيا ما تذبـــــــح بس تحز أوداج . . . . . . . وإاللي مـــــا له نصيب ما تفيده الشله
وحسبي على من خلى البريد داج . . . . . . والموظف في فيه يراوح ويقعد محله

وتحياتي أخي الغامض.

[حقاني]

يا طائر الميراج سلم لي على الغامض

وقله ترى الدنيا بها الشين والزين

واسعد اللحظات يوم شفت ابداعك